అధిష్టానం సీరియస్ అంటున్నారు. మంత్రి వర్గం నుంచి బర్తరఫ్ చేయడం ఖాయమంటున్నారు. రేవంత్ మరీ మరీ సీరియస్గా ఉన్నాడని ప్రచారం జోరందుకుంటున్నది. కానీ ఈ చెప్పే విధానాలకు, బయట ప్రచారాలకు, బయట ప్రాక్టికాలిటీకి చాలా వ్యత్యాసం కనిపిస్తున్నది.
కొండా సురేఖ.. తన కూతురు సుష్మిత వ్యాఖ్యలకు తనను బాధ్యురాలని చేయొద్దని తిరిగి కౌంటర్ లేఖ రాశారా… ఆ తరవాత మరుసటి రోజే వారి ఇంట్లో బాల్కానీ నుంచి తల్లీ కూతుర్లిద్దరు .. చిరునవ్వులు చిందిస్తూ మీడియాతో మాట్లాడే సీన్లు ఆమెలో తాజా పరిణామాలు ఏమాత్రం జంకును తెచ్చిపెట్టినట్టు కనిపించలేదు.
ఇదంతా పక్కా వ్యూహంతోనే, ముందస్తుగా అనుకునే అంతా కలిసి ఆడిన ఫ్యామిలీ డ్రామా అని తేలిపోయింది. ఇందులో అనుమానం లేదు. ఇక రేవంత్ రాగానే చర్యలుంటాయి.. అనేది బాగా ప్రచారం చేస్తున్నారు కాంగ్రెస్ శ్రేణులు. అలా ఒత్తిడి పెంచడం మూలంగానైనా కొండా సురేఖపై వేటు పడితే అది కాంగ్రెస్కు మేలు జరుగుతుందని, మరోసారి అసమ్మతి గళం వినిపించాలంటేనే గజ్జుమనే పరిస్థితులు క్రియేట్ అవుతాయని భావిస్తున్నారు.
కానీ అక్కడ అంత సీన్ కనిపించడం లేదు. గతంలోనూ సుష్మిత ఇదే తరహాలో.. ఇంతకు తగ్గకుండా రేవంత్పై తీవ్ర విమర్శలు చేశారు. అయినా బారాఖూన్ మాఫ్ చేసేశారు సీఎం. మరి ఇప్పుడు కూడా అదే తోవలో ముందుకు పోతాడు తప్ప.. మరోటి ఉండదనేది క్లారిటీగా తెలుస్తూనే ఉంది. అయితే గియితే గట్టిగా ఓ సారీ చెప్పించుకుని తమను తాము చల్లబరుచుకుని, మానసికంగా తృప్తి చెందుతారు కావొచ్చు.
ఎందుకంటే కొండా సురేఖకు మూడంచెల సామాజిక భధ్రత రక్షణ కవచంలా కాపాడుతూ వస్తోంది. ఆమె ఎన్ని వివాదస్పద వ్యాఖ్యలు చేసినా.. అందరితో కంఠుగా మారి.. ఒంటరిగా మిగిలిన తన దోరణి విడవడం లేదు. కూతురుకు పరకాల టికెట్ ఇప్పించుకోవడమే లక్ష్యంగా.. ఇప్పుడు సుష్మిత చేతిలో కొండా మురళి, సురేఖలు కీలు బొమ్మలనే చెప్పాలి.
రెండు బీసీ కార్డులు.. మున్నూరుకాపు, పద్మశాలి ఇవి చాలా పెద్ద అసెట్స్ కొండా సురేఖకు. ఆ తరువాత మహిళా కోటా ఇది డిఫెన్స్లో పడకుండా తనకు రక్షణ కవచంలా ఆపదలో కాపాడే మంత్రమే. అందుకే ఇప్పుడు ఈ మూడు రక్షణ కవచాలను తొడుక్కొని ఉన్న సురేఖపై వేటు, చర్యలు, సస్పెండు.. ఇవన్నీ ఉత్త ప్రచారానికే. కాంగ్రెస్ లీడర్లకు ఏదో కొద్ది రోజులు తృప్తి పడేందుకు వార్తలు సజీవంగా ఉంచుతారేమో గానీ, అంతిమంగా దీనికి శుభంకార్డే పడుతుంది. ఇదే జరగబోయేది.
Share
రూ.5799కే 24 ఇంచుల టీవీ..చిన్న రూమ్స్, షాపులకు ఇది పర్ఫెక్ట్!
అమ్మబాబోయ్.. రూ.200 లోపు ఇన్ని మంచి ప్లాన్స్ ఆ.. BSNLకు సెల్యూట్ చేయాల్సిందే!
