VenkyAnil3: ఎక్స్ కాప్ కు ఎక్సలెంట్ వైఫ్ దొరికేసింది..

VenkyAnil3: విక్టరీ వెంకటేష్- అనిల్ రావిపూడి కాంబోలో ఇప్పటికే రెండు హిట్ సినిమాలు వచ్చిన విషయం తెల్సిందే. ఎఫ్ 2, ఎఫ్ 3 సినిమాలు వెంకీ మామకు మంచి పేరు తీసుకొచ్చిపెట్టాయి. ఇక వీరి కాంబోలో మూడో సినిమా రానుంది. ఈ ఏడాది ఉగాది పర్వదినాన వెంకీ- అనిల్ కాంబో రిపీట్ కానుందని మేకర్స్ అధికారికంగా ప్రకటించారు. దిల్ రాజు ఈ సినిమాను నిర్మిస్తున్నాడు.

ఎక్సలెంట్ వైఫ్/ఎక్స్ కాప్/ ఎక్స్ గర్ల్ ఫ్రెండ్ అంటూ పోస్టర్ పై రాసుకొచ్చి.. సినిమాపై అంచనాలను పెంచేశారు. ఇదొక ట్రయాంగిల్ క్రైమ్ కథగా తెరకెక్కుతోందని సమాచారం. జూలై 3 న ఈ సినిమా పూజా కార్యక్రమాలతో మొదలుకానుంది.

తాజాగా ఈ సినిమాలో ఎక్సలెంట్ వైఫ్ ను పరిచయం చేశారు. ఇందులో ఎక్సలెంట్ వైఫ్ గా అందాల భామ ఐశ్వర్య రాజేష్ నటిస్తోంది. ఈ విషయాన్ని మేకర్స్ అధికారికంగా తెలుపుతూ ఐశ్వర్య రాజేష్ ఫస్ట్ లుక్ ను మేకర్స్ రిలీజ్ చేశారు. చీరకట్టులో.. అచ్చతెలుగు గృహిణిగా ఐశ్వర్య కనిపించింది. పక్కనే గన్, దానిమీద తాళిని చూపించారు. ఐశ్వర్య రాజేష్.. మొట్టమొదటిసారి సీనియర్ హీరో పక్కన నటిస్తోంది. దీంతో సినిమాపై అంచనాలు పెరిగిపోయాయి.

ఇక ఈ సినిమాకు ఎలాంటి టైటిల్ ను అనౌన్స్ చేస్తారో అని అభిమానులు ఎంతగానో ఎదురుచూస్తున్నారు. ప్రస్తుతం ఈ పోస్టర్ నెట్టింట వైరల్ గా మారింది. ఇక ఈ సినిమా కాకుండా వెంకటేష్.. రానా నాయుడు వెబ్ సిరీస్ లో నటిస్తున్నాడు. త్వరలోనే ఈ సిరీస్ సీజన్ 2 నెట్ ఫ్లిక్స్ లో స్ట్రీమింగ్ కానుంది. మరి మొదటి సీజన్ తో విమర్శలకు గురైన వెంకీ మామ.. ఈ సీజన్ తో మంచిపేరును తెచ్చుకుంటాడేమో చూడాలి.

Welcoming on board, the talented @aishu_dil as the EXcellent Wife in #VenkyAnil3 ❤️

Victory @VenkyMama #DilRaju #Shirish #BheemsCeciroleo @YoursSKrishna @SVC_official #SVC58 pic.twitter.com/YQy5RlmMDp

— Anil Ravipudi (@AnilRavipudi) July 2, 2024