Shravana Shukrawar 2025: శ్రావణ శుక్రవారం ఇలా చేస్తే.. అప్పుల బాధలు తొలగిపోతాయ్

Shravana Shukrawar 2025: శ్రావణ మాసంలో వచ్చే ప్రతీ శుక్రవారానికీ ఎంతో ప్రాముఖ్యత ఉంటుంది. ఈ రోజున లక్ష్మీదేవిని పూజించడం వల్ల ఆ తల్లి అనుగ్రహం పొంది అష్టైశ్వర్యాలు, సుఖసంతోషాలు లభిస్తాయని నమ్మకం. ముఖ్యంగా.. అప్పుల బాధలతో సతమతమవుతున్న వారికి ఈ రోజు చేసే కొన్ని ప్రత్యేక పూజలు, పద్ధతులు మంచి ఫలితాలను ఇస్తాయని పండితులు చెబుతారు. శ్రావణ శుక్రవారం నాడు లక్ష్మీదేవిని ఎలా పూజిస్తే అప్పుల బాధలు తొలగిపోతాయో ఇప్పుడు తెలుసుకుందాం.

లక్ష్మీ పూజతో అప్పులకు విముక్తి:
శ్రావణ శుక్రవారం రోజు ఉదయాన్నే నిద్రలేచి తలస్నానం చేసి శుభ్రమైన బట్టలు ధరించాలి. ఇంటిని శుభ్రం చేసి, పూజ గదిని అలంకరించాలి. లక్ష్మీదేవి పటాన్ని లేదా విగ్రహాన్ని పూజకు సిద్ధం చేయాలి.

పసుపు, కుంకుమతో పూజ: పీట మీద లక్ష్మీదేవి విగ్రహాన్ని లేదా పటాన్ని ఉంచి, పసుపు, కుంకుమ, గంధం, పూలతో అలంకరించాలి. పూజలో తామర పువ్వులు వాడటం చాలా మంచిది. ఎందుకంటే తామరపువ్వు లక్ష్మీదేవికి అత్యంత ప్రీతిపాత్రమైనది.

దీపారాధన: ఆవు నెయ్యితో దీపారాధన చేయడం వల్ల లక్ష్మీదేవి సంతోషిస్తుందని నమ్మకం. రెండు దీపాలను వెలిగించి, వాటిలో ఒక దీపం కుబేరుడికి, మరొకటి లక్ష్మీదేవికి అంకితం చేయాలి.

లక్ష్మీ అష్టోత్తరం పారాయణం: పూజ సమయంలో శ్రీ లక్ష్మీ అష్టోత్తర శతనామావళి పఠించడం చాలా శుభప్రదం. ఈ అష్టోత్తరాన్ని పఠిస్తూ లక్ష్మీదేవిని పూజించడం వల్ల అప్పుల బాధలు తొలగిపోతాయి.

కనకధారా స్తోత్రం: అప్పుల నుంచి బయటపడటానికి శ్రీ కనకధారా స్తోత్రం పఠించడం అత్యంత శక్తివంతమైన మార్గం. శ్రావణ శుక్రవారం రోజు ఈ స్తోత్రాన్ని పారాయణం చేయడం వల్ల ఆర్థిక ఇబ్బందులు తొలగిపోతాయి.

ఈ పరిహారాలు పాటించండి:
శ్రావణ శుక్రవారం నాడు పూజతో పాటు కొన్ని పరిహారాలు పాటిస్తే మంచి ఫలితాలు లభిస్తాయి.

గోమాతకు పూజ: ఆవులో లక్ష్మీదేవి కొలువై ఉంటుందని నమ్మకం. శ్రావణ శుక్రవారం రోజు గోమాతకు పసుపు కుంకుమ పెట్టి, బెల్లం కలిపిన అన్నం లేదా పచ్చి గడ్డిని తినిపించడం వల్ల లక్ష్మీదేవి అనుగ్రహం లభిస్తుంది.

Also Read: రాఖీ పండగ రోజు.. ప్రతి ఒక్కరూ తప్పకుండా చేయాల్సిన పరిహారాలు ఇవే !

పసుపు వస్త్రాలు: శ్రావణ శుక్రవారం నాడు పూజలో పసుపు వస్త్రాలను ఉపయోగించడం, పసుపు రంగు పువ్వులను సమర్పించడం మంచిది. ఇది లక్ష్మీదేవిని సంతోషపరుస్తుంది.

పెరుగు అన్నం నైవేద్యం: లక్ష్మీదేవికి పెరుగు అన్నం నైవేద్యంగా సమర్పించడం వల్ల మంచి ఫలితాలు లభిస్తాయి. ఈ నైవేద్యంలో పంచదార కలిపి, పూజ పూర్తయిన తర్వాత ప్రసాదంగా తీసుకోవాలి.

దానం చేయడం: ఈ రోజున పేదలకు దానం చేయడం వల్ల పుణ్యం లభిస్తుంది. బియ్యం, పప్పు, బెల్లం వంటివి దానం చేయడం వల్ల కూడా మంచి ఫలితాలు ఉంటాయి.

ఈ విధంగా శ్రావణ శుక్రవారం నాడు లక్ష్మీ దేవిని నియమబద్ధంగా పూజించి, ఈ పరిహారాలు పాటిస్తే, అప్పుల బాధల నుంచి విముక్తి లభిస్తుంది. ఆర్థిక సమస్యలు తొలగిపోయి, ఇంట్లో సుఖ శాంతులు వెల్లి విరుస్తాయి.

Share

• 
• 
• 
• 
• 
•