Pawan Kalyan OG New Poster: 2024 ఏపీ ఎలక్షన్ ఫలితాలు ఇవాళ రిలీజ్ అయ్యాయి. ఈ ఫలితాల్లో పిఠాపురం నుంచి పోటీ చేసిన పవర్ స్టార్ పవన్ కల్యాణ్ అత్యధిక మెజారిటీతో గెలిపొందారు. ఈ నేపథ్యంలో ఆయనకు పలువురు సినీ, రాజకీయ ప్రముఖులు శుభాకాంక్షలు తెలియజేస్తున్నారు. అదే సమయంలో ఆయన నటించబోతున్న సినిమాల నుంచి కూడా పలు అప్డేట్లు వచ్చిపడుతున్నాయి. అందులో మోస్ట్ అవైటెడ్ మూవీ ‘ఓజీ’ (Original Gangster) ఒకటి.
యంగ్ అండ్ క్రేజీ డైరెక్టర్ సుజీత్ దర్శకత్వంలో తెరకెక్కుతోన్న ఈ సినిమాలో పవన్ కల్యాణ్ గ్యాంగ్స్టర్ పాత్రలో నటిస్తున్నాడు. ఈ మూవీలో పవర్ స్టార్ లుక్ ఓ రేంజ్లో ప్రేక్షకుల్ని ఆకట్టుకుంటోంది. ఇప్పటికే ఈ మూవీ నుంచి విడుదలైన పోస్టర్లు, గ్లింప్స్ సినిమాపై భారీ అంచనాలను క్రియేట్ చేశాయి. ముఖ్యంగా ఈ గ్లింప్స్లో పవర్ స్టార్ మాస్ యాక్షన్ సీన్లు అబ్బో ఇక చెప్పాల్సిన పనే లేదు.
ప్రముఖ నిర్మాణ సంస్థ డీవీవీ ఎంటర్టైన్మెంట్ బ్యానర్పై తెరకెక్కుతోన్న ఈ సినిమా నుంచి తాజాగా అదిరిపోయే అప్డేట్ వచ్చింది. ఇవాళ ఎన్నికల ఫలితాలలో పవన్ కల్యాణ్ భారీ మెజారిటీ ఓట్లతో విజయం సాధించడంతో పవన్ అభిమానులకు మూవీ టీం అదిరిపోయే సర్ప్రైజ్ అందించింది. ఇందులో భాగంగా ఈ మూవీ కొత్త పోస్టర్ను రిలీజ్ చేసింది. అంతేకాకుండా ‘‘ఎవరికీ అందదు అతని రేంజ్.. రెప్ప తెరిచెను రగిలే రివేంజ్’’ అంటూ క్యాప్షన్ ఇచ్చి.. ‘‘ ఓజీ టైమ్ ప్రారంభమవుతుంది’’ అంటూ డీవీవీ ఎంటర్టైన్మెంట్ కొత్త పోస్టర్ రిలీజ్ చేసింది.
Also Read: పవన్ కల్యాణ్ ‘ఓజీ’ నుంచి క్రేజీ అప్డేట్.. విలన్ ఫస్ట్ లుక్ మామూలుగా లేదు భయ్యా!
ఈ పోస్టర్లో పవర్ స్టార్ లుక్ ఓ రేంజ్లో ఉంది. కుర్చీపై కూర్చుని కాళుపై కాళు వేసుకుని ఉన్న స్టిల్ అభిమానుల్ని విపరీతంగా ఆకట్టుకుంటోంది. కాగా ఈ మూవీలో ప్రముఖ నటీ నటులు కీలక పాత్రలో నటిస్తున్నారు. శ్రియారెడ్డి, తేజ్ సప్రూ, అర్జున్ దాస్తో సహా మరికొంత మంది నటీ నటులు ఇందులో భాగం అయ్యారు. అంతేకాకుండా ఇందులో విలన్గా ప్రముఖ బాలీవుడ్ యాక్టర్ నటిస్తున్నాడు. ఎన్నో సినిమాల్లో తన యాక్టింగ్తో అదరగొట్టిన నటుడు ఇమ్రాన్ హష్మీ ఓజీ సినిమాలో పవన్ను ఢీ కొట్టే పాత్రలో నటిస్తున్నాడు. దీంతో సినిమాపై మరింత హైప్ క్రియేట్ అయింది. మొత్తంగా దర్శకుడు సుజీత్ ఈ చిత్రాన్ని ఓ లెవెల్లో తెరకెక్కిస్తున్నాడనే చెప్పాలి.
Evvariki Andhadhu Athani Range….
Reppa Therichenu Ragile Revenge… #OG TIME BEGINS…. #TheyCallHimOG pic.twitter.com/2cdp4E4wcP— DVV Entertainment (@DVVMovies) June 4, 2024
Share
Chandrababu Naidu: రెండు కూటములకూ.. బాబే కింగ్ మేకర్
Vivo Y300 Pro 5G Leaks: మిస్ చేయకండి.. వివో నుంచి బడ్జెట్ ఫోన్.. ఫీచర్లు అదిరిపోతాయ్!
