Rainwater business: ప్రతి ఏడాది వర్షం పడితే మనం సాధారణంగా అనుకునే మాటలు.. పడి పోయింది, నేల తడిసింది, గుంటలు నిండాయి, అంతే. కానీ, ఇక్కడ మాత్రం వర్షపు నీరే అక్కడి ప్రజలకు బంగారం లాంటిది. అక్కడ వర్షం పడితే, ఆ నీటిని సేకరించి, బాటిల్లో నింపి, మార్కెట్లోకి పంపిస్తారు. ఆశ్చర్యం ఏమిటంటే, ఈ నీటి ధర సాధారణ తాగునీటితో పోలిస్తే రెట్టింపు, మూడింతలు ఉంటుంది. ఈ వ్యాపారం అంత క్రేజ్ తెచ్చుకుంది, యజమానులు సంవత్సరానికి కోట్ల రూపాయలు సంపాదిస్తున్నారు. వినడానికి వింతగా అనిపించినా, ఇది అక్కడి రియాలిటీ.
వీరు వర్షపు నీటిని నేలకి పడక ముందే, నేరుగా ప్రత్యేకమైన సేకరణ పద్ధతులతో పట్టేస్తారు. మనం ఊహించే వర్షపు నీరు అంటే గోడల మీద నుంచి, పైకప్పుల మీద నుంచి ప్రవహించేది. కానీ అక్కడ మాత్రం గాలి నుంచి నేరుగా వచ్చే తొలి బిందువునే పట్టేస్తారు. ఎందుకంటే ఆ సమయంలో నీటిలో దుమ్ము, మలినాలు తక్కువగా ఉంటాయి. తరువాత దీన్ని శాస్త్రీయంగా ఫిల్టర్ చేసి, పూర్తిగా పరిశుభ్రం చేసి, బాటిల్లో ప్యాక్ చేస్తారు. ఆ బాటిల్ మీద Pure Rainwater అనే లేబుల్ అతికించి, సూపర్ మార్కెట్లలో, ఆన్లైన్లో విక్రయిస్తారు.
ఇక ఈ నీటి డిమాండ్ ఏమిటంటే.. ఆరోగ్యంపై శ్రద్ధ ఉన్న వారు, కెమికల్ రహిత తాగునీరు కావాలనుకునే వారు, కాస్త లగ్జరీ లైఫ్ ఫాలో అయ్యే వారు ఈ బాటిల్స్ కోసం డబ్బు వెచ్చించడానికే సిద్ధంగా ఉంటారు. సాధారణ తాగునీటి బాటిల్ ఒక డాలర్ అంటే, ఈ వర్షపు నీటి బాటిల్ 5 డాలర్ల వరకు అమ్ముడవుతుంది. మన కరెన్సీ ప్రకారం ఒక్క బాటిల్ ధర రూ.250 నుండి 400 మధ్య. ప్రత్యేక ఎడిషన్ బాటిల్స్ అయితే రూ.700 నుండి 800 దాకా కూడా అమ్ముడవుతాయి.
మార్కెటింగ్ పద్ధతి కూడా అదిరిపోతుంది. ప్రకృతి నుంచి నేరుగా వచ్చిన బహుమతి, భూమి తల్లి అందించిన స్వచ్ఛమైన చుక్క వంటి పంచ్ లైన్లతో యాడ్స్ వేస్తారు. వర్షపు నీటిని తాగితే శరీరానికి మేలు, మనసుకు ప్రశాంతి, చర్మానికి కాంతి వస్తుందని ప్రమోట్ చేస్తారు. అందుకే ప్రజలు దీన్ని కేవలం నీటిగా కాకుండా, హెల్త్ డ్రింక్లా భావిస్తారు.
ఈ వ్యాపారం వెనుక ఓ సాధారణ వ్యాపారి ఉన్నాడు. ఒక రోజు అతనికి ఒక ఆలోచన వచ్చింది.. మన దగ్గర పడి పోయే వర్షపు నీటిని ఎందుకు వృథా చేయాలి? దాన్ని సేకరించి అమ్మితే ఎలా ఉంటుందని. మొదట చిన్న స్థాయిలో మొదలుపెట్టి, స్థానిక మార్కెట్లో అమ్మాడు. ఆ తరువాత సోషల్ మీడియాలో ప్రచారం రావడంతో దేశమంతా, తరువాత విదేశాలకూ విస్తరించింది. ఇప్పుడు ఆ సంస్థ సంవత్సరానికి కోట్లలో టర్నోవర్ సాధిస్తోంది.
ప్రభుత్వం కూడా ఈ వ్యాపారానికి మద్దతు ఇస్తోంది. ఎందుకంటే ఇది ఎకో-ఫ్రెండ్లీ బిజినెస్. భూగర్భ జలాలు వాడకుండా, ప్రకృతి నుంచి వచ్చే వర్షపు నీటిని వినియోగించడం వల్ల పర్యావరణానికి మేలు జరుగుతుంది. అలాగే వర్షపు నీటి సంరక్షణకు ఇది ఒక మంచి పద్ధతి. చాలా దేశాలు వర్షపు నీటిని సేకరించమని చెప్పినా, బిజినెస్గా మార్చిన వారు మాత్రం అరుదు.
Also Read: Viral Video: వాగేమో ఉధృతం, గంటలో పెళ్లి.. వద్దన్నా వినని పెళ్లికొడుకు.. ఇలా దాటేశాడేంటి!
మన దేశంలో ఇలాంటి మోడల్ అమలు చేస్తే ఎలా ఉంటుందని అనిపించదా? మన దగ్గర కూడా వర్షాలు బాగానే పడతాయి. కానీ వర్షపు నీరు ఎక్కువగా వృథా అవుతుంది. సరైన సాంకేతికత, పరిశుభ్రతతో సేకరిస్తే మనం కూడా ఇదే వ్యాపారం మొదలు పెట్టొచ్చు. దీనికి అవసరమైనవి కఠినమైన శుభ్రతా ప్రమాణాలు, ప్రభుత్వ అనుమతులు అంతే.
ఇలాంటి వ్యాపారం మన దగ్గర ప్రారంభిస్తే, మొదట్లో ఖర్చు ఎక్కువైనా, భవిష్యత్తులో లాభం మంచి అవకాశం ఉంది. ఆరోగ్యంపై శ్రద్ధ పెట్టే ప్రజలు పెరుగుతున్నందున, ప్రకృతిలోనుంచి వచ్చిన ప్యూర్ ఉత్పత్తులకు డిమాండ్ పెరుగుతూనే ఉంటుంది.
మొత్తం మీద, అక్కడ వర్షపు నీరు అంటే కేవలం తాగడానికి కాదు, బంగారం తూకం వేసినట్లే విలువైన వస్తువు. మన దగ్గర అది గుంటల్లో చేరిపోతుంటే, వాళ్లు మాత్రం ఆ ఒక్కో చుక్కని సొమ్ము చేసుకుంటున్నారు. ఇంతకు ఈ వ్యాపారం సాగేది ఎక్కడంటే.. ఆస్ట్రేలియాలోని తస్మానియా. అక్కడ Cape Grim అనే బ్రాండ్ వర్షపు నీటిని సేకరించి, బాటిల్ చేసి ప్రపంచ వ్యాప్తంగా అమ్ముతోంది. అదే కోట్లు రాబడుతోంది. ఐడియా అదిరింది కదూ!
Share
Malaria Fever: మలేరియా లక్షణాలు, తీసుకోవాల్సిన జాగ్రత్తలు ఇవే !
Grace Hayden on Pant: రిషబ్ పంత్ పై ఆస్ట్రేలియా క్రికెటర్ కూతురు మోజు.. బోల్డ్ కామెంట్స్ వైరల్ !
