AP Free Bus Scheme: రేపటి నుంచి ఏపీ మహిళలకు ఫ్రీ బస్సు.. మాట నిలబెట్టుకున్న చంద్రబాబు

AP Free Bus Scheme: ఆంధ్రప్రదేశ్‌లో మహిళలకు ఒక ముఖ్యమైన అడుగుగా, రాష్ట్ర ప్రభుత్వం “స్త్రీ శక్తి” పథకం ద్వారా మహిళలకు ఉచిత బస్సు ప్రయాణ సౌకర్యాన్ని అందించనుంది. ఈ పథకాన్ని ముఖ్యమంత్రి నారా చంద్రబాబు నాయుడు ఆగస్టు 15, 2025న సాయంత్రం 4 గంటలకు విజయవాడలోని పండిట్ నెహ్రూ బస్ స్టేషన్‌లో ఘనంగా ప్రారంభించనున్నారు. ఈ కార్యక్రమంలో భాగంగా, ముఖ్యమంత్రి మహిళలతో కలిసి విజయవాడ సిటీ బస్టాండ్ నుంచి ఉండవల్లి, తాడేపల్లి మీదుగా ఆర్టీసీ బస్సులో ప్రయాణించనున్నారు..

కండిషన్లు ఇవే..
స్త్రీ శక్తి పథకం కింద, ఆంధ్రప్రదేశ్ రాష్ట్రానికి చెందిన బాలికలు, మహిళలు, ట్రాన్స్‌జెండర్ వ్యక్తులు ఆంధ్రప్రదేశ్ రోడ్ ట్రాన్స్‌పోర్ట్ కార్పొరేషన్ (APSRTC) బస్సులలో ఉచితంగా ప్రయాణించవచ్చు. ఈ సౌకర్యం పల్లెవెలుగు, అల్ట్రా పల్లెవెలుగు, సిటీ ఆర్డినరీ, ఎక్స్‌ప్రెస్, మెట్రో ఎక్స్‌ప్రెస్ బస్సులలో అందుబాటులో ఉంటుంది. అయితే, ఈ పథకం నాన్-స్టాప్ ఇంటర్‌స్టేట్ సర్వీసులు, కాంట్రాక్ట్ క్యారేజ్, చార్టర్డ్ సర్వీసులు, ప్యాకేజీ టూర్‌లకు వర్తించదు. ఈ సౌకర్యాన్ని పొందేందుకు ఆధార్, ఓటర్ ఐడీ, లేదా రేషన్ కార్డ్ వంటి గుర్తింపు కార్డు చూపించాలి.

జీరో ఫేర్ టికెట్లు నేడు అప్‌‌డేట్
ఈ పథకం ద్వారా రాష్ట్రంలోని సుమారు 2.62 కోట్ల మహిళలు ప్రయోజనం పొందనున్నారు.. ఇది రోజువారీ 26.95 లక్షల మందికి ఉపయోగపడుతుందని అంచనా వేశారు. ఈ పథకం అమలుకు సంవత్సరానికి సుమారు ₹1,942 కోట్ల ఖర్చు అవుతుందని, నెలవారీ ₹162 కోట్ల వ్యయం ఉంటుందని ప్రభుత్వం అంచనా వేసింది. మహిళలకు జీరో ఫేర్ టికెట్లు జారీ చేయడానికి ఎలక్ట్రానిక్ పాయింట్ ఆఫ్ సేల్ (ePOS) మెషీన్ల సాఫ్ట్‌వేర్‌ను ఆగస్టు 14 నాటికి అప్‌డేట్ చేయనున్నారు.

3,000 ఎలక్ట్రిక్ బస్సులు కొనుగోలు..
ప్రయాణికుల సౌకర్యం కోసం, బస్ స్టేషన్లలో ₹30 కోట్ల వ్యయంతో నీటి సరఫరా, శుభ్రమైన టాయిలెట్లు, కూర్చునే సౌకర్యాలు, ఫ్యాన్లు వంటి మౌలిక సదుపాయాలను మెరుగుపరుస్తున్నారు. మహిళల భద్రత కోసం బస్సులలో సీసీటీవీ కెమెరాలు, మహిళా కండక్టర్లకు బాడీ కెమెరాలు అమర్చతాం అని తెలిపారు. అదనంగా, డిమాండ్ పెరిగితే 3,000 ఎలక్ట్రిక్ బస్సులను కొనుగోలు చేయడానికి ప్రభుత్వం ప్రణాళికలు సిద్ధం చేస్తోంది.

Also Read: హైదరాబాద్‌లో 400 అడుగుల జాతీయ జెండాతో భారీ ర్యాలీ..

ముఖ్యమంత్రి చంద్రబాబు నాయుడు ఈ పథకం యొక్క సజావుగా అమలు కోసం అధికారులకు సూచనలు ఇచ్చారు. ట్రాఫిక్ నిర్వహణ, ప్రయాణికుల భద్రత, సౌకర్యవంతమైన సేవలపై దృష్టి సారించాలని ఆదేశించారు. ఈ పథకం మహిళలకు విద్య, ఉపాధి, సామాజిక అవకాశాలను మెరుగుపరచడంతో పాటు, రాష్ట్రంలో సార్వజనిక రవాణాను మరింత సమగ్రంగా మార్చడానికి దోహదపడుతుందని చెబుతున్నారు.

రేపటి నుంచి ఏపీలో మహిళలకు ఉచిత బస్సు ప్రయాణం..

రేపు సాయంత్రం 4 గంటలకు స్త్రీ శక్తి పథకాన్ని ప్రారంభించనున్న సీఎం చంద్రబాబు

మహిళలతో కలిసి ఆర్టీసీ బస్సులో ప్రయాణం చేయనున్న ముఖ్యమంత్రి

విజయవాడ సిటీ బస్టాండ్ నుంచి ఉండవల్లి, తాడేపల్లి మీదుగా ఆర్టీసీ బస్సులో ప్రయాణించనున్న చంద్రబాబు pic.twitter.com/4yeFJ1U2ZS

— BIG TV Breaking News (@bigtvtelugu) August 14, 2025

Share

• 
• 
• 
• 
• 
•