Kantara:భూత కోల సంస్కృతి, సంప్ర‌దాయాన్ని ఎలివేట్ చేస్తూ రూపొందిన సినిమా ‘కాంతార’. రిష‌బ్ శెట్టి ద‌ర్శ‌క‌త్వం వ‌హిస్తూ హీరోగా న‌టించారు. రూ.16 కోట్ల‌తో రూపొందిన ఈ చిత్రం పాన్ ఇండియా రేంజ్‌లో క‌న్న‌డ స‌హా హిందీ, తెలుగు, త‌మిళ, మ‌ల‌యాళ భాష‌ల్లో అనువాద‌మై బ్లాక్ బ‌స్ట‌ర్ విజ‌యాన్ని ద‌క్కించుకుంది. రూ.400 కోట్లకు పైగానే క‌లెక్ష‌న్స్ రాబ‌ట్టుకుంది. దీంతో నిర్మాణ సంస్థ హోంబ‌లే ఫిలింస్ ఇప్పుడు కాంతార 2 చిత్రీక‌ర‌ణ‌కు స‌న్నాహాలు ప్రారంభించింది. చిన్న సినిమాగా ఎలాంటి అంచ‌నాలు లేకుండా విడుద‌లైన ఈ చిత్రం బాక్సాఫీస్ ద‌గ్గ‌ర స‌రికొత్త రికార్డుల‌ను క్రియేట్ చేసింది.
బిగ్ స్క్రీన్‌పై రికార్డ్స్ క్రియేట్ చేసిన కాంతార.. తాజాగా మరో రికార్డ్‌ను క్రియేట్ చేసింది. అదెక్క‌డో కాదు, బుల్లి తెర‌పై రీసెంట్‌గా ప్ర‌సార‌మైన కాంతార తెలుగు వెర్ష‌న్‌కు 12.35 రేటింగ్స్ వ‌చ్చాయి. ఈ మ‌ధ్య కాలంలో బుల్లి తెర‌పై అత్య‌ధిక రేటింగ్ సాధించిన చిత్రంగా కాంతార త‌న స‌త్తాను చాటింది. స‌ప్త‌మి గౌడ ఈ చిత్రంలో హీరోయిన్‌గా న‌టించిన సంగ‌తి తెలిసిందే. మ‌రి త్వ‌ర‌లోనే తెర‌కెక్క‌బోతున్న కాంతార 2.. కొత్త క‌థ‌తో స్టార్ట్ అవుతుందా.. లేక కంటిన్యూ అవుతుందా! అనేది చూడాలి.
Share
Transgender couple: పేరెంట్స్ కాబోతున్న ట్రాన్స్జెండర్ కపుల్స్
Adani:ఎఫ్పీవోలో 'అదానీ' సొంత డబ్బే పెట్టారా?
