Krishna : సూపర్ స్టార్ కృష్ణ భౌతికకాయం కాంటినెంటల్ ఆసుపత్రి నుంచి నానక్రామ్గూడలోని ఆయన నివాసానికి చేరింది. సినీ రాజకీయ ప్రముఖులు కృష్ణ నివాసానికి వచ్చి అక్కడ ఆయన భైతికకాయానికి నివాళులర్పిస్తున్నారు. జనసేన అధినేత పవన్ కళ్యాణ్ కృష్ణ భైతికకాయానికి నివాళులర్పించారు. డైరెక్టర్ బోయపాటి, నిర్మాత సురేష్ బాబు, సి. కళ్యాణ్, నటుడు అడవి శేష్, ఎర్రబెల్లి దయాకర్ రావు, చలసాని శ్రీనివాస్ రావులు కూడా కృష్ణ పార్థివ దేహానికి నివాళులర్పించారు.
మెగాస్టార్ చిరంజీవి, విక్టరీ వెంటేశ్, అల్లు అర్జున్ కృష్ణ నివాసానికి చేరుకొని ఆయన భౌతికకాయానికి నివాళులర్పించారు. అనంతరం మహేశ్బాబు కుటుంబసభ్యులను పరిమర్శించి ధైర్యం చెప్పారు. మంత్రి కేటీఆర్ కూడా కృష్ణ భౌతికకాయానికి నివాళలర్పించారు. కుటుంబ సభ్యులను పరామర్శించి అంత్యక్రియలకు సంబంధించిన ఏర్పాట్లను పర్యవేక్షించారు. అయితే ప్రభుత్వ లాంఛనాలతో కృష్ణ అంత్యక్రియలు జరపాలని ఇప్పటికే ముఖ్యమంత్రి కేసీఆర్ అధికారులను ఆదేశించారు.
కృష్ణ నివాసం వద్ద విషాద చాయలు అలముకున్నాయి. మాజీ ముఖ్యమంత్రి చంద్రబాబు నాయుడు, జూ.ఎన్టీఆర్ కృష్ణ భైతికకాయానికి నివాళులర్పించారు.