Celebrities on Krishna Death News : సూపర్ స్టార్ కృష్ణ మృతి పట్ల రాజకీయ ప్రముఖులు, సినీ ప్రముఖులు దిగ్భ్రాంతి వ్యక్తం చేస్తున్నారు. ఆయన కుటుంబసభ్యులకు ప్రగాఢ సానుభూతిని తెలియజేస్తున్నారు. కృష్ణ మృతి వార్త తెలుసుకున్న సీఎం కేసీఆర్ సంతాపం వ్యక్తం చేశారు. సినీ రంగంలో నూతన ఒరవడులను ప్రవేశపెట్టిన ఘనత సూపర్స్టార్ కృష్ణదేనని గుర్తుచేశారు కేసీఆర్. కృష్ణ కుటుంబసభ్యులకు ప్రగాఢ సానుభూతిని తెలిపారు.
కృష్ణ నటించిన సినిమాలు యువశక్తికి చిహ్నంగా ఉండేవన్నారు మాజీ ఉపరాష్ట్రపతి వెంకయ్యనాయుడు. తెలుగు తెరపై కృష్ణ ఆయన స్పూర్తి ఎల్లవేలలా ఉంటుందని అన్నారు. ఆయన కుటుంబసభ్యులకు ప్రఘాడ సానుభూతి తెలిపారు వెంకయ్యనాయుడు.
కృష్ణ చనిపోయాడని నేనింకా నమ్మలేకపోతున్నానని ప్రముఖ నిర్మాత ఎంఎస్ రాజు సోషల్ మీడియాలో స్పందించారు. ఆయన ఆత్మకు శాంతి చేకూరాలని..కుటుంబసభ్యులకు ప్రగాఢ సంతాపాన్ని తెలిపారు.
కృష్ణ మృతి పట్ల ఏపీ సీఎం జగన్మోహన్రెడ్డి దిగ్భ్రాంతి వ్యక్తం చేశారు. కృష్ణ మరణం తెలుగుసినీరంగానికి తీరని లోటు అన్నారు. కృష్ణ కుటుంబసభ్యులకు దేవుడు మనోధైర్యం కల్పించాలని కోరుకుంటున్నట్లు తెలిపారు. ఆంధ్రా జేమ్స్బాండ్గా కృష్ణ పాపులారిటీ సాధించారని సీఎం గుర్తుచేశారు.
సూపర్స్టార్ బిరుదుకు సార్ధకత చేకూర్చిన నటుడు కృష్ణ మాత్రమేనని జనసేన అధినేత పవన్ కళ్యాణ్ అన్నారు. కృష్ణ మరణం తనకు ఎంతో ఆవేదన కలిగించిందన్నారు. ఆయన కోలుకుంటారనుకున్నా గానీ ఈ విషాద వార్త వినాల్సి వచ్చిందని బాధను వ్యక్తం చేశారు. ఆయన కుమారుడు మహేశ్ బాబుకి, ఇతర కుటుంబసభ్యులకు ప్రగాఢ సానుభూతి తెలియజేస్తున్నట్లు సోషల్ మీడియాలో తెలిపారు పవన్ కళ్యాణ్.
Share
Chiranjeevi : మంచి మనసు కలిగిన హిమాలయ పర్వతం : మెగాస్టార్ చిరంజీవి
Krishna: ఆ ముగ్గురి మరణంతో తీవ్రవేదన.. 2022లో చేదు జ్ఞాపకాలు..
