శ్రీపెరంబుదూర్ హ్యుందాయ్ ప్లాంట్‌లో అగ్ని ప్రమాదం.. భారీగా ఆస్తి నష్టం!

Hyundai Fire: తమిళనాడులోని శ్రీపెరంబుదూర్ పారిశ్రామిక ప్రాంతంలో ఉన్న ప్రముఖ హ్యుందాయ్ కార్ల తయారీ పరిశ్రమలో భారీ అగ్నిప్రమాదం సంభవించింది. కంపెనీలోని ఒక విభాగంలో ఒక్కసారిగా మంటలు చెలరేగడంతో దట్టమైన పొగలు అలుముకున్నాయి. ప్రమాదం జరిగిన సమయంలో ప్లాంట్‌లో విధుల్లో ఉన్న కార్మికులు తీవ్ర భయాందోళనలకు గురై ప్రాణాలు దక్కించుకోవడానికి బయటకు పరుగులు తీశారు.

సమాచారం అందుకున్న వెంటనే అగ్నిమాపక సిబ్బంది పలు ఫైర్ ఇంజన్లతో ఘటనా స్థలానికి చేరుకుని మంటలను అదుపు చేసేందుకు తీవ్రంగా శ్రమిస్తున్నారు. ప్రాథమిక సమాచారం ప్రకారం, ఈ ప్రమాదంలో ఎవరికీ ఎలాంటి ప్రాణనష్టం జరగలేదని తెలుస్తోంది. అయితే ఆస్తి నష్టం భారీగానే ఉండొచ్చని అంచనా వేస్తున్నారు.

షార్ట్ సర్క్యూట్ కారణంగానే ఈ ప్రమాదం జరిగి ఉంటుందా? లేదా మరేదైనా కారణం ఉందా? అనే కోణంలో పోలీసులు, ఫైర్ సిబ్బంది దర్యాప్తు చేస్తున్నారు. కంపెనీ యాజమాన్యం ఇంకా దీనిపై అధికారిక ప్రకటన విడుదల చేయాల్సి ఉంది.

Also read: కర్ణాటకలో ఘోర రోడ్డు ప్రమాదం.. 6 మృతి, 10 మందికి తీవ్ర గాయాలు!

తమిళనాడులో కార్ల కంపెనీలో భారీ అగ్ని ప్రమాదం

తమిళనాడులో భారీ అగ్నిప్రమాదం చోటుచేసుకుంది. శ్రీ పెరంబదూర్ లోని హ్యూందాయ్ కార్ల కంపెనీలో మంటలు భారీగా ఎగిసిపడుతున్నాయి. కార్మికులు భయంతో బయటకి పరుగులు తీశారు. సమాచారం అందుకున్న అగ్నిమాపక సిబ్బంది మంటలను అదుపు చేసేందుకు… pic.twitter.com/pg9N9zfgJb

— ChotaNews App (@ChotaNewsApp) May 31, 2026