2024 Ninja 300 Launched in India at Price of Rs 3.43 Lakhs: ఖరీదైన బైక్లను మార్కెట్లో విక్రయిస్తున్న అతి తక్కువ కంపెనీల్లో కవాసకి ఒకటి. ఈ కంపెనీ ఖరీదైన బైక్లను భారత మార్కెట్లో రిలీజ్ చేస్తూ.. అందరినీ ఆకట్టుకుంది. అయితే తాజాగా ఈ కవాసకి కంపెనీ భారతదేశంలో ‘2024 కవాసకి నింజా 300’ని విడుదల చేసింది. భారతదేశంలోనే తయారుచేయబడిన ఈ బైక్ ఇప్పుడు రూ.3.43 లక్షల ధరలో రిలీజ్ అయింది.
ఈ బైక్ను భారతదేశంలో CBUగా రూ. 3.50 లక్షలకు కంపెనీ విడుదల చేసింది. అయినప్పటికీ ఈ బైక్ ఇప్పుడు దేశంలో రూ. 3.43 లక్షలకు అందుబాటులో ఉంది. ఈ 2024 కవాసకి నింజా 300 బైక్ రెండు కొత్త కలర్ ఆప్షన్లలో అందుబాటులో ఉన్నాయి. అవి ఒకటి కాండీ లైమ్ గ్రీన్, మరోకటి మెటాలిక్ మూండస్ట్ గ్రే. ఇవి మినహా ఈ బైక్లో ఎలాంటి మెకానికల్ మార్పులు జరగలేదు. కాగా ఈ ఫెయిర్డ్ స్పోర్ట్స్ బైక్లో డ్యూయల్ హెడ్ల్యాంప్లు, క్లిప్-ఆన్ హ్యాండిల్బార్లు, స్టెప్డ్ సీట్ వంటివి ఉన్నాయి.
Also Read: కవాసకి నింజా నుంచి కొత్త స్పోర్ట్స్ బైక్.. 400 సీసీతో దుమ్ములేపుతుంది!
ఇకపోతే కవాసకి ఇప్పటికే ఉన్న మోటార్సైకిల్ను మార్చడం ఇష్టం లేదని తెలుస్తోంది. ఎందుకంటే మోటార్సైకిల్ అమ్మకాల సంఖ్య అంతగా లేదు. కవాసకి ఏప్రిల్లో కవాసకి నింజా 300 బైక్ల మొత్తం 39 యూనిట్లను మాత్రమే విక్రయించగలిగింది. అయితే కంపెనీ అదే నెలలో భారతదేశంలో కవాసకి నింజా ZX-10R, కవాసకి Z900తో మరిన్ని యూనిట్లను విక్రయించింది.
కొత్తగా ప్రారంభించబడిన 2024 కవాసకి నింజా 300.. CBU మోడల్ వలె అదే 296cc లిక్విడ్-కూల్డ్ ప్యారలల్-ట్విన్ ఇంజన్తో 11,000rpm వద్ద 39hp శక్తిని ఉత్పత్తి చేస్తుంది. అయితే గరిష్ట టార్క్ 10,000rpm వద్ద 26.1Nm టార్క్ని ఉత్పత్తి చేస్తుంది. ముందు జనరేషన్తో మోడల్తో పోలిస్తే ఈ మోటార్సైకిల్ ఇంజన్ మరింత ఫిల్టర్ చేయబడింది. పెద్ద 17-లీటర్ ఇంధన ట్యాంక్ అంటే మీరు రేంజ్ గురించి చింతించకుండా లాంగ్ రైడ్లో వెళ్లవచ్చు.
Also Read: Top 5 Budget Cars: బడ్జెట్లో మంచి మైలేజీ ఇచ్చే కార్లు.. రూ.3 లక్షలతో కొనుగోలు చేయవచ్చు!
నింజా 300లో టెలిస్కోపిక్ ఫ్రంట్ ఫోర్క్, వెనుక వైపున మోనోషాక్ సస్పెన్షన్ ఉన్నాయి. బ్రేకింగ్ డ్యూటీ డ్యూయల్-ఛానల్ ABSతో రెండు చివరలలో సింగిల్ డిస్క్ల ద్వారా నిర్వహించబడుతుంది. నింజా 300 2024 ఎడిషన్ యమహా R3 వంటి వాటితో పోటీపడుతుంది.
Share
Prabhas: చెల్లెళ్లతో ప్రభాస్.. ఆ బాండింగ్ చూడు డార్లింగ్..
Babar Azam: 11మంది ఆట.. నన్ను ఆడమంటే సాధ్యమా: బాబర్
