Bigg Boss 9 Telugu Day 64 : దివ్యను దులిపేసిన రీతూ… భరణి భయ్యా ఇదస్సలు ఊహించలే… కెప్టెన్ ఇమ్మూకు క్రేజీ షాక్

Bigg Boss 9 Telugu Day 64 : ఎప్పటిలాగే ఈ సోమవారం కూడా బిగ్ బాస్ హౌస్ లో నామినేషన్ల రచ్చ మొదలైంది. కానీ తుప్పాస్ నామినేషన్లు కాకుండా ఈసారి హీటు బాగానే పెరిగింది. ముఖ్యంగా జరగవు అనుకున్న కొన్ని విషయాలు జరిగి ఆడియన్స్ ను ఆశ్చర్యపరిచాయి. మరి ఈ వీక్ నామినేషన్లు ఎలా జరిగాయి? నామినేషన్లలో ఉన్న కంటెస్టెంట్స్ ఎవరెవరు? అనేది తెలుసుకుందాం పదండి.

5 నిమిషాల్లోనే అంతా కానిచ్చారే

గతంలో ఎన్నడూ లేని విధంగా ఈసారి కొత్తగా నామినేషన్ల ప్రక్రియను మొదలు పెట్టారు బిగ్ బాస్. 5 నిమిషాల్లోనే కేవలం ఒక్కరిని మాత్రమే నామినేట్ చేయాలి. ఈ టైమ్ లోనే ఆర్గ్యుమెంట్స్, డిఫెండ్ కూడా చేసుకోవాలి. నామినేషన్ అనంతరం పక్కనే ఉన్న మడ్ షవర్ కిందకు వెళ్ళి కూర్చోవాలి. ఇది నామినేషన్ ప్రక్రియ.

ముందుగా ఇమ్మాన్యుయేల్ ‘గేమ్ అంటే ఎలా ఉంటుందో చూపిస్తాను అనే డైలాగ్ తో హౌస్ లోకి రీఎంట్రీ ఇచ్చారు. కానీ అదేమీ కన్పించట్లేదు. కెప్టెన్సీ టాస్క్ లో మీకోసం మీరు ఫైట్ చేసుకోకుండా తనూజాకు ఎందుకు ఇచ్చారు? మీకు కదా ఇంపార్టెన్స్ ఇచ్చుకోవాలి” అంటూ తన పాయింట్ చెప్పాడు. కానీ భరణి “అవును ఆ టైంలో నాకన్నా తనే బెటర్ అన్పించింది. 4 సార్లు చివారిదాకా వచ్చి ఆగిపోయింది. జెన్యూన్ గా ఎలాంటి ఫేవరిటిజం లేకుండా ఆమెకు ఇచ్చాను” అంటూ సరిపెట్టుకున్నారు. ఇక రీతూ దివ్యను నామినేట్ చేసింది. వీరిద్దరి మధ్య హీటెడ్ డిస్కషన్ నడిచింది. “నువ్వు ఇద్దరి ముగ్గురితో గ్యాంగప్ అయ్యి ఉంటావు. నువ్వు చెప్పిందే వాళ్ళు వింటారు. వాళ్ళను మానిప్యులేట్ చేస్తున్నావ్. ట్రైన్ ఎక్కేటప్పుడు కూడా ఆగు, ఎక్కు అని చెప్పావ్. సాయికి నన్ను తియ్యమని చెప్పావ్. అలాగే చివరికి ఇమ్మూతో అయితే నేను ఆడలేను అని అన్నావ్. ఇంకొకరి గేమ్ ను డిసైడ్ చేయడానికి నువ్వెవరు?” అంటూ దివ్య దుమ్ముదులిపేసింది రీతూ. “వాళ్ళు వింటే నీ ప్రాబ్లెమ్ ఏంటి? నీవల్లే డెమోన్ ఓడిపోయాడు. నువ్వు భయపడుతున్నావ్ కాబట్టి నామినేట్ చేశావ్” అంటూ స్ట్రాంగ్ గానే డిఫెండ్ చేసుకుంది దివ్య.

ఇది ఊహించని ట్విస్ట్ మావా

నెక్స్ట్ నిఖిల్ ను కళ్యాణ్ నామినేట్ చేశాడు. ‘నేను నిన్నటి లీడర్ బోర్డులో టాప్ 4లో ఉన్నా. భరణి మిగతా వాళ్ళ కంటే టాప్ లోనే ఉన్నా. అంటే అది ఖచ్చితంగా నా గేమ్ ఇంప్రూవ్ అయినట్టే కదా? టాప్ 5లో కూడా ఉంటా చూస్తూ ఉండు” అంటూ సమాధానం చెప్పాడు నిఖిల్. ‘అదే కావాలి’ అంటూ కళ్యాణ్ సేఫ్ గేమ్ ఆడాడు. అలాగే సుమన్ శెట్టి తనను కెప్టెన్సీ టాస్క్ నుంచి తీసేసినందుకు నిఖిల్ ను నామినేట్ చేశాడు. తనూజా, దివ్య, సంజన, డెమోన్… గౌరవ్ ను నామినేట్ చేశారు. నిఖిల్ రీతూ చౌదరిని నామినేట్ చేశాడు. సంజనాను ఎమోషనల్ అంటూ గౌరవ్ నామినేట్ చేశాడు. ఇక్కడ హైలెట్ ఏంటంటే స్వయంగా భరణి దివ్యాను నామినేట్ చేశాడు. “అందరూ నా గేమ్ బాండింగ్ వల్ల పడిపోయిందని అంటున్నారు. కానీ అదే నిజమైతే 6 సార్లు కెప్టెన్సీ దాకా వచ్చి ఉండను. నేను ఎవరెవరికి హెల్ప్ చేశానో అది ఇప్పుడు చెప్పను. అయితే నువ్వు తప్పు కాదని ఈ నామినేషన్ తో ప్రూవ్ చేసుకోవాలి” అంటూ దివ్యాను నామినేట్ చేశారు. “బాండింగ్ నాతోనే ఉందా? మీరు వెళ్ళిపోయిన వారమే నన్ను బాండింగ్ వల్ల భరణి వెళ్ళిపోయాడు అంటూ నామినేట్ చేశారు. కానీ ఆడియన్స్ నాకు ఓటు వేసి నాది తప్పు కాదని తేల్చారు. నన్ను ఎందుకు నామినేట్ చేస్తున్నారు? బాండింగ్ అనేది నా ఒక్కదాని వల్లే వచ్చిందా?” అంటూ దివ్య ఫైర్ అయ్యింది.

చివరగా ఈ ప్రక్రియ అంతా పూర్తయ్యాక బిగ్ బాస్ బిగ్ ట్విస్ట్ ఇచ్చారు. హౌస్ లో అందరినీ నామినేట్ చేసి షాక్ ఇచ్చారు. అయితే కెప్టెన్ గా ఉన్న ఇమ్మూకి ఇమ్యూనిటీ ఇవ్వాలా వద్దా అనేది మాత్రం సీక్రెట్ బ్యాలెట్ ఓటింగ్ స్టైల్ లో హౌస్ మేట్స్ చేతుల్లో పెట్టారు. ఒక్క భరణి మినహాయిస్తే అందరూ ఇమ్మూకే సపోర్ట్ చేశారు. దీంతో ఈ వారం కూడా ఇమ్మూ నామినేషన్లలోకి రాలేదు.