Life Certificate Pensioner| ప్రతి సంవత్సరం పెన్షన్ పొందే వృద్ధులు లైఫ్ సర్టిఫికెట్ సమర్పించడానికి బ్యాంకులు లేదా పెన్షన్ కార్యాలయాల చుట్టూ తిరగాల్సి వచ్చేది. గంటల తరబడి లైన్‌లలో నిలబడటం కూడా ఇబ్బందిగా ఉండేది. అయితే ఇప్పుడు అలాంటి కష్టాలకు పరిష్కారం అందుబాటులోకి వచ్చింది. కేంద్ర ప్రభుత్వం తీసుకొచ్చిన జీవన్ ప్రమాణ్ (Jeevan Pramaan) సేవ ద్వారా ఇంట్లోనే ఉండి డిజిటల్ లైఫ్ సర్టిఫికెట్ సమర్పించవచ్చు. బయోమెట్రిక్ ధృవీకరణతో ఈ ప్రక్రియ పూర్తి చేయడం ఇక చాలా సులభం.
జీవన్ ప్రమాణ్ అనేది డిజిటల్ లైఫ్ సర్టిఫికెట్ సర్వీస్. దీని ద్వారా పెన్షనర్లు తమ గుర్తింపును ఆన్‌లైన్‌లో ధృవీకరించుకోవచ్చు. బ్యాంకు లేదా పెన్షన్ కార్యాలయానికి నేరుగా వెళ్లాల్సిన అవసరం తగ్గుతుంది. దీనివల్ల వృద్ధులకు సమయం, ప్రయాణ ఖర్చులు ఆదా అవుతాయి. లైఫ్ సర్టిఫికెట్ సబ్మిట్ చేసే ప్రక్రియ కూడా సులభమవుతుంది.
ఈ సేవను ఉపయోగించడానికి కొన్ని ముఖ్యమైన వివరాలు సిద్ధంగా ఉంచుకోవాలి.
ముందుగా అధికారిక జీవన్ ప్రమాణ్ వెబ్‌సైట్ నుంచి అవసరమైన అప్లికేషన్‌ను డౌన్‌లోడ్ చేసుకోవాలి. మీ కంప్యూటర్‌కు అనుకూలమైన ఫింగర్‌ప్రింట్ లేదా ఐరిస్ స్కానర్‌ను కనెక్ట్ చేయాలి. అనంతరం గుర్తింపు, మొబైల్ వివరాలను నమోదు చేయాలి. మొబైల్‌కు వచ్చే ఓటీపీని ఎంటర్ చేసి ధృవీకరణ పూర్తి చేయాలి.
తర్వాత పెన్షనర్ పేరు, PPO నంబర్, పెన్షన్ రకం, బ్యాంకు ఖాతా నంబర్, ఈమెయిల్ వంటి వివరాలను నమోదు చేయాలి. పెన్షన్ చెల్లించే బ్యాంకు లేదా సంస్థ వివరాలను కూడా సరిగ్గా ఇవ్వాలి.
వివరాలు నమోదు చేసిన తర్వాత ఫింగర్‌ప్రింట్ లేదా ఐరిస్ స్కానింగ్ ఎంపిక చేసుకోవాలి. బయోమెట్రిక్ వివరాలను అధికారిక రికార్డులతో సిస్టమ్ సరిపోల్చుతుంది. గుర్తింపు ధృవీకరణ అయితే డిజిటల్ లైఫ్ సర్టిఫికెట్ రూపొందుతుంది.
Also Read: పిల్లలకు చిన్నవయసులోనే ఈ 5 విషయాలు నేర్పండి.. ఓటమి భయం ఎప్పుడూ ఉండదు
ధృవీకరణ పూర్తయిన వెంటనే నమోదైన మొబైల్ నంబర్‌కు SMS వస్తుంది. అందులో ప్రత్యేకమైన జీవన్ ప్రమాణ్ ఐడీ ఉంటుంది. ఈ ఐడీని ఉపయోగించి అధికారిక పోర్టల్‌లో సర్టిఫికెట్ PDF డౌన్‌లోడ్ చేసుకోవచ్చు. అవసరమైతే దాన్ని ప్రింట్ తీసుకుని భద్రపరచుకోండి.
Also Read: కొలెస్ట్రాల్, బీపీ నార్మల్‌గా ఉన్నా హార్ట్ ఎటాక్ రావచ్చు.. డాక్టర్ సూచించిన ఒక్క బ్లడ్ టెస్ట్ చేయండి
కంప్యూటర్ లేదా బయోమెట్రిక్ పరికరాలు ఉపయోగించడం తెలియని పెన్షనర్లు సమీపంలోని కామన్ సర్వీస్ సెంటర్ (CSC) లేదా ఎంపిక చేసిన బ్యాంకు శాఖను సంప్రదించవచ్చు. సమీప కేంద్రాల వివరాలను జీవన్ ప్రమాణ్ అధికారిక వెబ్‌సైట్‌లో తెలుసుకోవచ్చు.
ఈ విధంగా డిజిటల్ లైఫ్ సర్టిఫికెట్ సర్వీస్ పెన్షనర్లకు ఎంతో ఉపయోగకరంగా ఉంటుంది. ఇంటి నుంచే ప్రక్రియ పూర్తి చేసే అవకాశం వృద్ధుల ప్రయాణ ఇబ్బందులను తగ్గిస్తుంది.
Share
వరుణ్ తేజ్ కోసం లావణ్య స్పెషల్ పూజలు.. కర్వా చౌత్ ఫొటోలు చూశారా?
సాహో బ్యూటీ సరికొత్త అవతారం.. ఈసారి గట్టిగానే కొట్టేలా ఉందిగా!
