GV Prakash: విడాకుల కోసం ఒకే కారులో కోర్ట్ కి…

GV Prakash: స్టార్ మ్యూజిక్ డైరెక్టర్, నటుడు GV ప్రకాష్ మరియు ఆయన భార్య సైంధవి విడాకుల దిశగా అధికారికంగా అడుగులు వేస్తున్నారు. చాలా రోజుల క్రితమే తమ వివాహ జీవితానికి ముగింపు పలుకుతున్నట్లు ప్రకటించిన ఈ జంట, తాజాగా కోర్టును ఆశ్రయించి విడాకుల కోసం అప్లై చేసారు. అయితే, ఆశ్చర్యకరంగా ఇద్దరూ ఒకే కారులో కోర్టుకి రావడం, మీడియా మరియు అభిమానుల్లో ఆసక్తిని రేపింది.

GV ప్రకాష్ – దివ్య భారతి రిలేషన్ రూమర్స్

GV ప్రకాష్ ప్రస్తుతం కోలీవుడ్‌లో తన వ్యక్తిగత జీవితం కారణంగా ఎక్కువగా హాట్ టాపిక్‌గా మారాడు. ఆయన “బ్యాచిలర్” సినిమా షూటింగ్ సమయంలో హీరోయిన్ దివ్య భారతితో క్లోజ్ అయ్యాడనే వార్తలు అప్పటినుంచి తెగ హల్‌చల్ చేస్తున్నాయి. ఈ సినిమాకు సంబంధించిన ప్రమోషన్ ఈవెంట్లలో GV & దివ్య భారతి చాలా క్లోజ్‌గా కనిపించడం, ఈ రూమర్లకు మరింత బలం చేకూర్చింది.

కొన్నాళ్లుగా కోలీవుడ్‌లో GV ప్రకాష్ – సైంధవి విడాకుల వెనుక కారణం దివ్య భారతేనా? అనే చర్చ నడుస్తూనే ఉంది. తాజాగా, GV దివ్య భారతితో మరో సినిమా కూడా చేశాడు. సినిమా ప్రమోషన్లలో మాట్లాడుతూ, “మేము షూటింగ్ సమయంలో మాత్రమే కలుసుకున్నాం, మా మధ్య ఏమీ లేదు, ఇవన్నీ రూమర్సే” అని క్లారిటీ ఇచ్చినప్పటికీ, ఈ ప్రచారం మాత్రం ఆగడం లేదు.

GV ప్రకాష్ – సైంధవి విడాకులపై అభిమానుల రెస్పాన్స్

GV & సైంధవి చిన్ననాటి నుండి చాలా ఏళ్లుగా ప్రేమించుకుని పెళ్లి చేసుకున్నారు. వారి జంటను ఆదరించిన అభిమానులకు, వీరి విడాకుల వార్త షాక్ ఇచ్చింది. అయితే, కోర్టుకి ఇద్దరూ కలిసి రావడం చూసి, కొంతమంది వీరి అనుబంధం ఇంకా కొనసాగుతుందా? అనే సందేహం వ్యక్తం చేస్తున్నారు. మరోవైపు, కొందరు మాత్రం ఇది కేవలం ఫార్మాలిటీ కోసం మాత్రమేనని, విడిపోవడమే వీరి ఫైనల్ డెసిషన్ అని చెబుతున్నారు.

GV ప్రకాష్ తన కెరీర్‌లో విలక్షణమైన మ్యూజిక్ తో పాటు అభినయంతోనూ మంచి గుర్తింపు తెచ్చుకున్నాడు. అయితే, ఈ వ్యక్తిగత జీవితం చుట్టూ నడుస్తున్న వివాదాలు, రూమర్లు ఇప్పుడిప్పుడే మరింత ఎక్కువగా వైరల్ అవుతున్నాయి. ఇకపై GV, సైంధవి తమ తమ జీవితాల్లో ఎలా ముందుకెళతారో చూడాలి!