Thalliki Vandanam Scheme: తల్లికి వందనం స్కీం.. ఇవన్నీ రెడీ చేసుకోండి!

Thalliki Vandanam Scheme: మీ పిల్లలు స్కూల్‌కి వెళ్తున్నారా? అయితే ఈసారి ప్రభుత్వం మీకో నేరుగా నగదు బహుమతి అందించబోతోంది. ఒక్కో చదువుకునే పిల్లవాడికీ ఏకంగా రూ.15,000 చొప్పున ఏడాదికి సాయం! మీ ఇంట్లో ఇద్దరు పిల్లలు ఉంటే? ఓహో.. ఏకంగా రూ.30,000 మీ ఖాతాలోకి రానుంది. కానీ ఈ అవకాశాన్ని చేజార్చుకోవద్దంటే.. కొన్ని పత్రాలు ఇప్పుడే సిద్ధం చేసుకోవాలి!

జూన్ 12 నుంచి ఈ పథకం అమల్లోకి రానుండగా, జూన్ 5 లోపే బ్యాంక్ ఖాతా – ఆధార్ లింక్ పూర్తి చేసుకుంటే తప్పనిసరిగా ఈ నిధులు మీకు అందుతాయి. చదువు మధ్యలో ఆగకూడదని, తల్లిదండ్రుల భారం తక్కువ చేయాలని ప్రభుత్వం తీసుకొస్తున్న ఈ స్కీమ్ మీ కుటుంబ భవిష్యత్తును మార్చే దిశగా అడుగులేయనుంది. ఇక పూర్తి వివరాలలోకి వెళితే..

ముహూర్తం ఇదే..
ఏపీ ప్రభుత్వం విద్యను ప్రోత్సహించేందుకు ఓ ప్రత్యేకమైన పథకాన్ని ప్రారంభిస్తోంది. జూన్ 12 నుంచి తల్లికి వందనం అనే పథకం రాష్ట్రవ్యాప్తంగా అమల్లోకి రానుంది. ఈ పథకం ద్వారా ఇంట్లో చదువుకుంటున్న పిల్లల తల్లులకు ఆర్థికసాయం అందించనుంది. ఒక్కొక్క విద్యార్థి కోసం ఏడాదికి రూ.15,000 చొప్పున ప్రభుత్వమే తల్లి ఖాతాలోకి నేరుగా జమ చేయనుంది.

ఇంట్లో ఎంతమంది పిల్లలు స్కూల్‌కి వెళ్తున్నారో, అందరిపైనా ఈ ఆర్థికసాయం వర్తిస్తుంది. అంటే ఓ తల్లికి ఇద్దరు పిల్లలు ఉంటే ఆమె ఖాతాలో ఏడాదికి రూ.30,000 జమవుతుంది. ఈ డబ్బును తల్లి పిల్లల చదువులకే వినియోగించాల్సిందే. ఈ పథకం వలన పిల్లల చదువు నిలిచిపోకుండా, తల్లులకు నేరుగా ప్రోత్సాహం లభించనుంది.

అర్హులు ఎవరు?
ఈ పథకానికి అర్హులు కావాలంటే కొన్ని ముఖ్యమైన డాక్యుమెంట్లు అవసరం. విద్యార్థి స్టడీ సర్టిఫికెట్ తప్పనిసరి. అలాగే తల్లి ఆధార్ కార్డు, తల్లి పేరు మీద బ్యాంక్ ఖాతా వివరాలు, తల్లి పేరు మీద కుల ధ్రువీకరణ పత్రం, పిల్లల పాఠశాల హాజరు సర్టిఫికెట్ కూడా తప్పనిసరిగా సమర్పించాలి. ఇవి స్థానిక వాలంటీర్ల ద్వారా గ్రామ వారీగా సేకరిస్తారు లేదా వెబ్‌సైట్ ద్వారా అప్లై చేసే అవకాశం ఉంటుంది.

ఈ పథకం కింద 1వ తరగతి నుండి 12వ తరగతి చదువుతున్న పిల్లల తల్లులు మాత్రమే అర్హులు. డిగ్రీ, ఇంటర్, డిప్లొమా విద్యార్థుల తల్లులకు ఇది వర్తించదు. ముఖ్యమైన విషయం ఏంటంటే.. తల్లి బ్యాంక్ ఖాతాకు ఆధార్ నెంబర్ మరియు NPCI లింకింగ్ పూర్తవ్వాలి. లేకపోతే అకౌంట్లో సొమ్ము జమ కాదని అధికారులు స్పష్టం చేస్తున్నారు. అందువల్ల తల్లులు వెంటనే తమ బ్యాంక్ బ్రాంచ్‌కి వెళ్లి NPCI ఆధార్ లింకింగ్ చేసుకోవాలి.

ఈ పథకాన్ని ముఖ్యమంత్రి ప్రత్యేకంగా ప్రారంభించబోతున్నారు. పాఠశాల విద్యకు ఇదొక గొప్ప మద్దతుగా మారనుంది. ముఖ్యంగా గ్రామీణ ప్రాంతాల్లో తల్లులు తమ పిల్లల చదువులను ఆర్థికంగా గట్టిగా ఆదుకునేలా ఈ పథకం మార్గదర్శకంగా నిలుస్తోంది. చాలా తల్లులు భర్త, కుటుంబ సహకారం లేకుండా పిల్లల చదువులకు పోరాడుతున్నారు. అలాంటి తల్లులకు ఇది ఒక వరంగా నిలవనుంది.

Also Read: Gold Rate Today: మళ్లీ తగ్గిన బంగారం ధర.. ఇదే మంచి ఛాన్స్‌..

ఇవన్నీ రెడీ చేసుకోండి..
అలాగే, ఈ మొత్తాన్ని తల్లి ఏ విధంగా వినియోగించిందనే విషయాన్ని కూడా స్కూల్ అధికారి లేదా గ్రామ వాలంటీర్లు పర్యవేక్షిస్తారు. ప్రభుత్వ ప్రణాళిక ప్రకారం ఈ పథకం లబ్దిదారులను గ్రామ సచివాలయం స్థాయిలో ప్రకటించనున్నారు. విద్యార్థుల తల్లులు ఈ పథకాన్ని పూర్తిగా వినియోగించుకోవాలంటే.. ఆధార్, అకౌంట్, హాజరు వంటి అంశాలపై అప్రమత్తంగా ఉండాల్సి ఉంటుంది.

ఈ పథకం ద్వారా తల్లులు చదువు పట్ల మరింత బాధ్యతగా మారతారు. పిల్లలు చదువులోను మంచి ఫలితాలు సాధించేందుకు ప్రయత్నిస్తారు. ఈ రెండు కలిసి కుటుంబాన్ని ఉన్నతంగా నిలిపే అవకాశముంటుంది. గ్రామీణ అభివృద్ధిలో ఇది కీలక ఘట్టంగా మారనుంది.

మొత్తంగా చూస్తే తల్లికి వందనం పథకం విద్యాభివృద్ధికి, తల్లుల ప్రోత్సాహానికి, పిల్లల భవిష్యత్తుకు దిశానిర్దేశకంగా నిలిచేలా ప్రభుత్వ యత్నం స్పష్టంగా కనిపిస్తోంది. ప్రతి తల్లి ఈ అవకాశాన్ని వదులుకోకుండా ముందుగానే అవసరమైన వివరాలు సిద్ధం చేసుకోవాలి. ఈ స్కీమ్ తో లబ్ది పొందేందుకు మీరు సిద్ధమా? అయితే ఇవన్నీ మరచిపోవద్దు!

Share

• 
• 
• 
• 
• 
•