Anil Ravipudi: టాలీవుడ్‌లో సినిమాని ప్రమోట్ చేయడంలో అందరిదీ ఒక స్టైల్ అయితే దర్శక ధీరుడు రాజమౌళి స్టైల్ అందరికన్నా స్పెషల్. ఆయన సినిమా ప్రారంభమైనప్పటి నుంచి రిలీజ్ దాకా ప్రతి స్టెప్ ని చాలా ప్లాన్ చేసి, ప్రేక్షకుల్లో సినిమాపై క్రేజ్ పెంచడంలో రాజమౌళి మాస్టర్స్ చేసాడు. సినిమా అంటే కేవలం రూపొందించడం కాదు, దాన్ని ఓ ఫెస్టివల్‌గా మార్చడం రాజమౌళి స్ట్రాటజీ. ఆయన తీసిన ప్రతి చిత్రానికి దేశవ్యాప్తంగా ఒక మ్యాజిక్ క్రియేట్ చేసి, ప్రేక్షకులను సినిమా ప్రపంచంలోకి లాగేస్తాడు. అయితే ఇప్పుడు అనిల్ రావిపూడి కూడా తనదైన శైలిలో కొత్త ప్రమోషన్ ట్రెండ్‌ను తీసుకువచ్చాడు!
సంక్రాంతికి ‘బిగ్గెస్ట్ హిట్’ అందించిన అనిల్ రావిపూడి ఇప్పుడు మెగాస్టార్ చిరంజీవితో ఓ పక్కా ఎంటర్టైనర్ చేస్తున్నాడు. అయితే ఈసారి, సినిమా షూటింగ్ మొదలయ్యే ముందే ప్రమోషన్లను దూకుడుగా స్టార్ట్ చేసి అందరినీ ఆశ్చర్యపరిచాడు.
ఇటీవల మెగాస్టార్ చిరంజీవి, అనిల్ రావిపూడి కాంబినేషన్‌లో తెరకెక్కబోయే వింటేజ్ బాస్ కామెడీ ఎంటర్టైనర్ గ్రాండ్‌గా లాంచ్ అయింది. కానీ అనిల్ రావిపూడి అక్కడే ఆగలేదు. సినిమా లాంచ్ అయ్యిందో లేదో—తనదైన స్టైల్‌లో ఓ వీడియో రూపొందించి, సోషల్ మీడియాలో రిలీజ్ చేశాడు అనిల్ రావిపూడి. “చిరు గారితో రెడీ… మాస్, కామెడీ కలిపి రఫ్ఫాడిస్తాం!” అంటూ చేసిన వీడియో, మెగా అభిమానులకు హైప్ క్రియేట్ చేస్తూ ఒకే ఒక్క రోజులో వైరల్ అయ్యింది!
సాధారణంగా హీరోలు, దర్శకులు సినిమాపై మాట్లాడటానికి కనీసం ఫస్ట్ లుక్, టీజర్ లాంటి ప్రమోషన్ మెటీరియల్ వచ్చేంతవరకు ఎదురుచూస్తారు. కానీ అనిల్ రావిపూడి సినిమా సెట్స్ మీదకి వెళ్లకుండానే ప్రమోషన్స్ మొదలుపెట్టి అందరినీ షాక్‌కు గురి చేశాడు.
రాజమౌళి సినిమా ప్రమోషన్ల గురించి టాలీవుడ్‌కి ప్రత్యేకంగా చెప్పాల్సిన అవసరం లేదు. ఆయన తీసిన ప్రతి సినిమా ఇంటర్నేషనల్ హైప్‌ను క్రియేట్ చేస్తుంది. ప్రపంచవ్యాప్తంగా ప్రేక్షకుల్లో ఆసక్తిని పెంచడం, హీరోల్ని దేశమొత్తం తిప్పడం, మీడియా ఇంటర్వ్యూలు, బిగ్-బడ్జెట్ ఈవెంట్స్, సోషల్ మీడియా క్యాంపెయిన్స్—all in all, మార్కెటింగ్ మాస్టర్.
“సినిమా తీయడమే కాదు, దాన్ని అమ్మడంలోనూ జక్కన్నకు సాటి ఎవ్వరూ లేరు!”
రాజమౌళి ఏం చేస్తాడంటే—సినిమా కంప్లీట్ అయిన తర్వాతే అసలైన ప్రమోషన్స్ స్టార్ట్ చేస్తాడు. ఆయన సినిమాల కోసం ప్రేక్షకులు వెయిట్ చేస్తూ ఉండేలా చేసే విధంగా రెండేళ్ల పాటు హైప్ మెయింటెయిన్ చేస్తారు. ‘బాహుబలి’ విడుదలకు ముందు “కట్టప్ప ఎందుకు బాహుబలిని చంపాడు?” అనే ఒక్క ప్రశ్నతో దేశవ్యాప్తంగా ఆసక్తిని క్రియేట్ చేయగలిగారు. ‘RRR’ కోసం భారతదేశాన్ని చుట్టేసి, ప్రమోషన్లను పక్కాగా ప్లాన్ చేశారు.
కానీ అనిల్ రావిపూడి మాత్రం పూర్తిగా కొత్త దారిని ఎంచుకున్నాడు. రాజమౌళి సినిమా పూర్తి అయిన తర్వాత ప్రమోషన్ స్టార్ట్ చేస్తాడు. అనిల్ రావిపూడి షూటింగ్ మొదలయ్యే ముందే ప్రమోషన్ స్టార్ట్ చేశాడు. ఇందుకు కారణం—ప్రేక్షకుల్లో ఎప్పటికప్పుడు సినిమా గురించి ఎదో ఒక టాపిక్ ఉండాలి, ప్రేక్షకుల్లో నానుతూనే ఉంటే నెమ్మదిగా హైప్ పెరుగుతూ ఉంటుంది. సంక్రాంతికి వస్తున్నాం సినిమానే ఇందుకు ఉదాహరణ… గోదారి గట్టు మీద సాంగ్ నుంచి పోస్ట్ రిలీజ్ వరకూ ఎక్కడ చూసినా సంక్రాంతి వస్తున్నాం సినిమా ప్రమోషనల్ కంటెంట్ మాత్రమే కనిపించింది అంటే అనిల్ ప్రమోషన్స్ ఏ రేంజులో చేసాడో అర్ధం చేసుకోవచ్చు.
సో ఇప్పటివరకు టాలీవుడ్‌లో సినిమాకు హైప్ క్రియేట్ చేయడం అంటే టీజర్, సాంగ్స్, ట్రైలర్, ప్రీ-రిలీజ్ ఈవెంట్, రిలీజ్ తర్వాత సక్సెస్ మీటింగ్ అనే ఫార్ములానే ఫాలో అయ్యారు. కానీ అనిల్ రావిపూడి ఇప్పుడే సినిమా గురించి మాట్లాడటం మొదలుపెట్టడం వల్ల ప్రేక్షకుల్లో మరింత ఆసక్తిని పెంచుతున్నాడు. “సినిమా రిలీజ్ దగ్గర పడే సరికి కాకుండా, ప్రేక్షకుల్లో అంచనాలు ముందే పెంచడం అనిల్ రావిపూడి న్యూఎజ్ ప్రమోషన్ స్ట్రాటజీ!” ఇప్పుడే సినిమా ప్రమోషన్ మొదలుపెట్టి, మెగా అభిమానుల్లో ఓ అద్భుతమైన క్యూరియాసిటీ క్రియేట్ చేయడం అనిల్ రావిపూడికి బాగా వర్కౌట్ అయ్యింది. అయితే ఇది మిగిలిన దర్శకులు కూడా ఫాలో అవుతారా? లేక ఇది కేవలం అనిల్ రావిపూడి మార్కా స్ట్రాటజీగానే మిగిలిపోతుందా? అనేది చూడాలి.
Share
Waqf Bill in Lok Sabha: లోక్ సభ ముందుకు వక్ఫ్ సవరణ బిల్లు.. ఢీ అంటే ఢీ అనబోతున్న పాలక ప్రతిపక్షాలు..
Gundeninda GudiGantalu Today episode: సత్యం కు చెమటలు పట్టిస్తున్న ప్రభావతి.. మీనా కోసం బాలు పాట్లు..
