అతడు, ఖలేజా చిత్రాల తర్వాత సూపర్ స్టార్ మహేష్, త్రివిక్రమ్ కాంబినేషన్లో ఓ సినిమా రూపొందుతోన్న సంగతి తెలిసిందే. ఇప్పటికే ఓ షెడ్యూల్ షూటింగ్ పూర్తయ్యింది. సెకండ్ షెడ్యూల్ చిత్రీకరణ రెండు, మూడు రోజుల్లోనే స్టార్ట్ అవుతుందనే వార్తలు వినిపిస్తున్నాయి. ఈ క్రమంలో ఈ సినిమాకు సంబంధించిన వార్తొకటి నెట్టింట వార్తలు అవుతున్నాయి. అదేంటంటే సినిమా రిలీజ్ డేట్కి సంబంధించింది. నిజానికి SSMB 28 సినిమా షూటింగ్ని మొదలు పెట్టక ముందే ఏప్రిల్ 28న రిలీజ్ చేయబోతున్నామని మేకర్స్ ప్రకటించారు. అయితే ఇప్పుడు వినిపిస్తోన్న సమాచారం మేరకు విడుదల తేదీని మార్చబోతున్నారట. సినీ సర్కిల్స్లో చక్కర్లు కొడుతున్న వార్తల మేరకు ఆగస్ట్ 9న SSMB 28 చిత్రాన్ని రిలీజ్ చేయటానికి ప్లాన్ చేస్తున్నారు.
మహేష్ సరసన పూజా హెగ్డే హీరోయిన్గా నటిస్తుంది. ఈ సినిమా కోసం సూపర్ స్టార్ సిక్స్ ప్యాక్ లుక్లో కనిపించబోతున్నారు. పదేళ్ల తర్వాత త్రివిక్రమ్ దర్శకత్వంలో మహేష్ చేస్తోన్న సినిమా కావటంతో మంచి హైప్ క్రియేట్ అయ్యింది. హారిక అండ్ హాసిని క్రియేషన్స్ బ్యానర్పై రాధాకృష్ణ ఈ చిత్రాన్ని నిర్మిస్తున్నారు. ఈ సినిమాను ఈ ఏడాదిలో పూర్తి చేసి నెక్ట్స్ మూవీని రాజమౌళి దర్శకత్వంలో చేయడానికి మహేష్ సిద్ధమవుతారు.
Share
Arjun - Vishwak Sen: అర్జున్ సినిమా ఎందుకు చేయలేదంటే.. రియాక్ట్ అయిన విశ్వక్ సేన్
BCCI: అఫ్రీదీకి అదిరిపోయే కౌంటర్ ఇచ్చిన బీసీసీఐ చీఫ్
