Kawasaki Ninja ZX-4RR: జపాన్కు చెందిన ప్రముఖ బైక్, స్కూటర్ తయారీ సంస్థ కవాసకి త్వరలో భారతదేశంలో నింజా ZX-4RR సూపర్స్పోర్ట్స్ బైక్ను విడుదల చేయనుంది. తాజాగా కంపెనీ తన టీజర్ను విడుదల చేసింది. దీనిలో కవాసకి నింజా ZX-4RR డిజైన్, లుక్, స్పెసిఫికేషన్స్ గురించి వెల్లడించారు. ఇక ఈ సూపర్ స్పోర్ట్స్ బైక్కు ట్విన్ ఎల్ఈడీ హెడ్లైట్లు అందించినట్లు టీజర్ చూస్తే అర్థం అవుతోంది.
నింజా ZX-4RR అనేది కవాసకి ప్రీమియం సూపర్బైక్లలో ఒకటి. అయితే నింజా స్పోర్ట్స్ బైక్ల ధర అధికంగా ఉండటంతో ఇవి భారతదేశంలో పరిమిత సంఖ్యలో రిలీజ్ అవుతున్నాయి. కాబట్టి త్వరలో రిలీజ్ కానున్న నింజా ZX-4RR పరిమిత ఎడిషన్ సూపర్బైక్ అని చెప్పుకోవచ్చు. ఇక ధర విషయానికొస్తే.. ఈ స్పోర్ట్స్బైక్ నింజా ZX-4R కంటే రూ.50,000 నుండి రూ.1 లక్ష వరకు ఖరీదైనదిగా అంచనా వేయబడింది. అంటే ఇది భారతీయ మార్కెట్లో రూ. 9 లక్షల నుంచి 9.5 లక్షల (మాజీ- షోరూమ్) ధరకు అందుబాటులో ఉంటుందని తెలుస్తోంది.
కవాసకి నింజా ZX-4RR ఫీచర్ల విషయానికొస్తే.. కవాసకి నింజా ZX-4RR ఫీచర్ల గురించి పెద్దగా సమాచారం వెల్లడి కాలేదు. అయితే నివేదికల ప్రకారం.. ఈ సూపర్ బైక్లో ట్రాక్షన్ కంట్రోల్, 4-రైడింగ్ మోడ్లు, 2-పవర్ మోడ్లు, బ్లూటూత్తో కూడిన 4.3-అంగుళాల TFT డాష్ వంటి ఫీచర్లు ఉంటాయని తెలుస్తోంది. కనెక్షన్ ఫీచర్లు కూడా ఉన్నట్లు సమాచారం. దీనితో కవాసకి నింజా ZX-4RR ముందు 290mm డ్యూయల్ డిస్క్, వెనుక 220mm డిస్క్ను పొందుతుందట. అంతేకాకుండా 17 అంగుళాల అల్లాయ్ వీల్స్ కూడా ఇందులో అందించబడ్డాయని సమాచారం.
Also Read: దేశంలో సూపర్ బైక్స్ క్రేజ్.. తగ్గిందా..? పెరిగిందా..?
కవాసకి నింజా ZX-4RR ఇంజిన్ గురించి మాట్లాడితే.. ఇది 399cc ఇన్లైన్ 4-సిలిండర్ ఇంజన్ కలిగి ఉంది. 13,000rpm వద్ద 37.6Nm గరిష్ట టార్క్, 14,500rpm వద్ద 74bhp శక్తిని ఉత్పత్తి చేస్తుంది. ఈ లిక్విడ్-కూల్డ్ ఇంజన్ 6-స్పీడ్ గేర్బాక్స్ను కలిగి ఉంది, ఇది క్విక్ షిఫ్టర్, స్లిప్పర్ క్లచ్తో అమర్చబడి ఉంటుంది.
Share
Renu Desai: నాకున్నంత ప్రేమ.. పవన్ కు లేదు.. అందుకే..
Nirmala Sitharaman slams Kejriwal: ఆ సంఘటన నన్ను షాక్కు గురిచేసింది: కేంద్రమంత్రి నిర్మలా సీతారామన్
