Fact Check: గాల్లోకి ఎగిరి హైవే సైన్ బోర్డులో ఇరుక్కుపోయిన మహీంద్రా థార్, ఇంతకీ అది నిజమేనా?

సోషల్ మీడియాలో వైరల్ అవుతున్న వీడియోలు, ఫోటోలు ఏది నిజమో? ఏది అబద్దమో చెప్పడం కష్టం అవుతోంది. ఏఐ పుణ్యమా అని పరిస్థితి ఈ స్థాయికి చేరింది. తాజాగా మహీంద్రా థార్ గాల్లోకి ఎగిరిపోయి ఒక పెద్ద హైవే ఎగ్జిట్ సైన్‌ బోర్డ్‌ ను ఢీకొట్టినట్లు చూపించే వీడియో సోషల్ మీడియాలో వైరల్ అవుతోంది. ఈ క్లిప్‌లో, ఢిల్లీ, గురుగ్రామ్, జైపూర్, ఎగ్జిట్ 22, NH-48 అని రాసి ఉన్న ఓవర్ హెడ్ బోర్డు లోపల SUV ఇరుక్కుపోయినట్లు కనిపిస్తుంది. ఈ విజువల్ చూడ్డానికి షాకింగ్ గా ఉంది. అదే సమయంలో అనుమానం కలిగేలా చేస్తోంది.

ఇంతకీ నిజంగానే థార్ సైన్ బోర్డులో చిక్కుకుపోయిందా?

సోషల్ మీడియాలో వైరల్ అవుతున్న ఈ వీడియో ప్రస్తుతం నెట్టింట వైరల్ అవుతోంది. చాలా మంది వినియోగదారులు దీనిని నిజమైన ప్రమాదంగా పోస్ట్ చేస్తున్నారు. వీడియోలో, ఫోటోల్లో చూపించినట్లుగా, థార్ చాలా ఎత్తులో సైన్‌ బోర్డ్‌ పై ఉంది. రోడ్డు మీది నుంచి అత్యంత వేగంగా దూసుకెళ్లి ఆ సైన్ బోర్డులో ఇరుక్కుపోయినట్లు కనిపిస్తుంది. ఈ ఘటన నిజమైనదే అని చెప్పేలా పక్కనే ర్యాంప్ ఉన్న ట్రక్కు కూడా ఉంది. అయితే, ఆ ట్రక్కు AI-జనరేటెడ్ అని చాలా మంది నెటిజన్లు కామెంట్స్ చేస్తున్నారు. థార్ చిక్కుకున్న విధానం కూడా అసహజంగా కనిపిస్తుంది. ఒక SUV ఆ ఎత్తుకు వెళ్లడంతో పాటు అక్కడే చిక్కుకోవడం నిజంగా అ సాధ్యం అంటున్నారు.

అదంతా ఏఐ మాయనా?

ఈ ఘటనకు సంబంధించి కొంత మంది నెటిజన్లు అసలు నిజం తెలుసుకునే ప్రయత్నం చేస్తున్నారు. అయితే, ఇది నిజమైన ఘటన కాదని తేలింది. సోషల్ మీడియాలో వైరల్ అవుతున్న వీడియోలో ఏమాత్రం నిజం లేదంటున్నారు నిపుణులు. ఈ వైరల్ ఫుటేజ్ ఏఐని ఉపయోగించి క్రియేట్ చేసినట్లు చెప్తున్నారు. NH-48లోని ఎగ్జిట్ 22 దగ్గర, మహీంద్రా థార్ హైవే సైన్‌ బోర్డ్‌ ను ఢీకొట్టినట ఘటన ఏది లేదు.

A viral video showing a Mahindra Thar allegedly crashing into a signboard on National Highway 48 is creating massive buzz online. While some users believe it’s a real accident, others suspect the clip may be AI-generated or digitally altered. pic.twitter.com/NVQ2IiWbrq

— The Bridge Chronicle (@TBChronicle) February 19, 2026

ఏఐ వీడియోల పట్ల జాగ్రత్తగా ఉండాలంటున్నారు!

AI జనరేటెడ్ వీడియోలు సర్వసాధారణం అవుతున్నందున, అలాంటి కంటెంట్ ఆన్‌ లైన్‌ లో సులభంగా గందరగోళాన్ని వ్యాపింపజేస్తుంది. ఏదైనా వీడియోను షేర్ చేసే ముందు దాన్ని కన్ఫార్మ్ చేసుకోవాలని చెప్తున్నారు. ఈ ఘటనకు సంబంధించి ఫ్యాక్ట్ చెక్ లో థార్ ఏ సైన్‌ బోర్డ్‌ ను ఢీకొట్టలేదని తేలింది. వీడియో డిజిటల్‌ గా క్రియేట్ చేసినట్లు వెల్లడయ్యింది. సోషల్ మీడియాలో వచ్చే ఇలాంటి ఘటనకు సంబంధించిన వీడియోలను చూసి ప్యానిక్ కాకూడదని నిపుణులు ప్రజలకు సూచిస్తున్నారు. నిజానిజాలు ఏంటనేది ముందుగా తెలుసుకోవాలంటున్నారు.