AP Speaker Letter To Rebel MLA’s: రెబల్ ఎమ్మెల్యేలపై ఏపీ స్పీకర్ తమ్మినేని సీతారాం ఫైర్ అయ్యారు. వైసీపీ రెబల్ ఎమ్మెల్యేలు, టీడీపీ రెబల్ ఎమ్మెల్యేల అనర్హత పిటిషన్లపై విచారణలో ఇప్పటికే ఎన్నో మలుపులు చోటు చేసుకున్నాయి. చివరగా ఈ నెల 19వ తేదీన తుది విచారణ ఉంటుందంటూ స్పీకర్ తమ్మినేని రెబల్ ఎమ్మెల్యేలకు సమాచారం అందించారు. అయినా కానీ ఎవరూ హాజరు కాకపోవడంపై.. స్పీకర్ అసహనం వ్యక్తం చేశారు .
ఈ క్రమంలోనే ఇక విచారణ చేపట్టకుండా.. న్యాయ నిపుణుల సలహాతో వారిపై చర్యలకు సిద్ధం అయ్యారని తెలుస్తోంది. రెబెల్ ఎమ్మెల్యేలపై అనర్హత పిటిషన్ల అంశంలో త్వరలోనే స్పీకర్ తమ్మినేని నిర్ణయం తీసుకోనున్నారు. దీంతో అనర్హత పిటిషన్లపై విచారణ పర్వానికి ముగింపు పలికినట్టు భావిస్తున్నారు. ఈ మేరకు 8 మంది రెబల్ ఎమ్మెల్యేలకు స్పీకర్ పేషీ నుంచి తాజాగా లేఖలు వెళ్లాయని సమాచారం అందుతోంది.
Read More: మంగళగిరి ఎమ్మెల్యే ఆర్కే యూటర్న్.. మళ్లీ వైసీపీలో చేరిక..
విచారణకు హాజరు కావాలని అవకాశం ఇచ్చినా వాటిని సద్వినియోగం చేసుకోలేదని స్పీకర్ లేఖల్లో వెల్లడించారు. ఈ నెల 19వ తేదీన చివరి విచారణ ఉంటుందన్నా.. హాజరు కాకపోవడాన్ని లేఖలో ప్రస్తావించారు. ఇక విచారణ ఉండదని లేఖల్లో సంకేతాలు ఇచ్చారు. అనర్హత పిటిషన్లపై నిర్ణయాన్ని ప్రకటించబోతున్నానని స్పీకర్ స్పష్టం చేశారు. ఈ నేపథ్యంలో రెబల్ ఎమ్మెల్యేలపై స్పీకర్ ఎలాంటి నిర్ణయం తీసుకుంటారు అనేది ఉత్కంఠగా మారింది.
Share
Farmers Protest Restart: నేటి నుంచి 'ఢిల్లీ చలో' పునఃప్రారంభం.. ఇనుప కంచెల నడుమ రాజధాని
ACB Arrested Jyothi: ట్రైబల్‌ వెల్ఫేర్‌ అధికారి జ్యోతి అరెస్ట్‌.. ఇవాళ కోర్టులో హాజరుపరుచనున్న ఏసీబీ..
