Another Credit of the Movie Drushyam: థ్రిల్లర్ ఫ్రాంచైజీగా తెరకెక్కిన చిత్రం ‘దృశ్యం’. ఎన్నో రికార్డులను సొంతం చేసుకున్న ‘దృశ్యం’ సినిమా తాజాగా మరో ఘనత సాధించింది. ఇప్పుడు ఈ చిత్రాన్ని ప్రపంచవ్యాప్తంగా రిలీజ్ చేయడానికి హాలీవుడ్ నిర్మాణ సంస్థ సిద్ధంగా ఉన్నట్లు తెలుసోంది. ఇంగ్లిష్, స్పానిష్‌ భాషల్లో రీమేక్‌ చేయనున్నట్లు సమాచారం. భారతీయ సినిమాల్లో హాలీవుడ్‌కి రీమేక్‌ కానున్న మొదటి చిత్రంగా ‘దృశ్యం’ నిలిచింది.
మొదట ఈ సినిమా మలయాళంలో తెరకెక్కించారు. ఆ తరువాత తెలుగు, హిందీ, కన్నడ, తమిళ భాషల్లో వివిధ పేర్లతో వచ్చి సత్తా చాటింది. దానికి సీక్కెల్‌గా వచ్చిన ‘దృశ్యం 2’ కూడా మంచి టాక్‌ సొంతం చేసుకుంది. దీంతో ఈ చిత్రం కొరియాన్‌లో రీమేక్‌ అయ్యి అక్కడ కూడా ఘన విజయం సాధించింది.
ఇండియా నిర్మాణ సంస్థ పనోరమా స్టూడియోస్ ఈ చిత్రాన్ని ప్రపంచవ్యాప్తంగా రీమేక్‌ హక్కులను సొంతం చేసుకుంది. ఈ సందర్భంగా ఛైర్మన్, మేనేజింగ్ డైరెక్టర్ సంతోషం వ్యక్తం చేశారు. దృశ్యం లాంటి మంచి కథనం విశ్వవ్యాప్త ఆకర్షణను కలిగి ఉంది. అందుకు ఈ కథను ప్రపంచవ్యాప్తంగా ప్రేక్షకులకు అందించాలని ఆసక్తిగా ఉందన్నారు.
Read More: పోలీసు పాత్రలపై వివాదాస్పద వ్యాఖ్యలు .. క్షమాపణలు చెప్పిన నాగబాబు..
హాలీవుడ్ కోసం ఆంగ్లంలో ఈ కథను రూపొందించడానికి గల్ఫ్‌స్ట్రీమ్ పిక్చర్స్‌తోపాటు మరో సంస్థతో కలిసి పని చేయడం తమకు చాలా సంతోషంగా ఉందన్నారు. కొరియా, హాలీవుడ్ తర్వాత.. రాబోయే మూడు నుంచి ఐదు సంవత్సరాలలో 10 దేశాల్లో దృశ్యం నిర్మించడమే తమ లక్ష్యం అని పేర్కొన్నారు.
దృశ్యం-2 నిర్మాత అభిషేక్ పాఠక్‌ మాట్లాడుతూ.. దృశ్యం సినిమాకి ఇంత భారీ విజయాన్ని అందించిన భారతీయ ప్రేక్షకులపై అపారమైన ప్రేమ ఉంది. దృశ్యం లాంటి కథను ప్రపంచవ్యప్తంగా ప్రేక్షకులు ఆస్వాదించాలని కోరుకుంటున్నాను. అంతర్జాతీయ హాలీవుడ్ మార్కెట్‌కు తీసుకెళ్లడం చాలా సంతోషంగా ఉందని అన్నారు.
Share
Naga Babu : పోలీసు పాత్రలపై వివాదాస్పద వ్యాఖ్యలు .. క్షమాపణలు చెప్పిన నాగబాబు..
Dharani Portal: ధరణి ధరఖాస్తులకు మోక్షం..! మార్గదర్శకాలు జారీ చేసిన సర్కార్..
