2024 Bajaj Pulsar N160 Launched: బజాజ్ ఆటో భారతదేశంలో పల్సర్ N160 స్పోర్ట్స్ కమ్యూటర్ బైక్‌ను విడుదల చేసింది. తక్కువ ధరలో స్పోర్ట్స్ బైక్ ఫీల్ కోరుకునే వారికి ఇది సరైనది. ఈ కొత్త బజాజ్ పల్సర్ 250 ప్లాట్‌ఫారమ్‌పై ఆధారపడిన రెండవ బైక్. కొత్త మోటార్‌సైకిల్ సింగిల్ ఛానల్ ABS మోడల్‌ను రూ. 1.23 లక్షలకు (ఎక్స్-షోరూమ్) కొనుగోలు చేయవచ్చు. సెగ్మెంట్‌లో మొదటిసారిగా ఈ బైక్‌లో డ్యూయల్ ఛానల్ ABS అందించారు. దీని ధర రూ. 1.28 లక్షలు (ఎక్స్-షోరూమ్)గా ఉంది. దీని గురించి వివరంగా తెలుసుకుందాం.
బజాజ్ ఆటో అప్‌డేటెడ్ పల్సర్ N160 బైక్‌ను విడుదల చేసింది. దీని ఎక్స్-షోరూమ్ ధర రూ. 1.40 లక్షలు. పల్సర్ లైనప్‌లోని ఈ కొత్త బైక్ అనేక అధునాతన ఫీచర్లతో వస్తుంది. కొత్త పల్సర్ N160లో అతిపెద్ద ఫీచర్ ఏమిటంటే ముందు భాగంలో USD ఫోర్క్స్. రూ. 1.40 లక్షల ధరతో, USD ఫోర్క్‌తో కూడిన ఈ వేరియంట్ స్టాండర్డ్ వేరియంట్ కంటే దీని ధర రూ. 6,000 ఎక్కువగా ఉంటుంది. పల్సర్ N160 2024 మోడల్‌లో టర్న్-బై-టర్న్ నావిగేషన్ అందించే బ్లూటూత్, ఇన్‌స్ట్రుమెంట్ కన్సోల్ కూడా ఉంది. అదనంగా ఈ బైక్ ఇప్పుడు మూడు ABS మోడ్‌లను కలిగి ఉంది. అందులో రోడ్, రెయిన్, ఆఫ్-రోడ్ ఉన్నాయి.
కొత్త పల్సర్ N160 వేరియంట్ రెడ్, వైట్, బ్లూ మరియు బ్లాక్ అనే నాలుగు కలర్ ఆప్షన్‌లలో లభిస్తుంది. ఈ బైక్ ఇంజన్ గురించి మాట్లాడితే పల్సర్ N160లో ఎటువంటి మార్పులు చేయలేదు. ఇందులో 164.82cc ఆయిల్-కూల్డ్ మోటార్ ఉంది. ఇది 16 hp పవర్ 14.7 Nm పీక్ టార్క్‌ను రిలీజ్ చేస్తుంది. బైక్‌కు రెండు వైపులా డిస్క్ బ్రేక్‌లు, డ్యూయల్-ఛానల్ ABS స్టాండర్డ్‌గా ఉన్నాయి.
Also Read: బడ్జెట్ ఎలక్ట్రిక్ స్కూటర్లు.. రూ.10 ఖర్చుతో 100 కిమీ నడుస్తాయి!
కొత్త N160 వేరియంట్‌తో పాటు, బజాజ్ ఆటో పల్సర్ 125, పల్సర్ 150, పల్సర్ 220F 2024 మోడళ్లకు కూడా అప్‌డేట్ చేస్తున్నట్లు వెల్లడించింది. ఈ మోడల్‌లు ఇప్పుడు బ్లూటూత్ కనెక్టివిటీ, USB ఛార్జర్, కొత్త గ్రాఫిక్‌లతో పూర్తిగా డిజిటల్ ఇన్‌స్ట్రుమెంట్ కన్సోల్‌ను కలిగి ఉన్నాయి. ఈ అప్‌డేట్ చేయబడిన మోడల్స్ ధరల గురించి చెప్పాలంటే పల్సర్ 125 ధర రూ.92,883, పల్సర్ 150 ధర రూ.1.14 లక్షలు. పల్సర్ 220ఎఫ్ ధర రూ.1.41 లక్షలు.
Share
Election Commission: జమ్మూకాశ్మీర్ సహా 3 రాష్ట్రాల్లో అసెంబ్లీ ఎన్నికలు.. ఎప్పుడంటే..?
Suryakumar Yadav: ఆ టైమ్ లో.. బబుల్ గమ్ గట్టిగా నమిలా: సూర్యకుమార్
