Rana Naidu: సువర్ణ వర్మ, కరణ్ అన్షుమన్ దర్శకత్వంలో విక్టరీ వెంకటేష్, రానా కాంబినేషన్‌లో తెరకెక్కుతున్న వెబ్‌ సిరీస్ ‘రానా నాయుడు’. అమెరికన్ క్రైమ్ డ్రామా సిరీస్ రే డోనవన్ ఆధారంగా దీనిని తీసుకొస్తున్నారు. త్వరలో ఈ వెబ్‌సిరీస్ ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుంది. ఇప్పటికే నెట్ఫ్లిక్స్ ప్రవమోషన్స్‌ను కూడా ప్రారంభించింది.
ఈక్రమంలో వెంకటేష్ రానాకు, నెట్‌ఫ్లిక్స్‌కు వార్నింగ్ ఇస్తూ ఓ వీడియోను ట్విట్టర్‌లో రిలీజ్ చేశాడు. ‘‘పెద్ద త‌ప్పు చేస్తున్నావు నెట్ఫ్లిక్స్. రానా నాయుడులో హీరో ఎవరు?.. నేను. అందంగా కనిపించేది ఎవరు?.. నేను. స్టార్ ఎవరు?.. అది కూడా నేనే. ఫ్యాన్స్ కూడా నా వాళ్లే ఉన్నారు కాబట్టి ఈ షోకి రానా నాయుడు కాదు ‘నాగా నాయుడు’ అని పేరు పెట్టండి. నాతో మజాక్‌లొద్దు.. మజాక్ మజాక్ మే అబ్దుల్ రజాక్ అవుతుంది’’ అంటూ వీడియోలో చెప్పుకొచ్చాడు.
ప్రమోషన్స్‌లో భాగంగా రిలీజ్ చేసిన ఈ వీడియో ప్రస్తుతం సోషల్ మీడియాలో వైరలవుతోంది. ఈ వీడియోపై నెటిజన్లు రకరకాలుగా కామెంట్లు పెడుతున్నారు. ఇక ఈ వీడియోపై స్పందించిన నెట్ఫ్లిక్స్ ‘ఈ సమస్యను ఎలా పరిష్కరంచగలం’ అంటూ రిప్లై ఇచ్చింది.
Share
Pent house: ఈ పెంట్ హౌస్ ధర తెలిస్తే షాక్..
Pawan: కోటలో ఉన్నా, పేటలో ఉన్నా ఒకటే.. జగన్ పై పవన్ పంచ్ లు..
