Hero Navdeep’s Love Mouli Trailer Released: యంగ్ హీరో నవదీప్ ప్రస్తుతం స్టార్ హీరో సినిమాల్లో కీలక పాత్రలు పోషిస్తూ బిజీగా మారాడు. ఈ ఏడాదిలో వచ్చిన హిట్ సినిమాల్లో నవదీప్ కనిపించాడు. ఇక చాలాకాలం తరువాత నవదీప్ హీరోగా నటిస్తున్న చిత్రం లవ్ మౌళి. అవనీంద్ర దర్శకత్వం వహిస్తున్న ఈ చిత్రాన్ని నైరా క్రియేషన్స్ మరియు శ్రీకర పతాకాలపై సి స్పేస్ సంస్థ నిర్మిస్తోంది. ఇక ఈ చిత్రంలో నవదీప్ సరసన పంఖురి గిద్వానీ నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి.

ముఖ్యంగా నవదీప్ బోల్డ్ గా, నగ్నంగా నిలబడిన పోస్టర్ అప్పట్లో పెద్ద రచ్చనే క్రియేట్ చేసింది. ఇక ఈ నేపథ్యంలోనే నేడు ఉగాది పండుగ సందర్భంగా ఈ సినిమా ట్రైలర్ ను మేకర్స్ రిలీజ్ చేశారు. పోస్టర్ లోనే కాకుండ ట్రైలర్ లో కూడా బోల్డ్ కంటెంట్ ను గట్టిగానే నింపినట్లు కనిపిస్తుంది. ముఖ్యంగా నవదీప్ లుక్ చూస్తుంటేనే వైల్డ్ అనిమల్ లా కనిపిస్తున్నాడు.

మౌళి అనే కుర్రాడి కథగా ఈ సినిమా తెరకెక్కింది. అతడి ప్రేమ ఎలా ఉంటుంది.. అసలు అతడికి ఎలాంటి అమ్మాయి కావాలి. ఎందుకు అంత వైల్డ్ గా ఉంటున్నాడు.. ? అసలు ఎందుకు అమ్మాయిలందరూ మౌళిని వదిలేసి వెళ్తున్నారు లాంటి సీన్స్ ను ట్రైలర్ లో చూపించారు. అస్సలు ప్రేమ అనేదే లేని ఒక కుర్రాడి జీవితంలోకి ప్రేమ వెతుక్కుంటూ వచ్చినప్పుడు ఆ కుర్రాడు ఎలా మారాడు.. ? అనేది సినిమా కథగా తెలుస్తోంది.

Also Read: Ntr – War 2: ఎన్టీఆర్ నాన్నగా జగపతి బాబు.. క్లారిటీ వచ్చేసిందిగా.. వీడియో వైరల్

నాలుగు నిముషాలు ఉన్న ఈ ట్రైలర్ లో ముగ్గురు హీరోయిన్లు.. మౌళితో రొమాన్స్ చేస్తూ కనిపించారు. ఈ ముగ్గురులో మౌళి తనను అర్ధం చేసుకొని ప్రేమించే అమ్మాయిని ఎలా వెతికి పట్టుకున్నాడు అనేది సినిమా చూసి తెలుసుకోవాల్సిందే. ట్రైలర్ లో నవదీప్ లుక్, యాటిట్యూడ్ చూస్తుంటే అర్జున్ రెడ్డికి మరో వెర్షన్ లా ఉందని అభిమానులు చెప్పుకొస్తున్నారు. మరి ఈ సినిమాతో నవదీప్ ఎలాంటి విజయాన్ని అందుకుంటాడో చూడాలి.

Share

• 
• 
• 
• 
• 
•