విజయ్ ఓటమి పుకార్లు.. గొంతు కోసుకున్న అభిమాని!

Vijay Fan: విజయ్ అంటే ప్రాణమిచ్చే అభిమానులు ఉంటారని మనకు తెలుసు కానీ, కేవలం ఒక పుకార్లు విని ప్రాణాల మీదకు తెచ్చుకోవడం నిజంగా కలచివేసే విషయం. తాజాగా తమిళనాడులోని కృష్ణగిరిలో జరిగిన ఈ ఘటన అందరినీ షాక్‌కు గురిచేస్తోంది.

కృష్ణగిరి జిల్లా బరూరుకు చెందిన కె. మహేంద్రన్ (28) అనే యువకుడు నటుడు, టీవీకే (TVK) పార్టీ అధినేత విజయ్‌కు వీరాభిమాని. వచ్చే అసెంబ్లీ ఎన్నికల్లో విజయ్ ఓడిపోతారంటూ సోషల్ మీడియాలో, బయట కొన్ని వదంతులు చక్కర్లు కొట్టాయి. ఈ వార్తలు విన్న మహేంద్రన్ తీవ్ర మనస్తాపానికి గురయ్యాడు. విజయ్ ఓటమిని తాను తట్టుకోలేనంటూ, తన గొంతు తానే కోసుకుని ఆత్మహత్యాయత్నానికి పాల్పడ్డాడు.

రక్తపు మడుగులో ఉన్న మహేంద్రన్‌ను గమనించిన కుటుంబ సభ్యులు, స్థానికులు హుటాహుటిన కృష్ణగిరి ప్రభుత్వ ఆసుపత్రికి తరలించారు. ప్రస్తుతం అతనికి అత్యవసర విభాగంలో చికిత్స అందుతోంది. పరిస్థితి విషమంగానే ఉందని సమాచారం.

రాజకీయాల్లో గెలుపోటములు సహజం. అభిమానం ఉండాలి కానీ, అది ప్రాణాలు తీసుకునేంత స్థాయికి వెళ్లకూడదు. విజయ్ లాంటి నాయకులు కూడా తమ అభిమానులు క్షేమంగా ఉండాలనే కోరుకుంటారు. ఇలాంటి విపరీత నిర్ణయాలు తీసుకుని కుటుంబాలను రోడ్డును పడేయడం ఎవరికీ మంచిది కాదు. పుకార్లను నమ్మి ఆవేశపడకుండా నిబ్బరంగా ఉండాలని పోలీసులు, సామాజిక కార్యకర్తలు కోరుతున్నారు.

Also Read:తమిళనాడు ఎలక్షన్ రిజల్ట్ ..టెన్షన్ లో విజయ్.. తిరుమలలో త్రిష!