E-Paper
Advertisement

పండిత పుత్ర ప‌ర‌మ శుంఠ‌.. నిజంగా కేటీఆర్ అంత వెర్రోడా? సీఎం ఇకపై రోజూ నిజాలు చెబుతాడ‌ట‌.. అంటే..?

పండిత పుత్ర ప‌ర‌మ శుంఠ‌.. నిజంగా కేటీఆర్ అంత వెర్రోడా? సీఎం ఇకపై రోజూ నిజాలు చెబుతాడ‌ట‌.. అంటే..?
Advertisement

పండిత పుత్ర ప‌ర‌మ శుంఠ అన్న‌ట్టుగానే ఉంది సీఎం రేవంత్ కేటీఆర్ గురించి. ఇక్క‌డ కేసీఆర్‌ను పండితుడు అనేందుకు రేవంత్‌కు మ‌న‌సు రాదనుకో. అది వేరే ముచ్చ‌ట‌. కానీ ఇలాంటి వెర్రి బాగులోడిని క‌న్నందుకు థ్యాంక్స్‌..అని కేసీఆర్‌కు ధ‌న్య‌వాదాలు తెలిపాడు. ఇదెలా ఉందంటే.. కేటీఆర్‌ను క‌ర్రు కాల్చి వాత పెట్టిన‌ట్టుగా. కెలికి క‌య్యం పెట్టుకున్న‌ట్టు.. రెచ్చగొట్టి.. నాతో పెట్టుకుంటే ఇట్ల‌నే ఉంట‌ది ..అన్న‌ట్టుగా!

టిమ్స్ ఆస్ప‌త్రి ప్రారంభోత్స‌వం సంద‌ర్బంగా త‌న ప్ర‌సంగంలో చివ‌ర‌లో ఇలా ఇవాళ ఈ పంచులు వేశాడ‌న్న‌మాట‌. తామే టిమ్స్ ఆసుప‌త్రికి నాంది ప‌లికామ‌ని, పనులు మొదలు పెట్టామ‌ని చెబుతూ తిరుగుతున్నాడ‌ని.. ఈ విధంగా ఆరోప‌ణ‌లు చేశాడు రేవంత్‌. కేటీఆర్‌, బీఆరెస్ అన్న‌దాంట్లో త‌ప్పేం లేదు. వాస్త‌వానికి అది కేసీఆర్ మ‌దిలోంచి వ‌చ్చిన ఆలోచ‌న. న‌గ‌రానికి నాలుగు వైపులా ఇలా మ‌ల్టి స్పెషాలిటీ ఆస్ప‌త్రులు క‌ట్టాలి.. పేద‌ల‌కు కార్పొరేట్ వైద్యం అందించాల‌నే కేసీఆర్ ఆలోచించాడు. దానికి శ్రీ‌కారం కూడా చుట్టాడు.

Advertisement

ఆ ప‌దేండ్ల కాలంలో ఆయ‌న ప్ర‌యార్టీస్ వేరేలా ఉన్నాయి. కాళేశ్వ‌రంపై పెద్ద ఫోకస్ పెట్టాడు. అందుకే నిధులన్నీ అటే. టైమంతా దానికే. అందుకే ఈ ఆస్ప‌త్రి భ‌వ‌న నిర్మాణం న‌త్త‌న‌డ‌క‌న న‌డిచింది. చేసిన అభివృద్ధి ప‌నుల‌కూ బిల్లులు లేవ‌ప్పుడు. జీతాలు ఆల‌స్యం.. ఆర్థిక సంక్షోభం.. కార‌ణం కాళేశ్వ‌రం. అది వేరే ముచ్చ‌ట‌.

మ‌ళ్లీ టిమ్స్‌కు వ‌ద్దాం. రేవంత్ గుడ్డిగా ఆరోపించిన‌ట్టు.. కేటీఆర్ ఎర్రోడేమీ కాదు. ఎర్ర‌గ‌డ్డ‌లో చికిత్స‌లు చేయించే అవ‌స‌రం లేదు.కేసీఆర్‌లా జ‌నాధ‌ర‌ణ పొందిన నేతైతే కాదు. అంత వ‌ర‌కు ఓకే. కానీ ఇది ప‌క్కా రాజ‌కీయ వ్యూహంలో భాగంగానే రేవంత్ ఆరోపించార‌ని తెలుస్తోంది. అప్పుడు కొబ్బ‌రికాయ కొట్టేందుకు, ప్రారంభించేందుకు ఎందుకు స‌మ‌యం దొర‌క‌లేద‌నే ప్ర‌శ్న స‌రైన‌ది. దానికి మ‌నం పైన చెప్పుకున్న కొన్ని కార‌ణాలు కూడా.

Advertisement

అయితే ఇప్పుడు ఇంకా రెండు ఆస్ప‌త్రుల‌ను కూడా మేం చేప‌డ‌తామ‌న్నాడు రేవంత్‌. ఇది మంచి ప‌రిణామ‌మే. కానీ ఎలాంటి క్రెడిట్ బీఆరెస్‌కు ఇచ్చే ఉద్దేశం ఏ కోశానా రేవంత్‌లో లేదు. అస‌లు ప‌చ్చిగా చెప్పాలంటే హుందా రాజ‌కీయాలు అనే మాట రేవంత్‌ నర‌న‌రాన ఉండ‌దు.. లేదు అని ఆయ‌న‌కు ఆయ‌న చెప్పుకుంటూ వ‌స్తున్నాడు.

ఇక‌పై తాను నిజాలు చెబ‌తూ వ‌స్తాన‌ని కూడా అన్నాడు. అంటే ఇందులో మ‌ర్మం.. కేటీఆర్‌ను మ‌రెన్ని ఆస్ప‌త్రుల‌ను తిప్పుతాడో. ఎన్ని రోగాలు అంట‌గ‌డుతాడో.. ఎన్ని నింద‌లు వేసి బ‌ట్ట‌కాల్చి మీదేస్తాడోన‌నే అర్థ‌మూ ఉంది. ఎందుకంటే..జ‌నాలు మొద‌ట తిట్టిన‌ప్పుడు చేసిన ఎంజాయ్ కాస్తా  త‌రువాత ఏవ‌గింపు దిశ‌గా మారుతుంది. ఇప్పుడు అదే స్థితికి చేర‌బోతుంది.

కానీ ప‌నులు చేసుకుంటా తిడితే కొంచెం బెట‌ర్‌. అందుకే ఆరు నెల‌ల‌కో ఆస్ప‌త్రి క‌డుతాన‌నే మాట‌కు క‌ట్టుబ‌డి ఆ ప్రారంభోత్స‌వంలో మ‌రోసారి తుక్కుతుక్కు తిట్టినా జ‌నం పురోగ‌తిని లెక్క‌లోకి తీసుకోవ‌డం మూలంగా సీఎం మాట‌ల‌కు కాస్తైనా విలువుంటుంది.

Tags

Related News

కాంగ్రెస్‌ పెంచిన పింఛన్లపై విమర్శలు! పాతవి తొలగించి కొత్తవి ఇచ్చారని ప్రచారం..! కేసీఆర్‌ వస్తే 4వేలు ఇచ్చేవారని కామెంట్స్‌..!

పెనం మీద నుంచి పొయ్యిలోకి నిజామాబాద్‌ జిల్లా బీఆర్‌ఎస్‌! నేతల తీరుతో అధిష్టానానికి తలవంపులు..! మాజీ మంత్రి కామెంట్స్‌తో తీవ్ర చర్చ

జెన్‌జీని తక్కువ అంచనా వేశా! జంతర్‌ మంతర్‌ తరువాత వారి శక్తిని కళ్లారా చూసినా..! నేతలెవరూ వారితో పెట్టుకోవద్దని తెలుసుకున్నా!

నా పాలనకు వందకు 60 మార్కులు.. రెండేళ్లలో మరిన్ని మార్కులు సాధిస్తానని నమ్మకం ఉంది..! సంక్షేమ పథకాలపై చర్చోపచర్చలు!

మాటకు మాట.. సీఎం సభ తరువాత ఆ ఇద్దరూ స్పందిస్తున్న వైనం..! కలిసి తిప్పికొట్టే వ్యూహంతో ముందుకు..!

బీఆరెస్‌కు గతమే.. భవిష్యత్‌ లేదు..! కేసీఆర్‌కు ప్రాణం పోస్తే బానిసత్వాన్ని కొని తెచ్చుకున్నట్టే..! రేవంత్‌ వాదనలతో కొత్త చర్చ..!

బీజేపీ బిగ్ ఆపరేషన్.. ఆ మూడు కార్పొరేషన్లపై బీజేపీ గురి..?

ఓటుకు పదివేలిచ్చినా తీసుకోండి..! ఈసారి పొరపాటు చేయకుండా మనకే ఓటేయండి! కేసీఆర్‌ను ఓడగొట్టి తప్పు చేశారు..!

Big Stories

Advertisement
×