మోసం ఎలా జరిగింది?
సైబర్ మాయగాళ్లు తమను సువామా వెల్త్ మేనేజ్‌మెంట్ ప్రతినిధులుగా పరిచయం చేసుకున్నారు. పెట్టుబడి పెడితే అధిక లాభాలు వస్తాయని హామీ ఇచ్చారు. నమ్మకాన్ని పెంచేందుకు ప్రత్యేకంగా ఒక వాట్సాప్ గ్రూప్‌ క్రియేట్ చేసి అందులో పలు ఫేక్ ప్రొఫైల్స్‌తో చాట్ చేశారు. ఇప్పటికే లాభాలు పొందుతున్నట్లు చూపిస్తూ స్క్రీన్‌షాట్లు, నకిలీ లావాదేవీలను షేర్‌ చేశారు.
ఈ విధంగా నమ్మకం కలిగిన బాధితుడు మొదట చిన్న మొత్తాలను పెట్టుబడిగా పెట్టాడు. మొదటి లావాదేవీల్లోనే తక్షణ లాభాలు చూపించి మరింత డబ్బు పెట్టేలా ప్రేరేపించారు. క్రమంగా దఫాలుగా పెద్ద మొత్తాలు ఇన్వెస్ట్ చేయడంతో మొత్తం రూ.64 లక్షలు వసూలు చేశారు. కానీ చివరికి డబ్బు తిరిగి ఇవ్వమని అడిగినప్పుడు మోసగాళ్లు కనపడకపోవడంతో మోసపోయానని గ్రహించాడు.
ఫిర్యాదు, కేసు నమోదు
మోసపోయినట్లు గుర్తించిన వ్యాపారి వెంటనే సైబర్ క్రైమ్ పోలీసులను సంప్రదించాడు. అతని ఫిర్యాదుతో కేసు నమోదు చేసి దర్యాప్తు ప్రారంభించారు. ఈ ఘటనలో ఉపయోగించిన వాట్సాప్ నంబర్లు, డబ్బు బదిలీ అయిన బ్యాంక్ ఖాతాలు, యాప్‌ల ద్వారా చేసిన లావాదేవీలను పోలీసులు విశ్లేషిస్తున్నారు. నకిలీ ఐడెంటిటీ కార్డులు, ఫేక్ కంపెనీ వెబ్‌సైట్లు, సోషల్ మీడియా ప్రొఫైల్స్ ఆధారంగా మోసం నిర్వహించినట్లు ప్రాథమికంగా అనుమానిస్తున్నారు.
సైబర్ నేరాల పెరుగుదల
ఇటీవలి కాలంలో దేశవ్యాప్తంగా వాట్సాప్ ఇన్వెస్ట్‌మెంట్ స్కామ్ ఎక్కువయ్యాయి. ప్రత్యేకంగా వ్యాపారులు, ప్రొఫెషనల్స్, రిటైర్డ్ ఉద్యోగులను టార్గెట్ చేస్తున్నారు. చిన్న మొత్తంలో పెట్టుబడి పెడితే రోజువారీ లాభం వస్తుంది అని.. మల్టీ లెవెల్ మార్కెటింగ్ అంటూ కొత్త పద్ధతులు ఉపయోగిస్తున్నారు.
నిపుణుల హెచ్చరికలు
WhatsApp లేదా Telegram గ్రూపుల్లో పెట్టుబడులు పెట్టకూడదు.
ఎటువంటి SEBI రిజిస్ట్రేషన్ లేని కంపెనీలను నమ్మరాదు.
డబ్బు పంపే ముందు నిజమైన వెబ్‌సైట్లు, అధికారిక డాక్యుమెంట్లు చెక్ చేయాలి.
అనుమానం కలిగితే వెంటనే 1930 నంబర్‌కి కాల్ చేసి.. సైబర్ హెల్ప్‌లైన్‌లో ఫిర్యాదు చేయాలి.
ప్రజల్లో జాగ్రత్త అవసరం
రోజు రోజుకి పెరుగుతున్న ఆన్‌లైన్ మోసాల మధ్య.. ప్రజలు మరింత అప్రమత్తంగా ఉండాలి. సులువుగా డబ్బు రెట్టింపు అవుతుంది అని చెప్పే ప్రతి స్కీమ్ మోసం అయ్యే అవకాశం ఉంది. ముఖ్యంగా వాట్సాప్, టెలిగ్రామ్ వంటి ప్లాట్‌ఫారమ్‌లు మోసగాళ్లకు కొత్త ఆయుధాలుగా మారుతున్నాయి.
Share
Pathum Nissanka Six: నిస్సంక భ‌యంక‌ర‌మైన సిక్స్‌...తుక్కు తుక్కైన కారు..త‌ల‌ప‌ట్టుకున్న గంభీర్‌
Mahabubabad Incident: మహబూబాబాద్‌లో బాలుడి హత్య కేసులో బిగ్‌ట్విస్ట్.. ఇద్దరి పిల్లల్ని చంపింది అమ్మే
