Hot Sambar Accident: తిరుపతి జిల్లా చిట్టమూరు మండలం మల్లం గ్రామంలోని ప్రసిద్ధ శ్రీ వల్లీ దేవసేన సమేత సుబ్రహ్మణ్య స్వామి ఆలయంలో బ్రహ్మోత్సవాలు తీవ్ర విషాదాన్ని నింపాయి. స్వామివారి కళ్యాణాన్ని పురస్కరించుకుని భక్తుల కోసం భారీ స్థాయిలో అన్నదానం నిర్వహించేందుకు ఆలయ పరిసరాల్లో ఏర్పాట్లు చేస్తుండగా అకస్మాత్తుగా ఊహించని ప్రమాదం చోటుచేసుకుంది.
ఎలా జరిగింది?
అన్నదానానికి సంబంధించి వంటలు తయారుచేస్తున్న కేంద్రం వద్ద ప్రమాదవశాత్తు వేడిగా ఉడుకుతున్న సాంబారు దబర జారిపడింది. ఆ సమయంలో అక్కడ పనుల్లో ఉన్న భక్తులు, సేవకులపై ఆ సాంబారు పడటంతో 12 మంది తీవ్రంగా గాయపడ్డారు. ఒంటిపై వేడి సాంబారు పడటంతో వారంతా నొప్పితో కేకలు వేశారు. ఈ ఘటనతో ఆలయ ఆవరణలో ఉన్న భక్తులంతా తీవ్ర భయాందోళనకు గురయ్యారు.
వైద్య సహాయం, బాధితుల పరిస్థితి
ప్రమాదాన్ని గమనించిన స్థానికులు, ఆలయ నిర్వాహకులు వెంటనే స్పందించి క్షతగాత్రులను చికిత్స నిమిత్తం నాయుడుపేట ప్రభుత్వ ఆసుపత్రికి తరలించారు. గాయపడిన వారిలో ఇద్దరి పరిస్థితి అత్యంత విషమంగా ఉండటంతో, మెరుగైన వైద్య సేవలు అందించేందుకు వారిని వెంటనే చెన్నైలోని ప్రధాన ఆసుపత్రికి తరలించారు. మిగిలిన బాధితులకు నాయుడుపేటలోనే ప్రస్తుతం చికిత్స కొనసాగుతోంది.
స్వామివారి బ్రహ్మోత్సవాల వేళ సంతోషంగా గడపాల్సిన సమయంలో ఈ విచారకరమైన ఘటన జరగడంతో మల్లం గ్రామంలోనూ, ఆలయ ప్రాంగణంలోనూ తీవ్ర విచార ఛాయలు అలముకున్నాయి.
Also Read: ఒకటి రెడ్డి.. మరొకటి బీసీ.. బీఆర్ఎస్ ఎమ్మెల్సీ వ్యూహం ఫలించేనా?
Share
అవకాశవాదులు.. ఈ తేదీల్లో పుట్టినవారు డబ్బు సంపాదించే మార్గాన్ని త్వరగా గుర్తిస్తారు
మీ ఫోన్ను వేరొకరికి ఇస్తున్నారా? స్క్రీన్ లాక్ మాత్రమే సరిపోదు!ఈ జాగ్రత్తలు తప్పనిసరి
