విశాఖ స్క్రాప్ గోడౌన్ లో భారీ అగ్ని ప్రమాదం.. ఎగసిపడుతున్న మంటలు

Visakhapatnam: విశాఖపట్నంలోని సీ హార్స్ జంక్షన్ వద్ద భారీ అగ్నిప్రమాదం చోటుచేసుకుంది. టౌన్ కొత్త రోడ్డు సమీపంలోని ఒక స్క్రాప్ దుకాణంలో ఒక్కసారిగా మంటలు చెలరేగడంతో ఈ ప్రమాదం సంభవించింది. దుకాణంలో పాత సామాగ్రి, ప్లాస్టిక్ వంటి వ్యర్థాలు ఉండటంతో మంటలు వేగంగా వ్యాపించి, ఆకాశమంత ఎత్తున దట్టమైన నల్లటి పొగ కమ్ముకుంది.

ఈ ప్రమాదం జరిగిన ప్రాంతానికి అతి సమీపంలోనే పెట్రోల్ బంక్ ఉండటం గమనార్హం. మంటలు గనుక అదుపు తప్పి పెట్రోల్ బంక్ వరకు వ్యాపిస్తే పరిస్థితి ఊహించని విధంగా ఉంటుందని భావించిన స్థానికులు ఒక్కసారిగా పరుగులు తీశారు. సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకుని, మంటలను అదుపు చేసేందుకు తీవ్రంగా ప్రయత్నిస్తున్నారు.

ప్రస్తుతానికి అగ్నిమాపక యంత్రాల సహాయంతో మంటలను ఇతర ప్రాంతాలకు వ్యాపించకుండా కట్టడి చేస్తున్నారు. ఈ ప్రమాదంలో ఎటువంటి ప్రాణనష్టం లేకపోవడంతో అందరూ ఊపిరిపీల్చుకున్నారు. పోలీసులు కేసు నమోదు చేసి ప్రమాదానికి గల కారణాలపై విచారణ చేపట్టారు. విశాఖపట్నంలోని ప్రధాన కూడలిలో ఈ ఘటన జరగడంతో ట్రాఫిక్ కూడా కాసేపు నిలిచిపోయింది.

Also Read:పెళ్లి విందులో ‘లెగ్ పీస్’ వార్.. వీడియో చూస్తే షాక్ అవ్వాల్సిందే!

విశాఖ సీ హార్స్ జంక్షన్ వద్ద అగ్నిప్రమాదం

స్క్రాప్ దుకాణంలో భారీగా ఎగిసిపడుతున్న మంటలు

స్క్రాప్ దుకాణానికి కొద్ది దూరంలోనే పెట్రోల్ బంక్

మంటలను అదుపు చేస్తున్న అగ్నిమాపక సిబ్బంది

Fire accident at Visakhapatnam Sea Horse Junction.. Fire rages in scrap shop.. Petrol station… pic.twitter.com/FkrOgGYOvp

— BIG TV Breaking News (@bigtvtelugu) March 29, 2026