Mahindra 6 New SUVs: భారత్ లో అతిపెద్ద ఎస్యూవీ తయారీ సంస్థల్లో ఒకటైన మహీంద్రా, రాబోయే రోజుల్లో అదిరిపోయే మోడల్స్ ను విడుదల చేసేందుకు రెడీ అవుతోంది. ఇప్పటికే మార్కెట్లో మంచి ఆదరణ పొందుతున్న స్కార్పియో, థార్, XUV లాంటి మోడళ్లతో పాటు, కొత్త ఎలక్ట్రిక్ వాహనాలు, ఫేస్ లిఫ్ట్ వెర్షన్లను కూడా కంపెనీ తీసుకురానుంది. మొత్తం ఆరు కొత్త ICE, ఎలక్ట్రిక్ కార్లను మహీంద్రా లాంచ్ చేయబోతోంది.
ఈ లిస్టులో స్కార్పియో క్లాసిక్ ఫేస్ లిఫ్ట్ ముందు వరుసలో ఉంది. మహీంద్రా బ్రాండ్ కు కొత్త ఊపునిచ్చిన స్కార్పియో ఇప్పుడు అప్ డేటెడ్ రూపంలో రానుంది. ఈ SUVలో కొత్త గ్రిల్, లేటెస్ట్ బంపర్లు, అప్డే ట్ చేసిన లైటింగ్ లాంటి చిన్నపాటి మార్పులు కనిపించనున్నాయి. ఇంటీరియర్ లో కొత్త టచ్ స్క్రీన్ ఇన్ఫోటైన్ మెంట్ సిస్టమ్, మెరుగైన సీటు కవర్లు, అదనపు ఛార్జింగ్ పోర్టులు ఉండే అవకాశం ఉంది. అయితే ఇంజిన్లో ఎలాంటి మార్పులు ఉండవు. ప్రస్తుతం ఉన్న 2.2 లీటర్ mHawk డీజిల్ ఇంజిన్నే కొనసాగించనున్నారు.
ఇక స్కార్పియో-ఎన్ ఫేస్లిఫ్ట్ కూడా త్వరలో మార్కెట్లోకి రానుంది. టెస్టింగ్ సమయంలో ఈ SUV పలుమార్లు కనిపించింది. కొత్త గ్రిల్, రీడిజైన్ చేసిన హెడ్ ల్యాంప్స్, కొత్త బంపర్లు, కొత్త DRLలు, 19 అంగుళాల వీల్స్ లాంటి మార్పులు ఇందులో ఉండొచ్చు. పనోరమిక్ సన్ రూఫ్, పెద్ద టచ్ స్క్రీన్, పూర్తిగా డిజిటల్ ఇన్ స్ట్రుమెంట్ క్లస్టర్, వెంటిలేటెడ్ సీట్లు లాంటి ఫీచర్లను కూడా యాడ్ చేయనుంది. ఈ SUVలో ప్రస్తుతం ఉన్న 2.0 లీటర్ టర్బో పెట్రోల్, 2.2 లీటర్ డీజిల్ ఇంజిన్లనే కొనసాగించనున్నారు.
ఎలక్ట్రిక్ వాహనాల విభాగంలో మహీంద్రా మరో కీలక అడుగు వేస్తోంది. ఇటీవల అభివృద్ధి చేసిన 70 kWh బ్యాటరీ ప్యాక్ను BE 6, XEV 9e మోడళ్లలో అందించనుంది. ప్రస్తుతం ఉన్న 59 kWh, 79 kWh బ్యాటరీల మధ్య ఈ కొత్త ఆప్షన్ అందుబాటులోకి రానుంది. ఈ బ్యాటరీతో సుమారు 600 కిలోమీటర్ల రేంజ్ లభించే అవకాశం ఉంది. 242 bhp శక్తి, 380 Nm టార్క్ను ఉత్పత్తి చేసే సామర్థ్యం కూడా ఉండనుంది.
ఇక మహీంద్రా గత ఏడాది ప్రదర్శించిన విజన్ S కాన్సెప్ట్ కూడా త్వరలో ప్రొడక్షన్ రూపంలో రానుంది. ఇది కంపెనీ కొత్త NU IQ ప్లాట్ ఫారమ్ పై ఆధారపడి రూపొందుతోంది. 4 మీటర్ల లోపు పొడవు కలిగిన ఈ SUV బాక్సీ డిజైన్తో ఆకట్టుకోనుంది. ఇందులో 1.2 లీటర్ టర్బో పెట్రోల్, 1.5 లీటర్ టర్బో డీజిల్ ఇంజిన్ ఆప్షన్లు ఉండే అవకాశం ఉంది. ICE వెర్షన్ విడుదలైన కొంతకాలం తర్వాత ఎలక్ట్రిక్ వెర్షన్ను కూడా తీసుకురానున్నారు.
అటు మహీంద్రా BE 07 పేరుతో మరో కొత్త ఎలక్ట్రిక్ SUVను కూడా అభివృద్ధి చేస్తోంది. ఈ మిడ్ సైజ్ ఎలక్ట్రిక్ SUV ఇప్పటికే టెస్టింగ్ దశలో ఉంది. ప్రొడక్షన్ వెర్షన్ కాన్సెప్ట్ మోడల్ కు చాలా దగ్గరగా ఉండే అవకాశం ఉంది. ఇది హ్యుందాయ్ క్రెటా ఎలక్ట్రిక్, మారుతి ఈ-విటారా, టయోటా రాబోయే ఎలక్ట్రిక్ SUVలకు పోటీ ఇవ్వనుంది.
Read Also: టాటా To మహీంద్రా.. రూ.40 లక్షల్లో అదిరిపోయే ఎలక్ట్రిక్ SUVలు ఇవే!
Share
ఈ తేదీల్లో పుట్టినవారితో పెళ్లి జరిగితే అదృష్టం పట్టినట్లే.. మూల అంకం 3 వారికి బెస్ట్ లైఫ్ పార్ట్నర్ వీరే
Dharman Poster: డాక్టర్ అవతారంలో సూపర్ స్టార్.. సోషల్ మీడియాను షేక్ చేస్తున్న రజనీకాంత్!
