Jabardasth Mohan Wedding: బుల్లితెర కామెడీ షో జబర్దస్త్ గురించి ప్రత్యేకంగా చెప్పాల్సిన అవసరం లేదు. ఎన్నో ఏళ్లుగా ఈ కామెడీ షో అభిమానులను నవ్విస్తూ వస్తుంది. ఇదే షో ఎంతోమందికి జీవితాన్ని ఇచ్చింది. అనసూయ, రష్మీ, సుడిగాలి సుధీర్, హైపర్ ఆది, గెటప్ శ్రీను, రామ్ ప్రసాద్, చమ్మక్ చంద్ర.. ఇలా చెప్పుకుంటూ పోతే చాలా పేర్లు వస్తాయి.
ఇక లేడీ గెటప్స్ ద్వారా గుర్తింపు తెచ్చుకున్నవారు కూడా ఉన్నారు. అప్పట్లో లేడీ గెటప్ అంటే వినోద్ ఎక్కువ కనిపించేవాడు. ఇప్పుడు మోహన్ లేడీ గెటప్ లో కనిపించి మెప్పిస్తున్నాడు. రాఘవ టీం లో కోకిల పేరుతో చేసిన స్కిట్ చాలా మంచి గుర్తింపు తెచ్చుకుంది. అప్పటినుంచి మోహన్.. మోహినిగా మారాడు. ఇక ఆయన మంచి మేకప్ ఆర్టిస్ట్ కూడా.
ఇక తాజాగా మోహన్ పెళ్లి పీటలు ఎక్కాడు. విజయవాడలో మోహన్ పెళ్లి ఘనంగా జరిగింది. పెళ్లి కూతురు వివరాలు ఇంకా తెలియాల్సి ఉన్నాయి. అయితే వీరి పెళ్లి పెద్దలు కుదిర్చిన పెళ్లి అనే తెలుస్తోంది. నిన్న జరిగిన వీరి వివాహానికి జబర్దస్త్ నటులు రాకెట్ రాఘవ, వినోద్, అదిరే అభి, గడ్డం నవీన్, అప్పారావు సహా పలువురు హాజరయ్యారు. మోహన్ భార్య ఎంతో అందంగా ఉంది. ఇందుకు సంబంధించిన ఫోటోలు నెట్టింట వైరల్ గా మారాయి. ఇక ఈ జంటకు అభిమానులు సైతం శుభాకాంక్షలు తెలుపుతున్నారు.
Share
Stock Market Highlights: కొత్త ఆర్ధిక సంవత్సరంలో జోష్.. ఇంట్రాడేలో ఆల్టైమ్ గరిష్ఠాలకు సూచీలు
Bhatti Vikramarka: కరెంట్ సమస్యపై కట్టుకథలు.. కేసీఆర్కు భట్టి కౌంటర్..
