Mahesh Babu: మ‌హేష్ ఆరోజు ఫిల్మ్ సిటీలో సినిమా షూటింగ్‌లో ఉన్నారు. అర్జంటుగా హాస్పిట‌ల్‌కి రావాల‌ని ఆయ‌న‌కి ఫోన్‌. తీరా వచ్చాక పుట్ట‌బోయే కొడుకు గురించి చెప్పారు. కొడుకు పుడుతున్నాడ‌ని చెప్పినందుకు ఆనందించాలా? వారి చెప్పిన మాట విని బాధ‌ప‌డాలా? ఏమీ అర్థం కాలేదు మ‌హేష్‌కి. అయినా త‌ను తేరుకుని, న‌మ్ర‌త‌కు ధైర్యం చెప్పారు. త‌మ జీవితాల్లో అత్యంత భ‌యాన‌క‌మైన ఆ క్ష‌ణాల‌ను గుర్తు చేసుకున్నారు న‌మ్ర‌త. ఏడో నెల్లో చెక‌ప్ కోసం హాస్పిట‌ల్‌కి వెళ్లారు న‌మ్ర‌త. చెక‌ప్ చేసిన వైద్యులు పేగును గౌత‌మ్ మెడ‌కి వేసుకున్నాడ‌ని చెప్పారు. సిజ‌రియ‌న్ చేసి బిడ్డ‌ను బ‌య‌ట‌కు తీయ‌క‌పోతే ప్రాణాల‌కు ప్ర‌మాదం అని చెప్పారు. ఒక‌వేళ ఆపరేషన్ చేసినా, బిడ్డ ప్రాణాల‌కు భ‌రోసా ఇవ్వ‌లేమ‌ని మ‌హేష్‌కి ముందే చెప్పారు. తీరా ఆపరేషన్ సక్సెస్ అయింది. గౌత‌మ్ ఒక‌టిన్న‌ర కిలో ఉన్నాడు. ఆ రోజు నుంచీ మూడు వారాల పాటు వైద్యుల సంర‌క్ష‌ణ‌లోనే ఉన్నాడు.
అది కూడా రోజుకు 40 గ్రాములు పాలు తాగి, ప‌ది గ్రాములు పెరిగాడు. గౌత‌మ్ కోలుకునేవ‌ర‌కు న‌మ్ర‌త‌కు, మ‌హేష్‌కీ కంటి మీద కునుకు లేదు. ప్ర‌తి రోజూ దేవుడికి ద‌ణ్ణం పెట్టి ప‌డుకునేవారు. ఆ దేవుడే వైద్యుల రూపంలో వ‌చ్చి త‌మ బిడ్డ‌ను త‌మ‌కు ద‌క్కించార‌ని అంటారు న‌మ్ర‌త.
త‌న 17 ఏళ్ల కాపురంలో ర‌త్నాల్లాంటి బిడ్డ‌లు క‌ల‌గ‌డం త‌న అదృష్ట‌మ‌ని అంటారు. ఏ కాపుర‌మైనా స‌జావుగా సాగ‌డానికి భార్యాభ‌ర్త‌ల‌కు న‌మ్మ‌కం ఉండాలంటారు. ఒక‌రికొక‌రు తోడుగా ఉంటూ, ఒక‌రి మీద ఒక‌రు గౌర‌వం పెంచుకున్న‌ప్పుడే కాపురం నిల‌బ‌డుతుంద‌ని చెబుతారు న‌మ్ర‌త. మ‌హేష్ ఎక్క‌డికైనా బ‌య‌ట‌కు వెళ్తే ఎక్క‌డికెళ్లావ్‌? ఎవ‌రితో ఉన్నావ్‌? అని విసిగించ‌న‌ని అంటారు ఆమె. త‌న‌ని కూడా మ‌హేష్ విసిగించ‌డ‌ని అంటారు. మ‌హేష్ – న‌మ్ర‌త ప్రేమ వివాహం చేసుకున్న సంగ‌తి తెలిసిందే. తాజాగా త‌మ ఫ్యామిలీ సంగ‌తుల‌ను ఓ యూట్యూబ్‌తో పంచుకున్నారు న‌మ్ర‌త.
Share
Rythubandhu : రైతుబంధుకు రూ.7,600 కోట్లు.. ఆ రోజు నుంచి ఖాతాల్లో జమ..
Rohithreddy : ఈడీ విచారణకు హాజరుకాని రోహిత్ రెడ్డి.. మళ్లీ అదే వ్యూహం..
