Sunidhi Chauhan: తన గాత్రంతో ప్రపంచాన్ని ఉర్రూతలూగించిన బాలీవుడ్ ఫేమస్ సింగర్ సునిధి చౌహాన్‌కు తాజాగా చేదు అనుభవం ఎదురైంది. ఆమె ఓ ఈవెంట్లో పాడుతున్న సమయంలో ఓ ఆకతాయి వాటర్ బాటిల్ విసిరేశాడు. దీంతో ఒక్కసారిగా షాక్ అయిన ఆమె తాను పాటలు పాడటం ఇష్టం లేదా అని ఆడియన్స్‌ను అడిగింది. ప్రస్తుతం అందుకు సంబంధించిన వీడియో నెట్టింట వైరల్ అవుతుంది. దీనికి సంబంధించి పూర్తి వివరాల్లోకి వెళితే..
సునిధి చౌహన్ ఎన్నో సినిమా పాటలకు తన గాత్రాన్ని అందించడమే కాకుండా.. గత కొన్నేళ్లుగా లైవ్ కచేరీలు కూడా చేస్తూ ప్రత్యేక గుర్తింపు సంపాదించుకుంది. ఆమె పాటలకు ప్రపంచం నలుమూలల నుంచి కూడా వచ్చి సాంగ్స్ వింటుంటారు. ఈ మధ్య కాలం నుంచి సునిధి చౌహాన్ తన స్పీడ్ పెంచింది.
ఇందులో భాగంగానే ఒక దాని తర్వాత మరొకటి లైవ్ కచేరీలు చేస్తూ దూసుకుపోతుంది. ఈ క్రమంలోనే తాజాగా డెహ్రాడూన్‌లోని ఎస్జీఆర్ఆర్ యూనివర్సిటీలో ఓ కాన్సెర్ట్‌లో పాల్గొంది. ఆ ఈవెంట్లో తన గాత్రంతో జోరుగా పాటలు పాడుతూ ఆడియన్స్‌లో సరికొత్త ఉత్సాహాన్ని తెచ్చింది. అలాంటి సమయంలో ఓ యువకుడు ఆకతాయి చర్యకు పాల్పడ్డాడు.
Also Read: కమల్ హాసన్‌ ఫ్యాన్స్‌కు మళ్లీ షాక్.. ఇండియన్ 2 వాయిదా?.. పండగ చేసుకుంటున్న ప్రభాస్ ఫ్యాన్స్..!
సునిధి చౌహాన్ సాంగ్ పాడుతున్న సమయంలో ఆమెపై ఓ బాటిల్ విసిరాడు. దీంతో ఆమె ఒక్కసారిగా షాక్‌కు గురైంది. అయితే అలాంటి సమయంలో ఎవరైనా కోపంగా రియాక్ట్ అవుతారు. కానీ సునిధి చౌహాన్ మాత్రం ఫన్నీగా స్పందించి ఆడియన్స్ మనసులు దోచుకుంది. ‘‘ఏం జరుగుతోంది? బాటిల్ విసిరితే జరిగేది ఏంటి? షో ఆగిపోతుంది.. అదే కావాలా?’’ అని అడిగింది. దీంతో అక్కడున్న వారంతా వద్దు వద్దు అంటూ అరవడం మొదలు పెట్టారు. ఆ వీడియో నెట్టింట వైరల్‌‌గా మారింది.
అయితే ఈ వీడియో నెట్టింట వైరల్ కావడంతో ఆమె అభిమానులు సునిధికి మద్దతుగా నిలిచారు. ప్రతి చోట అలాంటి ఆకతాయిలు ఉంటారని.. ప్రోగ్రాంను చెడగొట్టడానికి వస్తారని కామెంట్లు చేస్తున్నారు. మరొకరు స్పందిస్తూ.. ఈ పని ఎవరు చేశారో.. వారిపై చట్టపరమైన చర్యలు తీసుకోండి.. అప్పుడు మరెవరిపై అలాంటి పనులు చేయకుండా ఉంటారు అని సోషల్ మీడియాలో కామెంట్లు పెడుతున్నారు.
Sunidhi Chauhan's Graceful Response After a Fan Throws Bottle at Her pic.twitter.com/aVMFIdKH8R
— WarpaintJournal.in (@WarpaintJ) May 5, 2024
Share
Kia India Upcoming Cars : కియా లవర్స్‌కు పండగే.. త్వరలో మూడు కొత్త EVలు లాంచ్!
TS SET 2024: సెట్ నోటిఫికేషన్ విడుదల.. ముఖ్యమైన తేదీలివే..
