Make Alcohol: నేటి కాలంలో మద్యం అంటే ప్రజలకు ఒక అమృతంలా ఫీలవుతున్నారు. అయితే మద్యం ప్రియుల బలహీనతను పెట్టుబడిగా మార్చుకుని, అక్రమ సంపాదనకు అలవాటు పడిన ఓ వ్యక్తి ఉదంతం చిత్తూరు జిల్లా తిరుచానూరులో కలకలం రేపింది. నగేష్ రెడ్డి అనే వ్యక్తి కేవలం యూట్యూబ్ వీడియోలను చూసి మద్యం తయారీ నేర్చుకున్నాడు. గత మూడు నెలలుగా గుట్టుచప్పుడు కాకుండా తన నివాసంలోనే ఈ నకిలీ మద్యం యూనిట్ను నడుపుతున్నాడు. కేవలం “ఈజీ మనీ” కోసం ప్రజల ప్రాణాలతో చెలగాటమాడుతూ, ఎటువంటి అనుమతులు లేకుండా రసాయనాలతో ఈ దందాను కొనసాగించాడు.
మద్యం అంటే ఉన్న క్రేజ్ను గమనించిన నగేష్ రెడ్డి, బ్రాండెడ్ బాటిళ్లను పోలిన ప్యాకేజింగ్తో ఒక్కో బాటిల్ను రూ. 300 చొప్పున విక్రయించేవాడు. తక్కువ ధరకే లభిస్తుందన్న ఆశతో చుట్టుపక్కల వారు కూడా అసలు విషయం తెలియక దీనికి అలవాటు పడ్డారు. పోలీసుల కార్డెన్ సెర్చ్ (తనిఖీలు) నిర్వహించిన సమయంలో అకస్మాత్తుగా ఈ తయారీ కేంద్రం బయటపడటంతో అధికారులు సైతం విస్తుపోయారు. తయారీకి ఉపయోగించే పరికరాలు, రసాయనాలు, బాటిళ్లను స్వాధీనం చేసుకున్న పోలీసులు, నిందితుడిని అరెస్ట్ చేసి రిమాండ్కు తరలించారు.
సాధారణంగా మద్యం సేవించే వారు దాని నాణ్యత కంటే కిక్కు ఇచ్చే గుణానికే ప్రాధాన్యత ఇస్తుంటారు. ఈ బలహీనతనే అక్రమార్కులు ఆసరాగా చేసుకుంటున్నారు. శాస్త్రీయ పద్ధతులు, క్వాలిటీ కంట్రోల్ లేని ఇలాంటి నకిలీ మద్యం వల్ల లివర్ డ్యామేజ్, కంటిచూపు కోల్పోవడం, కొన్ని సందర్భాల్లో మరణం కూడా సంభవించే ప్రమాదం ఉంది. తక్కువ ధరకు వస్తుందని భావించి ప్రాణాల మీదకు తెచ్చుకోవడం విజ్ఞత కాదని ఆరోగ్య నిపుణులు హెచ్చరిస్తున్నారు.
నేటి టెక్నాలజీ యుగంలో యూట్యూబ్ను విజ్ఞానానికి వాడుకోవాల్సింది పోయి, ఇలాంటి అక్రమ పనులకు ఉపయోగిస్తుండటం ఆందోళన కలిగించే విషయం. ప్రభుత్వ లైసెన్స్ కలిగిన షాపుల్లో కాకుండా బయట దొరికే ఏ పానీయాన్నైనా అనుమానించాల్సిన అవసరం ఉంది. తిరుచానూరు వంటి ఆధ్యాత్మిక ప్రాంతంలో ఇలాంటి అనైతిక చర్యలు బయటపడటం స్థానికంగా చర్చనీయాంశమైంది.
Also Read: నాడు మద్యం మాఫియా, నేడు దాడులు.. జగన్ సర్కార్పై షర్మిల నిప్పులు
ప్రజలు తమ వ్యసనాలను అదుపులో ఉంచుకోవడంతో పాటు, చుట్టుపక్కల అనుమానాస్పద కార్యకలాపాలు కనిపిస్తే వెంటనే అధికారులకు సమాచారం ఇవ్వాలి. అక్రమ సంపాదన కోసం సామాన్యుల ప్రాణాలతో ఆడుకునే నగేష్ రెడ్డి లాంటి వ్యక్తుల పట్ల కఠిన చర్యలు తీసుకోవాలని స్థానికులు కోరుతున్నారు. మీ ఆరోగ్యం మీ చేతుల్లోనే ఉంది; నకిలీ మత్తుకు బానిసై జీవితాలను నాశనం చేసుకోవద్దు.
యూట్యూబ్లో చూసి మద్యం తయారుచేయడం నేర్చుకుని అమ్మకాలు
ఒక్కో బాటిల్ రూ.300 చొప్పున అమ్ముతున్న నగేష్ రెడ్డి అనే వ్యక్తి
తిరుచానూరులో నకిలీ లిక్కర్ తయారీ గుట్టురట్టు
పోలీసుల కార్డెన్ సెర్చ్లో బయటపడిన విషయం
మూడు నెలలుగా మద్యం తయారు చేస్తున్నట్లు గుర్తించిన అధికారులు
ఈజీ… pic.twitter.com/UD5kxsm43x
— BIG TV Breaking News (@bigtvtelugu) March 9, 2026
Share
Drunk Driving: పీకల దాకా ఫుల్లుగా తాగారు.. దొరికిపోయారు..!
YS Sharmila: కల్తీ పాల ఘటన.. ముమ్మాటికి ప్రభుత్వ హత్యలే.. వైఎస్ షర్మిల ఫైర్
