Mr. Bachchan: మాస్ మహారాజా రవితేజ, భాగ్యశ్రీ బోర్సే జంటగా హరీష్ శంకర్ దర్శకత్వంలో తెరకెక్కుతున్న చిత్రం మిస్టర్ బచ్చన్. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ ఈ సినిమాను నిర్మిస్తున్నాడు. ఇక ఈ చిత్రంలో జగపతి బాబు విలన్ గా నటిస్తున్నాడు. బాలీవుడ్ హిట్ టాక్ అందుకున్న రైడ్ సినిమాకు.. మిస్టర్ బచ్చన్ రీమేక్ గా తెరకెక్కుతుంది.
ఇప్పటికే ఈ సినిమా నుంచి రిలీజైన పోస్టర్స్, షో రీల్ ప్రేక్షకులను విశేషంగా ఆకట్టుకున్నారు. ఆగస్టు 15 న ఈ సినిమా రిలీజ్ కానుంది. ఇక రిలీజ్ డేట్ దగ్గరపడుతుండడంతో ప్రమోషన్స్ మొదలుపెట్టిన మేకర్స్.. మిస్టర్ బచ్చన్ మ్యూజికల్ ఫెస్టివెల్ ను మొదలుపెట్టారు. అందులో భాగంగానే నేడు మిస్టర్ బచ్చన్ నుంచి మొదటి లిటికల్ సాంగ్ ను రిలీజ్ చేశారు.
ఇప్పటికే సితార్ సాంగ్ ట్యూన్ ప్రేక్షకలను మెప్పించింది. నేడు సితార్ ఫుల్ సాంగ్ కూడా చార్ట్ బస్టర్ అయ్యేలానే కనిపిస్తుంది. రవితేజ- మెలోడీ సాంగ్స్ పర్ఫెక్ట్ కాంబో అని చెప్పొచ్చు. ఈ సాంగ్ కూడా అలానే వినిపిస్తుంది. గేయ రచయిత సాహితి అంధించిన లిరిక్స్ కు మిక్కీ జే మేయర్ మ్యూజిక్ హైలైట్ గా నిలువగా.. సాకేత్, సమీరా తమ వాయిస్ తో సాంగ్ ను మరో లెవెల్ కు తీసుకెళ్లారు.
ఇక సినిమాలో హుక్ స్టెప్ చాలా వైరైటీగా ఉంది. శేఖర్ మాస్టర్ హుక్ స్టెప్స్ లిస్ట్ లో ఇది కూడా చేరిపోతుందని చెప్పాలి. ఇక ఇవన్నీ ఒక ఎత్తు అయితే రవితేజ-భాగ్యశ్రీ కెమిస్ట్రీ నెక్స్ట్ లెవెల్ లో ఉంది. కాశ్మీర్ అందాల నడుమ వీరి కెమిస్ట్రీ చాలా ఫ్రెష్ గా కనిపిస్తుంది. ప్రస్తుతం ఈ సాంగ్ నెట్టింట వైరల్ గా మారింది. మరి ఈ సినిమాతో రవితేజ ఎలాంటి హిట్ ను అందుకుంటాడో చూడాలి.
Share
Hyundai Exter Knight Edition: హ్యుందాయ్ నుంచి కొత్త ఎడిషన్.. ధర తక్కువ, ఫీచర్లు ఎక్కువ..!
Kuldeep Comments on Retirement: ముగ్గురు క్రికెటర్ల రిటైర్మెంట్పై కుల్దీప్ కీలక వ్యాఖ్యలు
