Road Accident: హైవేపై ఘోర ప్రమాదం.. బ‌స్సుల మ‌ధ్య ఇరుక్క‌పోయిన‌ కారు.. కళ్లు చెదరే దృశ్యాలు

Road Accident: నల్గొండ జిల్లా చిట్యాల మండలంలో ఘోర రోడ్డు ప్రమాదం జరిగింది. ఒక కారు రెండు ట్రావెల్స్ బస్సుల మధ్య చిక్కుకుని పూర్తిగా నుజ్జునుజ్జయ్యింది. ప్రమాద తీవ్రత కారణంగా కారు పూర్తిగా ధ్వంసమైంది. కారులో ప్రయాణిస్తున్న ఇద్దరు వ్యక్తులు తీవ్రంగా గాయపడి ప్రాణాపాయ స్థితిలో ఉన్నారు. వారిని వెంటనే ఆసుపత్రికి తరలించారు.

ప్రమాదం ఎలా జరిగింది?

పోలీసుల సమాచారం ప్రకారం.. ఈ ప్రమాదం చిట్యాల బైపాస్ రోడ్డుపై ఉదయం 5 గంటల సమయంలో చోటుచేసుకుంది. ఓ ప్రైవేట్ ట్రావెల్స్ బస్సు వేగంగా వస్తుండగా, అదే దిశలో వెళ్తున్న మరో ట్రావెల్స్ బస్సు హఠాత్తుగా బ్రేక్ వేయడంతో.. వెనుక వస్తున్న కారు రెండు బస్సుల మధ్య ఇరుక్కుపోయింది.

ఈ ఘటన చూసిన స్థానికులు.. కారులో చిక్కుకున్న ఇద్దరిని బయటకు తీశారు. వారి పరిస్థితి విషమంగా ఉన్నట్లు వైద్యులు తెలిపారు. ఈ ఘటనపై కేసు నమోదు చేసుకుని దర్యాప్తు చేస్తున్నారు పోలీసులు.

 ఆసుపత్రిలో చికిత్స

గాయపడిన వారిని పోలీసులు గుర్తించేందుకు ప్రయత్నిస్తున్నారు. ప్రాథమిక సమాచారం ప్రకారం, వారు హైదరాబాద్‌కు చెందిన టెక్ ఉద్యోగులు అని తెలిసింది. ప్రమాద సమయంలో వారి తలకు, కాళ్లకు తీవ్ర గాయాలు కావడంతో వైద్యులు వారికి అత్యవసర చికిత్స అందిస్తున్నారు.

ట్రాఫిక్ నిలిచిపోయింది

ప్రమాదం అనంతరం రహదారిపై భారీగా ట్రాఫిక్ జామ్ ఏర్పడింది. బస్సులు, లారీలు కిలోమీటర్ల మేర నిలిచిపోయాయి. పోలీసులు సంఘటనా స్థలానికి చేరుకుని వాహనాలను పక్కకు తొలగించి ట్రాఫిక్‌ను సవ్యంగా నడిపేలా చర్యలు చేపట్టారు. క్రేన్ సాయంతో నుజ్జునుజ్జైన కారును రోడ్డుపక్కకు తరలించారు. సుమారు రెండు గంటల తర్వాత రహదారిపై రాకపోకలు మామూలు స్థితికి వచ్చాయి.

Also Read: బీభత్సం సృష్టించిన ట్రాక్టర్.. స్పాట్‌లో ఇద్దరు మృతి

ట్రాఫిక్ పోలీసులు హెచ్చరిక

వాహనదారులు వేగ నియంత్రణ పాటించాలి. బస్సు డ్రైవర్లకు కఠిన లైసెన్స్ నిబంధనలు, రాత్రి డ్రైవింగ్‌ సమయాల్లో అదనపు జాగ్రత్తలు తప్పనిసరి అన్నారు.

Share

• 
• 
• 
• 
• 
•