SSMB29: సూపర్ స్టార్ మహేష్ బాబు ఫ్యాన్స్ పండగ మొదలెట్టేశారు. రేపు మహేష్ పుట్టినరోజు కావడంతో హడావిడి మొదలయ్యింది. ఇప్పటికే మురారి రీరిలీజ్ కోసం, ఆగస్టు 9 కోసం ఎంతలా ఎదురుచూస్తున్నారో ప్రత్యేకంగా చెప్పాల్సిన అవసరం లేదు. ఎప్పుడెప్పుడు మురారి థియేటర్ కు వెళ్తామా.. ? అని కళ్ళు కాయలు కాసేలా ఎదురుచూస్తున్నారు.
ఎట్టకేలకు ఆ సమయం వచ్చేసింది. తెల్లారితే సోషల్ మీడియాలో మురారి వీడియోలు తప్ప ఇంకేమి కనిపించవు అని చెప్పడంలో ఆశ్చర్యం లేదు. ఇక ఏ స్టార్ హీరో బర్త్ డే వచ్చినా.. వారి కొత్త సినిమాల అప్డేట్స్ తో, కొత్త సినిమాల పోస్టర్స్ తో సోషల్ మీడియా షేక్ అవుతూ ఉంటుంది. రేపు మహేష్ బర్త్ డే కావడంతో.. రాజమౌళిని ఫ్యాన్స్ బతిమిలాడుకుంటున్నారు.
గుంటూరు కారం సినిమా తరువాత మహేష్ బాబు నటిస్తున్న చిత్రం SSMB29. రాజమౌళి దర్శకత్వం వహిస్తున్న ఈ చిత్రం ఇంకా సెట్స్ మీదకు వెళ్ళింది లేదు. ఆర్ఆర్ఆర్ వచ్చి రెండేళ్లు అవుతుంది. ఇప్పటివరకు జక్కన్న.. SSMB29 స్క్రిప్ట్ కూడా ఫినిష్ చేయలేదు. ఈ మధ్యనే స్క్రిప్ట్ ఫినిష్ అయ్యిందని వార్తలు రావడంతో కొంత భారం తగ్గిందని ఫ్యాన్స్ సంతోషపడ్డారు.
ఇక దానికి తోడు మహేష్.. తన లుక్ ను మార్చుకొనే ప్రాసెస్ లో ఉన్నాడు. గుబురు గడ్డం, లాంగ్ హెయిర్ పెంచుతూ వస్తున్నాడు. ఇక రేపు మహేష్ బర్త్ డే. ఈ సినిమా నుంచి ఒక అప్డేట్.. ఒక చిన్న అప్డేట్ అయినా పర్లేదు అని అభిమానులు ఆశపడుతున్నారు. ఎంత చిన్న అప్డేట్ అయినా పర్లేదు.. SSMB29 నుంచి ఏదైనా వదిలి మా హీరోకు బర్త్ డే విషెస్ చెప్పు జక్కన్నా అని ఫ్యాన్స్ రాజమౌళికి విజ్ఞప్తి చేస్తున్నారు. మరి ఫ్యాన్స్ వినతిని రాజమౌళి లెక్కలోకి తీసుకుంటాడా.. ? లేదా.. ? అనేది తెలియాలంటే రేపటి వరకు ఆగాల్సిందే.
Share
Wayanad landslides: మీ సేవలు మరిచిపోలేము.. వయనాడ్‌లో జవాన్‌లకు కన్నీటి వీడ్కోలు
Rahu Gochar Horoscope: శని రాశిలోకి రాహువు.. 3 రాశుల వారికి మంచి సమయం రాబోతుంది
