Indian 2 Postponed From June 2024: విలక్షణ నటుడు కమల్ హాసన్ ‘విక్రమ్’ సినిమాతో మళ్లీ పుంజుకున్నాడు. అప్పటి వరకు ఎలాంటి హిట్లు లేక సతమతమయ్యాడు. కానీ లోకేష్ కనగరాజ్ దర్శకత్వంలో తెరకెక్కిన ‘విక్రమ్’ మాత్రం కమల్ హాసన్‌కు, ఆయన అభిమానులకు ఫుల్ ఎనర్జీ అందించింది. దీంతో కమల్ పలు సినిమాలను లైన్‌లో పెట్టేశాడు. అందులో ఒకటి ‘ఇండియన్ 2’ చేస్తున్నాడు.
ఈ మూవీ ఫస్ట్ పార్ట్ ‘భారతీయుడు’ 1996లో విడుదలై సంచలన విజయాన్ని కైవసం చేసుకుంది. అప్పట్లో మంచి కలెక్షన్లను సైతం ఈ మూవీ రాబట్టింది. ఆ తర్వాత ఇన్నేళ్లకు ఇప్పుడు ‘ఇండియన్ 2’ మూవీ తెరకెక్కడానికి సిద్ధమవుతుంది. ఇప్పటికే ఈ మూవీ షూటింగ్ చాలా వరకు కంప్లీట్ చేసుకుంది.
అంతేకాకుండా ఈ సీక్వెల్ మూవీపై ప్రేక్షకాభిమానుల్లో భారీ అంచనాలే ఉన్నాయి. అందుకు కమల్ హాసన్ ఓ కారణం అయితే.. మరొక కారణం దర్శకుడు శంకర్. ఈ సీక్వెల్ చిత్రాన్ని దర్శకుడు శంకర్ ఎంతో గ్రాండ్ లెవెల్లో తెరకెక్కిస్తున్నాడు. అయితే ఈ మూవీకు మాత్రం ఎన్నో అడ్డంకులు వస్తున్నాయి. ఒకానొక సమయంలో ఈ మూవీ ఆగిపోయిందా? అనే అనుమానాలు కూడా వెళ్లువెత్తాయి. ఆ తర్వాత మళ్లీ ఈ మూవీ నుంచి పోస్టర్లు రిలీజ్ చేయడంతో అంతా ఊపిరి పీల్చుకున్నారు. ఇక దర్శకుడు కూడా ఈ మూవీతో పాటు రామ్ చరణ్ గేమ్ ఛేంజర్‌ను లైన్‌లో పెట్టడంతో.. అటు సగం షూటింగ్.. ఇటు సగం షూటింగ్ చేసేవాడు. ఇక ఏది ఏమైనా ‘ఇండియన్ 2’ షూటింగ్‌ను ఆఖరి వరకు చేరుస్తూ.. అభిమానులను ఫుల్ ఖుష్ చేశాడు.
Also Read: కం బ్యాక్ ఇండియన్.. ఒక టీజర్ తో ప్రభంజనం సృష్టించిన శంకర్..
ఇందులో భాగంగానే ఈ మూవీ రిలీజ్ డేట్‌పై కూడా అప్డేట్ అందించారు మేకర్స్. ఈ చిత్రాన్ని ఈ ఏడాది జూన్ లో రిలీజ్ చేయనున్నట్లు తెలిపారు. అయితే అది జూన్ రెండో వారంలో అని టాక్ నడిచింది. దీంతో అంతా హ్యాపీగా ఫీలయ్యారు. తమ అభిమాన హీరో సినిమా రిలీజ్‌కు మరొక నెల మాత్రమే ఉందని సంబరపడిపోయారు. ఈలోపు ఓ బ్యాడ్ న్యూస్ వారిని కంగారు పెట్టిస్తుంది.
తాజాగా ఈ మూవీ రిలీజ్‌కు సంబంధించి ఓ వార్త సోషల్ మీడియాలో చక్కర్లు కొడుతుంది. ఈ మూవీ జూన్‌లో విడుదలవడం కష్టమని తెలుస్తోంది. అందుకు కారణం కూడా ఉంది. ఇంకా ఈ మూవీకి పెండింగ్ వర్క్ చాలా ఉండటంతో ఇండియన్ 2ను వాయిదా వేస్తున్నట్లు టాక్ వినిపిస్తుంది. ఈ వార్తతో అందరూ షాక్ అవుతున్నారు.
ఇక ఈ మూవీ జూన్ రేస్‌ నుంచి తప్పుకోవడంతో ప్రభాస్ నటిస్తున్న ‘కల్కి 2898 ఏడీ’ మూవీకి కలిసి వచ్చిందని తెలుస్తోంది. ఎందుకంటే కల్కి మూవీ జూన్ 27న రిలీజ్ కానుంది. మరి దీనికంటే ముందు అంటే జూన్ రెండో వారంలో ఇండియన్ 2 మూవీ రిలీజ్ అయి బ్లాక్ బస్టర్ రెస్పాన్స్ అందుకుంటే కల్కిపై ప్రభావం పడుతుంది. అందువల్లనే ఇండియన్ 2 తప్పుకోడం కల్కికి కలిసొచ్చిందని ప్రభాస్ ఫ్యాన్స్ పండగ చేసుకుంటున్నారు. దీంతో జూన్, జూలై మొత్తం కల్కి సందడే వినిపించనుంది.