Road accident: హైదరాబాద్లోని బోరబండలో ఈరోజు ఘోర రోడ్డు ప్రమాదం చోటుచేసుకుంది. అతివేగంతో వచ్చిన ఓ లారీ నియంత్రణ కోల్పోయి పాదచారులపైకి, ఆపై పక్కనే ఉన్న దుకాణంలోకి దూసుకెళ్లడంతో తీవ్ర విషాదం నెలకొంది. ఈ ప్రమాదానికి లారీ బ్రేకులు ఫెయిల్ కావడమే ప్రధాన కారణమని ప్రాథమిక సమాచారం అందుతోంది.
బోరబండ ప్రధాన రహదారిపై వెళ్తున్న లారీ ఒక్కసారిగా అదుపు తప్పింది. డ్రైవర్ లారీని ఆపడానికి ప్రయత్నించినప్పటికీ బ్రేకులు పని చేయకపోవడంతో రోడ్డు పక్కన ఉన్న ఒక షాపులోకి లారీ వేగంగా దూసుకుపోయింది. ఆ సమయంలో షాపు వద్ద ఉన్న ఒక వ్యక్తి లారీ కింద పడి అక్కడికక్కడే మృతి చెందాడు. ఈ ఘటనలో మరో వ్యక్తికి తీవ్ర గాయాలయ్యాయి. స్థానికులు వెంటనే స్పందించి క్షతగాత్రుడిని చికిత్స నిమిత్తం సమీపంలోని ఆస్పత్రికి తరలించారు. ప్రస్తుతం అతని పరిస్థితి విషమంగా ఉన్నట్లు తెలుస్తోంది.
సమాచారం అందుకున్న వెంటనే పోలీసులు ఘటనా స్థలానికి చేరుకుని పరిస్థితిని సమీక్షించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. లారీ డ్రైవర్ నిర్లక్ష్యం ఉందా లేదా అనే కోణంలో పోలీసులు కేసు నమోదు చేసి దర్యాప్తు చేస్తున్నారు. ఈ ప్రమాదంతో బోరబండ ప్రాంతంలో స్థానికులు తీవ్ర భయాందోళనకు గురయ్యారు.
ALSO READ: Prakasam District: గవర్నమెంట్ స్కూల్లో దారుణం.. స్టూడెంట్పై టీచర్ లైంగిక దాడి..?
Share
Khammam News: ఖమ్మం జిల్లాలో వింత ఘటన.. కోడి పుంజుకు అంత్యక్రియలు
Bunny Vas : మిత్రమండలి వల్ల భారీ నష్టం.. ఒప్పుకున్న నిర్మాత బన్నీ వాసు
