Amazon Offers: అమెజాన్ గ్రేట్ ఇండియన్ పండగ సేల్ ప్రారంభం.. భారీ ఆఫర్ల వర్షం

Amazon Offers: మన దేశంలో పండుగల సమయం అంటే ఆనందమే కాదు, ఆఫర్ల హంగామా కూడా అంతే ఎక్కువగా ఉంటుంది. ముఖ్యంగా వినియోగదారులు ఆత్రుతగా ఎదురుచూసే అమెజాన్ గ్రేట్ ఇండియన్ పండగ సేల్ ఇప్పుడు అధికారికంగా ప్రారంభమైంది. సోమవారం అర్ధరాత్రి నుంచి ఈ సేల్ అందరికీ అందుబాటులోకి రాగా, ప్రైమ్ సభ్యులకు మాత్రం ఒక రోజు ముందే ఆదివారం అర్ధరాత్రి నుంచే ప్రత్యేక ఆఫర్లు ప్రారంభమయ్యాయి.

ఈసారి ఆఫర్లలో ప్రత్యేకత ఏమిటంటే, ప్రభుత్వ జీఎస్‌టీ రేట్ల తగ్గింపుతో పాటు కంపెనీలు కూడా అదనపు డిస్కౌంట్లు ఇస్తుండటమే. గృహోపకరణాలు, ఎలక్ట్రానిక్స్, నిత్య అవసర వస్తువులు, ఆరోగ్య సంరక్షణ ఉత్పత్తులు, ఫ్యాషన్, బ్యూటీ వంటి అనేక విభాగాల్లో వినియోగదారులు భారీ రాయితీలను పొందే అవకాశం ఉంది.

అమెజాన్ తమ వినియోగదారుల కోసం పలు సౌకర్యాలు కూడా కల్పిస్తోంది. అమెజాన్ పే లేటర్ ద్వారా నో కాస్ట్ ఈఎంఐ సౌకర్యం, అలాగే ప్రైమ్ సభ్యులకు అమెజాన్ పే రివార్డ్స్ గోల్డ్ ద్వారా 5శాతం క్యాష్ బ్యాక్ అందిస్తోంది. అంతేకాకుండా ఎస్‌బీఐ క్రెడిట్, డెబిట్ కార్డులతో చెల్లింపు చేస్తే 10శాతం తక్షణ రాయితీ లభిస్తోంది. అమెజాన్ పే ఐసీఐసీఐ క్రెడిట్ కార్డు వినియోగదారులకు అపరిమిత క్యాష్ బ్యాక్ కూడా ప్రత్యేక ఆకర్షణగా నిలుస్తోంది.

Also Read: OG Movie: ఓజీ ప్రీమియర్ షోలు క్యాన్సిల్… చివరి నిమిషంలో హ్యాండ్ ఇచ్చేలా ఉన్నారే

ఈ సేల్‌లో ఎలక్ట్రానిక్స్ విభాగం ప్రత్యేక ఆకర్షణగా ఉంది. సోనీ బ్రావియా 3 సిరీస్ 189 సెం.మీ (75 అంగుళాల) టీవీని భారీ తగ్గింపుతో అందిస్తున్నారు. అదే విధంగా 55 అంగుళాల టీవీని కేవలం రూ.31,999కే పొందవచ్చు. వేసవికి ముందుగానే ఎల్షా 1.5 టన్ 5 స్టార్ ఏసీని రూ.41,490కే అందిస్తున్నారు. వంటింటిని సులభం చేసే బాష్ 13 ప్లేస్ సిట్టింగ్ డిష్‌వాషర్ ధర రూ.41,500.

కేవలం గృహోపకరణాలకే పరిమితం కాకుండా, వాహనాలపై కూడా ఆఫర్లు ఉన్నాయి. హీరో డెస్టినీ 125 స్కూటర్‌ను రూ.75,838కే పొందే వీలు కల్పిస్తున్నారు. ఇవన్నీ కాకుండా ఇంకా అనేక ఆఫర్లు వినియోగదారులను ఆకర్షిస్తున్నాయి.

ఈ పండుగ సీజన్‌లో కొనుగోళ్లు చేయాలని అనుకునేవారికి ఇది బంగారు అవకాశమే. ఎందుకంటే ఇంట్లో అవసరమైన వస్తువుల నుంచి లైఫ్‌స్టైల్ ప్రోడక్ట్స్‌ వరకు అన్నింటినీ తక్కువ ధరలో పొందవచ్చు. వినియోగదారుల కోసం ప్రత్యేకంగా రూపొందించిన క్యాష్‌బ్యాక్, నోకాస్ట్ ఈఎంఐ, తక్షణ రాయితీలు ఈ సేల్‌కి మరింత ఆకర్షణ తెచ్చిపెడుతున్నాయి. అందువల్ల, ఈ పండుగ సీజన్‌ను మరింత ఆనందంగా మార్చుకోవాలనుకునే ప్రతి ఒక్కరూ అమెజాన్ గ్రేట్ ఇండియన్ పండగ విక్రయాలను తప్పక ఉపయోగించుకోవాలి.

Share

• 
• 
• 
• 
• 
•