Govindaraja Temple: తిరుపతిలో హై టెన్షన్.. మద్యం మత్తులో ఆలయ గోపురం పైకెక్కి వ్యక్తి హల్‌చల్‌!

Govindaraja Temple: తిరుపతిలోని చారిత్రక శ్రీ గోవిందరాజస్వామి ఆలయంలో ఒక వ్యక్తి చేసిన హంగామా స్థానికంగా తీవ్ర కలకలం రేపింది. నిజామాబాద్ జిల్లాకు చెందిన కుత్తడి తిరుపతి అనే వ్యక్తి, స్వామివారి ఏకాంత సేవ ముగిసిన సమయాన్ని ఆసరాగా చేసుకున్నాడు. ఆలయ భద్రతా సిబ్బంది విధుల్లో ఉండగానే, వారి కళ్లు గప్పి అత్యంత సాహసంతో ఆలయ మహాద్వారం లోపల ఉన్న గోపురంపైకి ఎక్కాడు. మద్యం మత్తులో ఉన్న అతను గోపురంపై ఉన్న పవిత్ర కలశాలను పట్టుకుని లాగే ప్రయత్నం చేయడంతో, ఏదైనా ప్రమాదం జరుగుతుందేమోనని భక్తులు, ఆలయ సిబ్బంది ఆందోళనకు గురయ్యారు.

వింత షరతు..

గోపురంపై ఉన్న వ్యక్తిని కిందకు దించేందుకు పోలీసులు, అగ్నిమాపక సిబ్బంది, ఆలయ అధికారులు గంటల తరబడి శ్రమించారు. అధికారులు అతడిని బుజ్జగించి కిందకు రమ్మని కోరగా, అతను ఊహించని డిమాండ్ పెట్టాడు. తనకు ఒక క్వార్టర్ మద్యం బాటిల్ ఇస్తేనే కిందకు దిగుతానని, లేదంటే దూకేస్తానని బెదిరించాడు. ఈ వింత డిమాండ్‌తో అధికారులు ఒక్కసారిగా అవాక్కయ్యారు. సాధారణంగా భక్తిభావంతో నిండి ఉండే ఆలయ ప్రాంగణంలో, ఇలాంటి అపవిత్రమైన కోరిక కోరడం అక్కడ ఉన్న వారిని దిగ్భ్రాంతికి గురిచేసింది.

పోలీసుల సాహసోపేత ఆపరేషన్

నిందితుడు ఎంతకీ దిగి రాకపోవడంతో, పోలీసులు, ఫైర్ సిబ్బంది ఐరన్ నిచ్చెనల సహాయంతో గోపురం పైకి చేరుకున్నారు. అతను పైనుంచి జారి పడకుండా జాగ్రత్తలు తీసుకుంటూ, చాకచక్యంగా అతడిని అదుపులోకి తీసుకున్నారు. నిందితుడిని నిజామాబాద్ జిల్లా కూర్మవాడలోని పెద్ద మల్లారెడ్డి కాలనీకి చెందిన వ్యక్తిగా గుర్తించారు. ఈ ఘటనతో ఆలయ పవిత్రతకు భంగం కలగడమే కాకుండా, తిరుమల తిరుపతి దేవస్థానం (TTD) పరిధిలోని ఆలయాల్లో భద్రతా లోపాలు మరోసారి చర్చనీయాంశంగా మారాయి.

Also Read: రన్‌వేపై నుంచి పక్కకు దూసుకెళ్లిన విమానం.. వీడియో వైరల్.

ప్రస్తుతం నిందితుడు తిరుపతిని ఈస్ట్ పోలీస్ స్టేషన్‌కు తరలించి కేసు నమోదు చేశారు. ఈ ఘటనపై ఈస్ట్ డీఎస్పీ భక్తవత్సలం స్పందిస్తూ.. నిందితుడు అసలు గోపురంపైకి ఎలా వెళ్ళగలిగాడు? దీని వెనుక కేవలం మద్యం మత్తు మాత్రమే ఉందా లేక ఇతర మానసిక కారణాలు ఏమైనా ఉన్నాయా? అనే కోణంలో విచారణ జరుపుతున్నామని తెలిపారు. ఆలయ భద్రతను మరింత కఠినతరం చేస్తామని, విచారణ అనంతరం పూర్తి వివరాలను మీడియాకు వెల్లడిస్తామని ఆయన పేర్కొన్నారు.

గోవిందరాజ స్వామివారి ఆలయ గోపురంపై వ్యక్తి హల్‌చల్‌!

తిరుపతి గోవిందరాజ స్వామివారి ఆలయంలో భద్రతా లోపం

మద్యం మత్తులో సిబ్బంది కళ్లు గప్పి ఆలయంలోకి ప్రవేశించిన గుర్తు తెలియని వ్యక్తి

మహా ద్వారం లోపల గోపురం ఎక్కి కలశాలు లాగే ప్రయత్నం

వ్యక్తిని కిందికి దింపేందుకు దాదాపు మూడు గంటల… pic.twitter.com/lz50nT2UvB

— BIG TV Breaking News (@bigtvtelugu) January 3, 2026

Share

• 
• 
• 
• 
• 
•