నటుడు, నిర్మాత, దర్శకుడు అర్జున్ సర్జా మెగా ఫోన్ చేస్తున్న చిత్రంలో విశ్వక్ సేన్ హీరోగా నటించాల్సి ఉంది. ఈ సినిమా ఇప్పుడు వివాదానికి కారణమైంది. సినిమా నుంచి విశ్వక్ సేన్ తప్పుకున్నాడనే వార్తలు నెట్టింట వైరల్ అయ్యాయి. దీంతో అర్జున్ ప్రెస్ మీట్ పెట్టి అసలు విశ్వక్ సేన్‌తో సినిమా విషయంలో ఏం జరిగిందనే దానిపై క్లారిటీ ఇచ్చారు. ముందుగా ప్లాన్ చేసుకున్న షెడ్యూల్‌ని విశ్వక్ కోసం క్యాన్సిల్ చేశానని, కానీ మళ్లీ ప్లానింగ్ చేసుకున్నాం. రేపు ఉదయం షూటింగ్ అంటే.. అదే రోజు పొద్దున నాలుగు గంటలకు షూటింగ్‌ను ఆపేయాలంటూ విశ్వక్ మెసేజ్ పెట్టారని అర్జున్ తెలిపారు. అన్ ప్రొఫెషనలిజం ఉన్న యాక్టర్‌తో తాను సినిమా చేయలేనని అర్జున్ ప్రెస్ మీట్ పెట్టి మరీ విమర్శలు చేశారు.

అయితే అర్జున్ ప్రెస్ మీట్‌లో చేసిన వ్యాఖ్యలపై విశ్వక్ సేన్ రియాక్ట్ అయ్యాడు. అర్జున్ అంతా తాను చెప్పినట్లే జరగాలని అనుకుంటున్నారు. కథ విషయంలో తాను చిన్న చిన్న మార్పలు చెప్పానని, అయితే ఆ మార్పలు చేయటానికి ఆయన ఒప్పుకోవటం లేదని, తన మాటలకు గౌరవం ఇవ్వకపోవటంతో నచ్చని పని చేయలేక ప్రాజెక్ట్ నుంచి బయటకు వచ్చేశానని విశ్వక్ అన్నారు. మరి ఈ వ్యవహారంపై ప్రొడ్యూసర్స్ గిల్డ్ ఎలా రియాక్ట్ అవుతుందో చూడాలి మరి.

Share

• 
• 
• 
• 
• 
•