LPG Supply: ఏపీలో గ్యాస్ కష్టాలకు చెక్.. రంగంలోకి దిగిన చంద్రబాబు

LPG Supply: ఆంధ్రప్రదేశ్ ముఖ్యమంత్రి నారా చంద్రబాబు నాయుడు రియల్ టైమ్ గవర్నెన్స్ సొసైటీ (RTGS) వేదికగా రాష్ట్రంలో గ్యాస్ సరఫరా పరిస్థితిపై ఉన్నత స్థాయి సమీక్ష నిర్వహించారు. ఈ సమావేశంలో ప్రభుత్వ ప్రధాన కార్యదర్శి సాయి ప్రసాద్‌తో పాటు పెట్రోలియం కంపెనీలు, గెయిల్ (GAIL), ఓఎన్జీసీ (ONGC) ప్రతినిధులు పాల్గొన్నారు. రాష్ట్రంలో ఎల్పీజీ (LPG) కొరత ఉందనే ఆందోళనల నేపథ్యంలో ప్రజలకు భరోసా కల్పిస్తూ సీఎం కీలక ఆదేశాలు జారీ చేశారు.

ఎల్పీజీ సరఫరాపై సీఎం స్పష్టత

రాష్ట్రంలో ప్రస్తుతం 14 వేల మెట్రిక్ టన్నుల ఎల్పీజీ నిల్వలు అందుబాటులో ఉన్నాయని, ప్రజలు ఎలాంటి ఆందోళనకు గురికావాల్సిన అవసరం లేదని ముఖ్యమంత్రి స్పష్టం చేశారు. మరో 15 రోజులకు సరిపడా నిల్వలు సిద్ధంగా ఉన్నాయని, అదనపు గ్యాస్ కూడా త్వరలోనే అందుబాటులోకి రానుందని ఆయన వెల్లడించారు. ముఖ్యంగా ఆస్పత్రులు, హాస్టళ్లు, దేవాలయాల వంటి అత్యవసర విభాగాలకు ఎక్కడా సరఫరాలో ఆటంకాలు కలగకుండా చూడాలని అధికారులను ఆదేశించారు.

అక్రమాల నివారణే లక్ష్యం

గ్యాస్ సిలిండర్ల పంపిణీలో అక్రమాలకు తావులేకుండా ఈ-కేవైసీ (e-KYC) , ఓటీపీ (OTP) విధానాలను పటిష్టంగా అమలు చేయాలని సీఎం సూచించారు. సిలిండర్లు పక్కదారి పట్టకుండా కఠిన చర్యలు తీసుకోవాలని, వినియోగదారులకు పారదర్శకంగా గ్యాస్ అందేలా చూడాలని స్పష్టం చేశారు.

ప్రత్యామ్నాయాలపై దృష్టి

గ్యాస్ కంపెనీలు తమ ఉత్పత్తి సామర్థ్యాన్ని పెంచుకోవాలని కోరడంతో పాటు, మార్కెట్‌లో ఇండక్షన్ స్టవ్‌ల లభ్యతను పెంచాలని ముఖ్యమంత్రి సూచించారు. దీనివల్ల గ్యాస్‌పై ఆధారపడటం కొంత తగ్గి అత్యవసర సమయాల్లో ప్రజలకు ఇబ్బందులు కలగకుండా ఉంటుందని ఆయన అభిప్రాయపడ్డారు. గ్యాస్ సరఫరా వ్యవస్థను నిరంతరం పర్యవేక్షిస్తూ.. ప్రజల్లో ఉన్న భయాలను తొలగించాలని అధికారులను ముఖ్యమంత్రి ఆదేశించారు.

Also Read: ఫ్రెష్ చికెన్ పేరుతో కుళ్లిన మాంసం విక్రయం.. 800 కిలోల మాంసం స్వాధీనం!

RTGS లో గ్యాస్ సరఫరాపై సీఎం చంద్రబాబు సమీక్ష

రాష్ట్రంలో 14 వేల మెట్రిక్ టన్నుల LPG నిల్వలు ఉన్నాయన్న ముఖ్యమంత్రి

ఏపీలో ఎలాంటి గ్యాస్ కొరత లేదని స్పష్టం

CM Chandrababu review on gas supply in RTGS. Chief Minister says there are 14,000 metric tonnes of LPG stocks in the… pic.twitter.com/iHRbM2Ta78

— BIG TV Breaking News (@bigtvtelugu) March 17, 2026