Bigg Boss 8 Day 26 Promo 1.. బిగ్ బాస్ (Bigg Boss).. 26వ రోజుకు సంబంధించి తాజాగా ప్రోమోను విడుదల చేశారు షో నిర్వాహకులు. ఈ ప్రోమో చూస్తుంటే కడుపు నింపుకోవడానికి కంటెస్టెంట్స్ ఎన్ని తిప్పలు పడుతున్నారో అంటూ ప్రతి ఒక్కరూ కామెంట్ చేస్తున్నారు. మరి ఈ ప్రోమోలో ఏముంది..? తాజాగా బిగ్ బాస్ తీసుకొచ్చిన ఆ కొత్త ఛాలెంజ్ ఏంటి..? అనే విషయాలు ఇప్పుడు చూద్దాం.
గెస్ ది సౌండ్స్..
ప్రోమో విషయానికి వస్తే.. మీరు ఆహారం నిలువ చేసుకునే సమయం వచ్చేసింది. ఎవరు ఎంత ఎక్కువగా నిలువ చేసుకోగలరు అనేది.. మీరు ఎంత బాగా పెర్ఫామ్ చేస్తారు అనే దాని మీద ఆధారపడి ఉంటుంది అంటూ బిగ్ బాస్ తెలిపారు. బిగ్ బాస్ మీకు వినిపించే సౌండ్స్ ని వరుస క్రమంలో గుర్తుపెట్టుకుని , అదే వరుస క్రమంలో రాయండి అంటూ తెలిపారు బిగ్ బాస్.
రేషన్ కోసం తప్పని తిప్పలు..
ఇక అందరూ కూడా ప్యాడ్ , పెన్ తో సిద్ధమైపోయారు. టాస్క్ లో భాగంగా మొదట ప్రేరణ వర్సెస్ మణికంఠ.. శక్తి క్లాన్ నుంచి మణికంఠ , కాంతార క్లాన్ నుంచి ప్రేరణ ముందుకు వచ్చారు. సంచాలక్ గా నబీల్ వ్యవహరించారు. బిగ్ బాస్ సౌండ్స్ వినిపించడం మొదలుపెట్టారు. రూస్టర్, ఫైర్ వర్క్, ఎలిఫెంట్, మేక చేసే అరుపులను వినిపించారు. ప్రేరణ మణికంఠతో పాటు నైనిక , నిఖిల్ కూడా ఈ టాస్క్ లో పాల్గొన్నారు. అయితే నిఖిల్ అక్కడ ఏం సౌండ్స్ వినిపించాయో అర్థం చేసుకోలేక పక్క చూపులు చూడడం అందరికీ నవ్వు తెప్పించింది. ఆ తర్వాత బోర్డు అటువైపు తిప్పుకో అంటూ నబీల్ మధ్యలోకి ఎంట్రీ ఇచ్చారు. ఆ తర్వాత రూస్టర్ తాను కరెక్ట్ గా రాసానంటూ ఎగిరి గంతేస్తుంది ప్రేరణ. అయితే అక్కడ ఫైర్ వర్క్ రాయకుండా ప్రేరణ గన్ అని రాయడంతో అటు మణికంఠ , ఇటు ప్రేరణ ఇద్దరికీ కూడా జీరో ఇచ్చేశాడు సంచాలక్ నబీల్.
మణికంఠను గాడిద అంటూ కామెంట్ చేసిన కంటెస్టెంట్స్..
ఆ తర్వాత సోనియా వర్సెస్ విష్ణు ప్రియ, అలాగే సీత వర్సెస్ యష్మీ కి కూడా సౌండ్స్ వినిపించారు. ఆ తర్వాత బిగ్ బాస్ సీతతో మాట్లాడుతూ.. సీత మంకీ, గాడిద ఎలా అరుస్తాయో చెప్పు అంటూ అడిగాడు. దీంతో సీత కొన్ని సౌండ్స్ చేసి నా వాయిస్ కూడా గాడిద వాయిస్ లాగే ఉంటుంది బిగ్ బాస్ అంటూ కామెంట్ చేసింది. ఆ తర్వాత మణికంఠ అచ్చం గాడిదలాగే సౌండ్ చేసి అందర్నీ నవ్వించారు. ఇక నువ్వు గాడిదే అంటూ ప్రేరణ, విష్ణు ప్రియ మణికంఠను ఆటపట్టించారు. మొత్తానికి అయితే ప్రోమో నవ్వులు అరుపులతో బాగా క్లిక్ అయిందని చెప్పాలి. ప్రస్తుతం ఈ ప్రోమో వైరల్ గా మారుతోంది. మరి ఎవరు ఎంత రేషన్ సొంతం చేసుకున్నారో తెలియాలంటే ఎపిసోడ్ వరకు ఎదురు చూడాల్సిందే.
Share
Ind vs Ban: మొదట బ్యాటింగ్ కు దిగిన బంగ్లా... కాన్పూర్ లో భారీ వర్షం.. మ్యాచ్ జరగడం కష్టమే?
Shakib Al Hasan: టీ20లకు బంగ్లాదేశ్ ఆల్రౌండర్ షకీబ్ వీడ్కోలు
