Cafe Business: కంప్యూటర్ ముందు కూర్చుని వర్క్ ఫ్రమ్ హోమ్ చేసేవారికి, పని వాతావరణం నుంచి కాస్త ఉపశమనం కోరుకునేవారికి ప్రస్తుత రోజుల్లో కెఫేలు ప్రత్యామ్నాయంగా మారాయి. కెఫేలో కాఫీ తాగుతూ పని చేసుకోవడం వల్ల మైండ్ రిఫ్రెష్ అవుతుందని చాలామంది ఉద్యోగులు భావిస్తున్నారు. ఉద్యోగుల పరంగా చూస్తే ఇది బాగానే ఉన్నప్పటికీ.. కెఫే నిర్వాహకులకు మాత్రం తీవ్ర నష్టాలను తెచ్చిపెడుతోంది. దీనిపై బెంగళూరుకు చెందిన ఓ వ్యక్తి పెట్టిన పోస్ట్.. ప్రస్తుతం వైరల్ గా మారింది. ఉద్యోగుల మూలన కెఫే నిర్వాహకులు ఎదుర్కొంటున్న సమస్యలపై మరోమారు చర్చయను లేవనెత్తింది.
బెంగళూరులోని ఇందిరానగర్‌లో దాదాపు రూ. 60 నుంచి 70 లక్షల భారీ పెట్టుబడితో తన స్నేహితుడు కొత్తగా ఒక కెఫే ప్రారంభించినట్లు విక్రమాదిత్య శుక్లా అనే వ్యక్తి ఎక్స్ లో పోస్ట్ పెట్టారు. అయితే కొందరు కస్టమర్లు కేవలం రూ. 150 విలువైన కాఫీ ఆర్డర్ చేసి.. గంటలకొద్ది కెఫేలోనే మకాం పెడుతున్నారని ఆయన పేర్కొన్నారు. ల్యాప్‌టాప్‌లు ఓపెన్ చేసి గంటల తరబడి.. కొన్నిసార్లు రోజంతా అక్కడే కూర్చుండిపోతున్నారని వాపోయారు.
My school friend opened a brand new cafe in Indiranagar, Bangalore, investing roughly 60-70 lakhs.
However, his biggest problem right now is that a couple of customers order a single Rs. 150 cup of coffee, open a laptop, and sit there for hours (sometimes even for the whole day).
Meanwhile, new customers walk in, see the cafe is full, and walk straight out.
Obviously, he can’t ask the customers to leave as one negative Google review can hamper the reputation of the place.
Now I get why cafes like Starbucks, CCD, and third wave coffee have such atrocious prices for coffee and snacks. As a customer you’re paying for renting the chair as well along with ordering the coffee.
If you’re running a cafe, do share what you do for this problem.
— Vikramaditya Shukla (@exhibitionsguy) November 3, 2026
కెఫేలోని సీట్లన్నీ ఫుల్ అవ్వండ వల్ల కొత్త కస్టమర్లకు ఖాళీ సీట్లు దొరకడం లేదని శుక్లా తన పోస్ట్ లో వివరించారు. లోపలికి వచ్చి సీట్లు లేవని చూసి చాలామంది వెనుతిరిగి వెళ్లిపోతున్నారని దీనివల్ల వ్యాపారం దెబ్బతింటోందని అన్నారు. అలాగని ఎక్కువసేపు కూర్చున్న కస్టమర్లను ఖాళీ చేసి వెళ్లమని చెప్పలేరని.. ఒకవేళ అలా అడిగితే గూగుల్‌లో నెగెటివ్ రివ్యూలు ఇస్తారనే భయంతో యజమానులు ఏమీ అనలేకపోతున్నారని తెలిపారు.
ఈ పరిస్థితులను చూస్తుంటే.. పెద్ద కాఫీ చైన్ నెట్‌వర్క్‌ల ధరలపై అవగాహన వచ్చిందని శుక్లా అభిప్రాయపడ్డారు. స్టార్‌బక్స్, కేఫ్ కాఫీ డే, థర్డ్ వేవ్ వంటి ప్రముఖ కెఫేలలో కాఫీలు, స్నాక్స్ ధరలు అంత ఎక్కువగా ఎందుకు ఉంటాయో ఇప్పుడు అర్థమవుతోందన్నారు. అక్కడ కస్టమర్లు కేవలం కాఫీకి మాత్రమే కాకుండా వారు కూర్చునే సీటు రెంట్‌కు కూడా కలిపి చెల్లిస్తున్నారని ఆయన పేర్కొన్నారు.
Also Read: జియో మైండ్ బ్లోయింగ్ ఆఫర్.. కేవలం రూ.15లకే అన్‌లిమిటెడ్ 5G డేటా!
శుక్లా పోస్ట్ వైరల్ కావడంతో నెటిజన్లు తమదైన శైలిలో స్పందిస్తున్నారు. కెఫేలో కూర్చునే ప్రతి గంటకు ఒక ఆర్డర్ కచ్చితంగా చేయాలనే నిబంధనను అమలు చేయాలని ఒకరు సూచించారు. ‘బిజినెస్ మోడల్ మార్చేయండి. కాఫీని కాకుండా సమయాన్ని అమ్మండి. ప్రతి గంటకు కాఫీని ఫ్రీగా ఇవ్వండి’ అని మరొకరు ఐడియా ఇచ్చారు. అసలు ల్యాప్ టాప్ తో వచ్చేవారికి కెఫేలో అనుమతి ఇవ్వకపోతే ఏ గోల ఉండదని ఇంకొకరు కామెంట్ చేశారు. ప్రముఖ కెఫేల మాదిరిగానే కస్టమర్ చేసే బిల్లును బట్టి సమయాన్ని కేటాయించాలని చాలా మంది అభిప్రాయపడ్డారు.
Also Read: దీపావళికి అదిరిపోయే స్టైలిష్ డ్రెస్ కావాలా.. ఈ ట్రెండీ అవుట్‌ఫిట్స్ ట్రై చేయండి
Share
మోడీని డిఫెన్స్లో పడేసిన 'ఫారెన్ లింక్' అస్త్రం! ధీటుగా సవాల్ విసిరి దేశ వ్యాప్త చర్చకు తెరలేపిన రాహుల్! మోడీ ఒకటి తలిస్తే..!
ఢిల్లీలో కూలిన మూడు అంతస్థుల భవనం.. స్పాట్లో ఇద్దరు మృతి, శిథిలాల కింద మరో రెండు డజన్ల మంది
