Shani Dev Worship with Oil: శనిదేవుడిని పూజించడం వల్ల తమకు ఉన్న శని పోతుందని శాస్త్రం చెబుతుంది. శనిదేవుడిని పూజించడం వల్ల మంచి ఫలితాలు ఉంటాయని, గ్రహాల రాజుగా పేరుగాంచిన శని దేవుడు అత్యంత శక్తివంతమైన వాడు అని పండితులు చెబుతుంటారు. శనిదేవుడి పేరు వినగానే ప్రజలు భయపడుతుంటారు. ఎందుకంటే శని దేవుడు కఠినమైన శిక్షకుడిగా పేరు గాంచాడు. కానీ, శనిదేవుడు శిక్షించడమే కాదు, కర్మల ఫలాలను కూడా ఇస్తాడు. మంచి పనులు చేసినట్లయితే, శనిదేవుడు సంతోషాన్ని, శ్రేయస్సును ఇస్తాడు. ఒకవేళ చెడు పనులు చేస్తే శిక్షను విధిస్తాడు అని అంటారు. శనిదేవుడు, న్యాయమూర్తి వలె, ఒక వ్యక్తికి అతని కర్మల ప్రకారం ఫలితాలను ఇస్తాడు.
శని దేవుడికి నూనె ఎందుకు సమర్పిస్తారు..?
మత విశ్వాసాల ప్రకారం, శనివారం శని దేవుడికి అంకితం చేయబడింది. శనిదేవునికి తైలాన్ని నైవేద్యంగా పెట్టడం ద్వారా కోరిన కోరికలు నెరవేరుతాయని, జీవితంలో కష్టాలు తగ్గుతాయని నమ్మకం. శని దేవుడికి నూనె ఎందుకు సమర్పిస్తారో తెలుసా? దీని వెనుక ఉన్న మతపరమైన ప్రాముఖ్యత, పురాణాలను ఇప్పుడు తెలుసుకుందాం.
పురాణాల ప్రకారం, ఒకసారి శనిదేవుడు హనుమాన్ బలం, ధైర్యం గురించి తెలుసుకున్నాడు. శనిదేవ్ తన బలం, శక్తి గురించి అప్పటికే గర్వపడ్డాడు. అందుకే అతను బజ రంగబలితో పోరాడటానికి వెళ్ళాడు. న్యాయ దేవుడు హనుమాన్ వద్దకు చేరుకున్నప్పుడు, హనుమాన్ ఒక ప్రదేశంలో కళ్ళు మూసుకుని రామ భక్తిలో మునిగి ఉండడం చూశాడు. కానీ అహంకారంతో మత్తులో ఉన్న శనిదేవ్ హనుమాన్ ని యుద్ధానికి సవాలు చేశాడు. దీని తరువాత, హనుమంతుడు శనిదేవ్‌కు తన శ్రీరాముని భక్తిలో మునిగిపోయానని, యుద్ధం చేయడం సరికాదని వివరించాడు. వివరించిన తర్వాత కూడా, శనిదేవ్ పోరాటంలో మొండిగా ఉన్నాడు. శనిదేవుడు అంగీకరించకపోవడంతో, బజరంగబలి యుద్ధానికి సిద్ధమయ్యాడు.
Also Read: Weekly Horoscope April 22-28: ఏప్రిల్ 22 నుండి 28 వరకు జాతక చక్రం.. ఈ రాశుల కెరీర్‌లో అద్భుతం..!
ఇద్దరి మధ్య యుద్ధం ప్రారంభమైనప్పుడు, హనుమంతుడు శనిదేవుడిని తన తోకలో చుట్టి రాళ్లపై పదేపదే విసిరాడు. దీంతో శనిదేవుడు తీవ్రంగా గాయపడ్డాడు. ఇక వెంటనే హనుమాన్ కి క్షమాపణ చెప్పడం ప్రారంభించాడు. అప్పుడు శనిదేవ్ శ్రీరామ, హనుమాన్ భక్తులను ఎప్పుడూ ఇబ్బంది పెట్టనని చెప్పాడు. దీనితో పాటు, శ్రీరాముడిని, హనుమంతుడిని ఎవరు పూజిస్తారో, అతను వారిపై తన ఆశీర్వాదాలను కూడా కురిపిస్తాడు. యుద్ధం తరువాత, శని దేవ్ చాలా బాధపడ్డాడు. బాధను చూసిన హనుమంతుడు శనిదేవునికి నూనె ఇచ్చాడు. దానిని పూయగానే నొప్పి అంతా మాయమైంది. అప్పుడు శనిదేవుడు ఎవరైతే భక్తితో నూనెను సమర్పిస్తారో వారి కష్టాలన్నీ తీరిపోయి కోరికలు నెరవేరుతాయని చెప్పాడు.