టాటా To ఎంజీ.. తక్కువ ధరలో అదిరిపోయే రేంజ్ ఇచ్చే 5 బెస్ట్ ఎలక్ట్రిక్ కార్లు!

Best Budget Electric Cars in India: పెట్రోల్, డీజిల్ ధరలు పెరుగుతున్న నేపథ్యంలో చాలా మంది ఎలక్ట్రిక్ కార్ల వైపు మొగ్గు చూపుతున్నారు. అయితే, ఈవీ కొనాలనుకునేవారికి ధరతో పాటు సింగిల్ ఛార్జ్ తో ఎంత దూరం ప్రయాణించవచ్చనేది కూడా చాలా ముఖ్యం. ఈ నేపథ్యంలో తక్కువ బడ్జెట్‌లో మంచి రేంజ్, బెస్ట్ ఫీచర్లు అందించే 5 ఈవీ కార్ల గురించి ఇప్పుడు తెలుసుకుందాం..

1.టాటా టియాగో ఈవీ

తక్కువ ధరలో ఎలక్ట్రిక్ కారు కొనాలనుకునేవారికి టాటా టియాగో ఈవీ బాగుటుంది. దీని ఎక్స్-షోరూమ్ ధర సుమారు రూ.5.83 లక్షల నుంచి రూ.9.29 లక్షల వరకు ఉంటుంది. బ్యాటరీ సామర్థ్యాన్ని బట్టి సుమారు 250 నుంచి 315 కిలోమీటర్ల రేంజ్ అందిస్తుంది. చిన్న కుటుంబాలకు, రోజువారీ సిటీ ప్రయాణాలకు అనుకూలంగా ఉంటుంది.

2.ఎంజీ కామెట్ ఈవీ

తక్కువ దూరం ప్రయాణించే వారికి ఎంజీ కామెట్ ఈవీ సూటబుల్ అవుతుంది. దీని ధర సుమారు రూ.6.24 లక్షల నుంచి రూ.7.90 లక్షల వరకు ఉంది. ఒక్కసారి ఛార్జింగ్ చేస్తే దాదాపు 230 కిలోమీటర్ల రేంజ్ ఇస్తుంది. చిన్న సైజ్ కారణంగా ట్రాఫిక్‌లో ఈజీగా నడపవచ్చు. పార్కింగ్ ఇబ్బందులు కూడా చాలా తక్కువ.

3.టాటా పంచ్ ఈవీ

SUV తరహా డిజైన్‌తో పాటు మంచి రేంజ్ కోరుకునేవారు టాటా పంచ్ ఈవీని తీసుకోవచ్చు. దీని ధర రూ.8.19 లక్షల నుంచి రూ.12.99 లక్షల వరకు ఉంటుంది. బ్యాటరీ వేరియంట్‌ను బట్టి సుమారు 315 నుంచి 421 కిలోమీటర్ల రేంజ్ అందిస్తుంది. మంచి గ్రౌండ్ క్లియరెన్స్, లేటెస్ట్ ఫీచర్లు ఉంటాయి.

4.ఎంజీ విండ్సర్ ఈవీ

కుటుంబ ప్రయాణాల కోసం విశాలమైన క్యాబిన్ కావాలనుకునేవారికి ఎంజీ విండ్సర్ ఈవీ సరిపోతుంది. దీని ధర సుమారు రూ.9.99 లక్షల నుంచి రూ.14.85 లక్షల వరకు ఉంటుంది. బ్యాటరీ ఆప్షన్ ను బట్టి 331 నుంచి 449 కిలోమీటర్ల రేంజ్ అందిస్తుంది. సౌకర్యవంతమైన సీటింగ్, విశాలమైన ఇంటీరియర్ ఆకట్టుకుంటుంది.

5.టాటా నెక్సాన్ ఈవీ

మంచి రేంజ్‌తో పాటు SUV అనుభూతి కోరుకునేవారికి టాటా నెక్సాన్ ఈవీ బెస్ట్ ఆప్షన్. దీని ధర రూ.11.66 లక్షల నుంచి రూ.17.89 లక్షల వరకు ఉంటుంది. వేరియంట్‌ను బట్టి సుమారు 275 నుంచి 489 కిలోమీటర్ల రేంజ్ అందిస్తుంది. సిటీ ప్రయాణాలతో పాటు సుదూర ప్రయాణాలను దృష్టిలో పెట్టుకుని ఈ కారును తీసుకోవచ్చు.

ఏ కారు కొనడం మంచిది?

తక్కువ బడ్జెట్‌లో సిటీ ప్రయాణాలకు టియాగో ఈవీ, కామెట్ ఈవీ బాగుంటాయి. SUV లాంటి కారు కావాలంటే పంచ్ ఈవీ, ఎక్కువ స్థలం కావాలంటే విండ్సర్ ఈవీని తీసుకోవచ్చు. మంచి రేంజ్ కోసం నెక్సాన్ ఈవీ సెలెక్ట్ చేసుకోవచ్చు.