AP Liquor Policy Notification: మద్యంప్రియులకు ఏపీ ప్రభుత్వం శుభవార్త చెప్పింది. దసరా పండుగకు ముందే మద్యం దుకాణాలను అందుబాటులోకి తీసుకురానుంది. ఈ మేరకు ఏపీ ఎఎక్సైజ్ మంత్రి కొల్లు రవీంద్ర కీలక ప్రకటన చేశారు. రాష్ట్రంలో ప్రైవేట్ మద్యం దుకాణాలు అందుబాటులోకి రానున్నాయి. ఈ మేరకు రెండేళ్ల కాలపరిమితితో కొత్త మద్యం పాలసీని ప్రభుత్వం ఖరారు చేయనుంది.

ఏపీలో మొత్తం 3,396 మద్యం దుకాణాల లైసెన్స్‌ల జారీకి కూటమి సర్కార్ నోటిఫికేషన్ విడుదల చేసింది. ఈ మేరకు నేటి నుంచి దరఖాస్తు స్వీకరణ కూడా ప్రారంభించింది. అయితే దరఖాస్తు చేసుకునేందుకు రుసుం రూ.2లక్షలుగా కేటాయించారు. ఇందులో ఒక వ్యక్తి ఎన్ని దుకాణాలకైనా దరఖాస్తు చేసుకునేందుకు అవకాశం కల్పించారు.

ఈ దరఖాస్తులను అక్టోబర్ 9 వరకు స్వీకరించనున్నారు. ఆ తర్వాత అక్టోబర్ 11న మద్యం దుకాణాలకు జిల్లా కలెక్టర్ల ఆధ్వర్యంలో లాటరీ తీసి లైసెన్స్‌లు ఇవ్వనుంది. దీంతో ఈనెల 12 నుంచే మద్యం దుకాణాలను ప్రారంభించుకునేందుకు ప్రభుత్వం గ్రీన్ సిగ్నల్ ఇచ్చింది. కాగా, కొత్తగా లైసెన్స్‌లు పొందే దుకాణాలకు ఈ ఏడాది అక్టోబర్ 12 నుంచి 2026 సెప్టెంబర్ 30 వరకు అవకాశం కల్పించారు.

Share

• 
• 
• 
• 
• 
•