Gold in smartphones: మన చేతిలో ఎప్పుడూ తిరిగే స్మార్ట్‌ఫోన్‌లో బంగారం ఉందని చెబితే మీరు నమ్ముతారా? రోజూ చార్జింగ్ పెట్టి మాట్లాడుకునే ఈ ఫోన్‌లో బంగారం ఉందని చాలామందికి తెలియదు. కానీ నిజం ఏమిటంటే.. మనం వాడే ప్రతి స్మార్ట్‌ఫోన్‌లో కొంతమేరకు బంగారం ఉంటుంది. అంతే కాదు, కొన్ని మోడల్స్‌లో ఈ బంగారం పరిమాణం కాస్త ఎక్కువగానే ఉంటుంది.
ఇప్పటి రోజుల్లో ఫోన్ లేకుండా జీవితం ఊహించలేం. ఉదయం లేచినప్పటి నుండి రాత్రి పడుకునేంత వరకు ఫోన్ మన చేతిలోనే తిరుగుతుంది. కానీ ఈ స్మార్ట్‌ఫోన్‌లో బంగారం ఉంటుందని చాలా మందికి తెలియదు. అవును.. మీరు వింటున్నది నిజమే. మనం వాడే ఫోన్లలో సర్క్యూట్ బోర్డ్స్, కనెక్టర్లు, చిప్‌లలో బంగారం వాడుతారు. కారణం ఏమిటంటే, బంగారం కరప్షన్‌కు గురికాదు, కరెంట్‌ను బాగా కనెక్ట్ చేస్తుంది, అలాగే దీర్ఘకాలం పనిచేస్తుంది. అందుకే హై క్వాలిటీ ఎలక్ట్రానిక్ భాగాల తయారీలో బంగారాన్ని వాడుతుంటారు.
ఇక ఏ ఫోన్‌లో ఎక్కువ బంగారం ఉంటుంది అన్న ప్రశ్న వస్తే, సాధారణంగా ప్రీమియం ఫోన్లలో బంగారం పరిమాణం కొంచెం ఎక్కువగా ఉంటుంది. ఉదాహరణకు ఆపిల్ ఐఫోన్లు, సామ్‌సంగ్ గెలాక్సీ S సిరీస్, నోట్ సిరీస్, గూగుల్ పిక్సెల్ వంటి హైఎండ్ మోడల్స్‌లో బంగారం కొద్దిగా ఎక్కువగా వాడతారు.
ఎంత బంగారం ఉంటుంది?
సగటుగా ఒక స్మార్ట్‌ఫోన్‌లో 0.02 గ్రాముల నుండి 0.05 గ్రాముల వరకు బంగారం ఉంటుంది. మీరు వింటున్న సంఖ్య చిన్నదిగా అనిపించినా, రీసైక్లింగ్‌లో ఇది చాలా విలువైనదే. ఒక లెక్క ప్రకారం, 100 పాత ఫోన్లను రీసైకిల్ చేస్తే సుమారు 2 నుండి 5 గ్రాముల వరకు బంగారం వస్తుంది.
బంగారం ఎక్కువగా ఉండే ఫోన్లు
Apple iPhone సిరీస్..
iPhone 6 నుండి తాజా మోడల్స్ వరకు మదర్‌బోర్డ్‌లో 0.03 గ్రాముల నుండి 0.034 గ్రాముల వరకు బంగారం ఉంటుంది. పాత మోడల్స్‌లో ఇది కాస్త ఎక్కువగా ఉండేది.
Samsung Galaxy S & Note సిరీస్
ఈ హైఎండ్ ఫోన్లలో 0.03 నుండి 0.04 గ్రాముల వరకు బంగారం ఉంటుంది.
Google Pixel ఫోన్లు
పిక్సెల్ మోడల్స్‌లో కూడా కనెక్టర్లలో, సర్క్యూట్ బోర్డ్స్‌లో బంగారం వాడుతారు.
పాత Nokia, Motorola ఫోన్లు
పాత టెక్నాలజీలో బంగారం వినియోగం ఎక్కువగా ఉండేది కాబట్టి ఆ మోడల్స్‌లో బంగారం పరిమాణం కొంచెం ఎక్కువగానే ఉంటుంది.
లగ్జరీ ఫోన్లలో బంగారం
ప్రత్యేకంగా తయారుచేసిన Gold-Plated iPhones లేదా కస్టమ్ లగ్జరీ ఫోన్లలో మాత్రం బంగారం పరిమాణం గణనీయంగా ఎక్కువగా ఉంటుంది. కొన్ని మోడల్స్‌లో 100 గ్రాముల వరకు బంగారం పూత వేస్తారు. కానీ ఇవి సాధారణ వినియోగదారులకు అందుబాటులో ఉండవు.
Also Read: Serial effect: టీవీ సీరియల్ కోసం.. తల్లి, కొడుకు విషం తాగేశారు.. ఇదేం పిచ్చో!
పాత ఫోన్లు రీసైకిల్ చేస్తే లాభం
ఇప్పటికే వాడకంలో లేని పాత ఫోన్లు మీ ఇంట్లో ఉండి ఉంటే, వాటిని రీసైకిల్ చేస్తే బంగారం, వెండి, రాగి వంటి విలువైన లోహాలను తిరిగి ఉపయోగించుకోవచ్చు. ఈ లోహాల విలువ మార్కెట్లో ఎక్కువగా ఉండటంతో, పాత ఫోన్లను వ్యర్థంగా వదిలేయకుండా రీసైకిల్ చేయడం పర్యావరణానికి కూడా మంచిదే.
ఎందుకు బంగారం వాడుతారు?
బంగారం విద్యుత్‌ను సులభంగా పంపుతుంది, తుప్పు పట్టదు, అలాగే సిగ్నల్ ట్రాన్స్‌మిషన్‌లో ఏ ఆటంకం రాదు. అందుకే మదర్‌బోర్డ్స్, చిప్‌సెట్ కనెక్టర్లు, బ్యాటరీ కాంటాక్ట్స్ వంటి భాగాలలో బంగారం తప్పనిసరిగా వాడుతారు.
రాబోయే రోజుల్లో టెక్నాలజీ మరింత అభివృద్ధి చెందుతున్న కొద్దీ, బంగారం వినియోగం కూడా కొంచెం పెరిగే అవకాశం ఉంది. అయితే రీసైక్లింగ్ టెక్నాలజీ కూడా వేగంగా అభివృద్ధి చెందుతుండటంతో పాత ఫోన్లలోని బంగారాన్ని తిరిగి వాడుకునే ప్రక్రియ మరింత సులభం కానుంది.
స్మార్ట్‌ఫోన్లలో బంగారం ఉందని తెలుసుకున్న తర్వాత చాలా మంది ఆశ్చర్యపోతారు. కానీ ఇది చిన్న పరిమాణంలో ఉన్నప్పటికీ, ప్రతి ఫోన్‌లో తప్పనిసరిగా బంగారం ఉంటుంది. ఇకపై మీ పాత ఫోన్‌ను వదిలేసే ముందు, అది ఎంత విలువైనదో ఒక్కసారి ఆలోచించండి.
Share
Ganesh Chaturthi 2025: వినాయకుడిని ఇంటికి తీసుకొచ్చే.. ముందు వీటిని అస్సలు ఇంట్లో ఉంచొద్దు
Police Jobs: 3588 కానిస్టేబుల్ ఉద్యోగాలకు దరఖాస్తు చేసుకున్నారా..? జీతం అక్షరాల రూ.69,100
