Snake Bite: సోషల్ మీడియాలో లైకులు, వ్యూస్ కోసం పాకులాడే ‘రీల్స్ పిచ్చి’ చివరకు ఒక నిండు ప్రాణాన్ని బలితీసుకుంది. ఈ ఘటన హరియాణాలోని కర్నాల్లో చోటుచేసుకుంది. సాహసం పేరుతో చేసే అజాగ్రత్తలు ఎంతటి ప్రమాదానికి దారితీస్తాయో ఈ ఘటన మరోసారి హెచ్చరిస్తోంది.
కర్నాల్ ప్రాంతానికి చెందిన రాజేంద్ర అనే వ్యక్తి పాములు పట్టడంలో నైపుణ్యం కలవాడు. అయితే, సోషల్ మీడియాలో ఫేమస్ కావాలనే కోరికతో అతను ప్రమాదకరమైన విన్యాసాలకు పాల్పడేవాడు. ఈ క్రమంలోనే ఒక వీడియో చిత్రీకరిస్తుండగా.. తన వద్ద ఉన్న ఒక విషపూరితమైన నాగుపాము తలను నోట్లో పెట్టుకుని విన్యాసం చేసేందుకు ప్రయత్నించాడు. గతంలో ఇలాంటివి చేసిన అనుభవం ఉన్నప్పటికీ, వీడియో కోసం కెమెరా వైపు చూస్తూ దృష్టి మరల్చడంతో పాము ఒక్కసారిగా అతని నాలుకపై కాటు వేసింది.
పాము కాటు వేసిన వెంటనే రాజేంద్ర ఆరోగ్యం వేగంగా క్షీణించింది. చికిత్స నిమిత్తం ఆసుపత్రికి వెళ్లే లోపే పరిస్థితి విషమించడంతో అతను ప్రాణాలు కోల్పోయాడు. కేవలం కొన్ని సెకన్ల వీడియో క్లిప్ కోసం, వేలల్లో వచ్చే లైకుల కోసం చేసిన ఈ చిన్న పొరపాటు ఒక కుటుంబాన్ని తీరని శోకంలో ముంచింది.
Also Read:హైవేపై గాలిలో పల్టీలు కొట్టిన ఇన్నోవా.. కారులో ఓ కుటుంబం.. ఇదిగో వీడియో!
హరియాణాలోని కర్నాల్లో రీల్స్ పిచ్చి ఓ వ్యక్తి ప్రాణాలు తీసింది. ఒకరు వీడియో తీస్తుండగా పాములు ఆడించే రాజేంద్ర ఎప్పటిలాగే నాగుపాము తలను తన నోట్లో పెట్టుకుని ఆడించేందుకు ప్రయత్నించాడు.
అయితే వీడియో కోసం కాస్త అజాగ్రత్త పడటంతో పాము ఒక్కసారిగా అతని నాలుకపై కాటు వేసింది.
ఆరోగ్యం… pic.twitter.com/t9Fb08jD43— ChotaNews App (@ChotaNewsApp) April 6, 2026
Share
అడ్రస్ లేని ‘విశ్వంభర’..అసలు వస్తుందా రాదా ?
జగన్కు దిమ్మతిరిగేలా చంద్రబాబు మాస్టర్ ప్లాన్, ఇంప్లిమెంట్ అయితే, ఇక వైసీపీ అస్సామే?
